Хагас нээлттэй гараанд хамрагдах Сицил хамгаалалт 1. e2-e4 c7-c5 нүүдлээр эхэлдэг. Гарааны тухай анхлан Испаний Луис Рамирес Лусений (XVI зуун) бичвэрт дурдагдсан бол сүүлд нь Д. Полерио, Д. Греко нарын гар бичвэрт орсон байдаг. 1842 онд гарааны судалгааг Карл Яниш нийтэлсэн. XIX зуунд гарааг хард зохимжгүй гэж үзэж байжээ. Цаашдаа энэхүү гарааг Стейницээс бусад бүх дэлхийн аваргууд анхаарал хандуулан онолын болон практик хөгжилд их хувь нэмэр оруулсан.
Гарааны суурь нь ассимметр байрлал үүсгэх санаа юм. Олон хувилбарт хурц тактикийн тэмцэлд хүргэх эсрэг талууддаа сэлгэсэн байрлал үүсдэг. Ихэнхдээ цагааны ноёнгийн жигүүр дэх санаачлагад хар бэрсний жигүүрт санаачлагыг авах эсхүл төвд сөрөг цохилтод бэлтгэлийг сөргүүлэн тавьдаг.

Их мастеруудын тоглосон өргүүдийн нүүдэл бүрийг нарийн тунгаан бодож ямар тактикууд хэрэгжүүлж байгааг сайтар ойлгохыг хичээгээрэй.

1922 онд Рубинштейн ― Шпильман нарын өрөгт анх хэрэглэсэн энэхүү гамбитид 1950 -иад онд Оросын мастерууд d5 -д түлхсэн цагаан хүүг ...e7-e6 нүүдлээр довтлох хувилбарыг судлан Волгийн гамбит хэмээн нэрлэсэн. Сүүлд хар бэрсний жигүүрт тэмцэл өрнүүлэх …g7-g6 хувилбар өргөн тархсан бөгөөд энэхүү хувилбарыг их мастер П.Бенкогийн нэрээр нэрлэсэн байдаг.

Шатар тоглож сурахад гарааны онол маш чухал. Иймд сайтад нийтлэгдсэн гарааны хичээлүүдийг үзэхийг зөвлөе. Гараа мэдэхгүйгээс алдаа хийн ихэнх өрөг эхний 10 -аад нүүдэлд шийдэгдэх тохиолдол их байдаг. Ялангуяа эхлэн суралцагчид, шатар тоглох чадвараа дээшлүүлэхийг хүссэн хүмүүс сайтын Багц хичээлүүд хэсгийн шатрын гараануудын хичээлүүдийг үзээрэй.

Гроссмейстерүүд өрөгтөө хамгийн өргөн ашигладаг гараануудын нэг бол Испани өрөг. Гарааг зохиогчийг Руи Лопес гэж үздэг. Зарим улсуудад гарааг зохиогчийн нэрээр буюу "Руи Лопесийн /Ruy Lopez/ гараа" гэж нэрлэдэг. Гэсэн хэдий ч энэхүү гарааны талаарх анхны мэдээлэл XV-XVI зууны Испаний шатарчин Луис Рамирес де Лусений гарын авлагад дурдагдсан байдаг. Гараа нь нарийн, олон төрлийн схемтэйгээрээ онцлогтой. Гарааны онолын боловсруулалтад В. Стейниц, К. Яниш, М. Чигорин, Ф. Маршалл, З. Тарраш, А. Алехин, М. Эйве, П. Керес, В. Смыслов, И. Болеславский, И. Зайцев, С. Фурман, А. Карпов, Г. Каспаров, Г. Липский зэрэг олон тооны шатарчид их үүрэг гүйцэтгэсэн.
Испани өргийн санаа нь c6 -гийн хар морийг цагаан тэмээгээр дарах эсхүл авах тогтмол заналхийхэд оршихын дээр зарим хувилбарт e5 хар хүүг сулруулах зорилготой. Төрөл бүрийн шатрын програмууд гарааг цагаанд хамгийн ирээдүйтэйн нэг гэж үнэлэдэг.

Шатар сонирхогч болон суралцагчид шатрын гарааны мэдлэгээ дээшлүүлэх нь тоглолтын чанарт илт мэдэгдхүйц дэвшил авчирдаг. Иймд сайтад нийтлэгдэж буй гарааны хичээлүүдийг уншин судлаарай.

Хүүний гинж стратегийн элементийн талаар үргэлжлүүлэн авч үзье. Энэ удаа хүүний гинжний эсрэг дайралтын тактикийн талаар Нимцович өөрийн "Миний систем" номондоо хэрхэн өгүүлсэнг хүргэе.

Хүүний гинжний эсрэг дайралт. Хүүний гинж бүслэлтийн асуудал болох нь.

Хүүний гинжийг тасалбал тэрээр хүчгүй болдог гэж үзэж байсныг буруу гэдгийг Нимцович хүүний гинж өрсөлдөгчийн шатруудын хөдөлгөөний хязгаарлалтын асуудал гэдгийг өөрийн тоглолтоор харуулан баталсан. Хэрэг явдал хүүний гинжний бүрэн бүтэнг хамгаалахад бус харин зөвхөн өрсөлдөгчийн хүүнүүдийн хөдөлгөөнийг удаашруулахад оршино. Бид үүнд хүү, бодоор өрсөлдөгчийн хүүг хаах эсхүл алсын цохилттой шатруудаар тэднийг барих гээд ямар аргаар хүрэх нь ямарч ялгаагүй. Гол нь хүүнүүдийн давшилтыг зогсоох. Нимцовичийн "Өрсөлдөгч талуудын аль альных нь тулааны уриа бол өрсөлдөгчийн хүүний гинжний суурийн эсрэг дайралт байх ёстой" гэсэн санаа тухайн үедээ ихээр шүүмжлэгдэж байжээ. Нимцович хүүний гинжний талаар хэлснээ маргаангүй үнэн гэдгийг дараах байдлаар тайлбарлажээ.