Нүүр » Бусад хичээлүүд » Чөлөөт сэдэв » Таны броузер HTML5 -ийг дэмжих эсэхийг шалгах

Таны броузер HTML5 -ийг дэмжих эсэхийг шалгах

Саяхан надад тохиолдсон нэгэн явдлаас үүдэн энэ постыг оруулахаар шийдсэн юм. Манай нэг танил компьютерын системээ шинээр суулгуулсан юмсанж. Тэгээд интернед холбогдон сайтууд үзэх гэтэл урьд нь зүгээр харагддаж байсан зарим сайтуудын хэв алдагдан асуудал үүсгэжээ. Ингээд тэрээр надад хандахад асуудал интернет хөтөч гэдэгт бүрэн итгэлтэй байсан тул би түүнд хөтөчөө шинэчлэхийг зөвлөсөн.

Тун удалгүй танил маань хөтөчөө шинэчилж болохгүй байгаагаа надад дуулгасан тул би очиж үзтэл системийг суулгасан хүмүүс түүнд интернет хөтөчийн хуучин /бүр нилээд хуучин/ хувилбарыг тавин өгсөн байсан. Тэгээд интернет хөтөчийг дахин суулган шинэчлээд асуудал арилсан.
Иймд та компьютерын системээ шинээр суулгуулбал хэрэгцээт програм хангамжууд зөв ажиллаж байгааг сайн шалгаж байгаарай. Манай форматлагчид хурданг нь бодоод системийг Image -ээс суулгадаг тул програмууд тухайн Image -ийг үүсгэх үеийн хувилбарууд байдагаас ийм асуудал үүсдэг болов уу. Системд програмуудын сүүлийн хувилбар тавигдсан эсэхийг шалгах нэг арга бол хөтөч HTML 5 стандартыг хир дэмжихийг шалгах юм.
Сүүлийн үед сайтууд HTML 5 стандартыг өргөнөөр ашиглах болсон. HTML 5 стандартад өмнө нь өөр төрлийн хэрэгслүүдийг ашиглан хийдэг байсан жишээ нь дугуйрсан булантай элемент гэх мэтийг шууд хийдэг болсон. Хэлний бичлэгийн дүрэмд ч нилээд өөрчлөлт орсон. Шинэ болон шинэчлэгдсэн веб сайтууд HTML 5 стандартыг ашиглан хийгдэх болсон тул та тэдгээр сайтуудыг үзэхийн тулд өөрийн хөтөч програм шинэ стандартад хир нийцэж байгааг мэдэх хэрэгтэй. Үүнийг http://html5test.com/ сайтад хандаад амархан мэдэж болно. Сайтыг өөрийн хөтөч дээрээс нээхэд таны хөтөч HTML 5 стандартад хир нийцэж байгааг шууд хэлээд өгнө. Манай интернет хэрэглэгчид өргөнөөр ашигладаг Google Chrome, Firefox хөтөчүүдийн үзүүлэлтийг харууллаа.

Google Chrome хөтөч.

Миний компьютерын Google Chrome хөтөч нийт 555 онооноос 520 -ыг авч HTML 5 стандарт тестээс хамгийн өндөр оноог авсан.

Firefox хөтөч.


Firefox хөтөч 555 онооноос 486 -г авсан.

Таны комьютерийн хөтөчийн хувилбарыг онооны үзүүлэлтийн доод хэсэгт харуулна. 1-р зургийг хар.
Хүмүүс Internet Explorer хөтөчийг ихээр ашиглаад байдаггүй ч сайтын ажиллагааг түүн дээр хэрхэн ажиллахыг шалгах л хэрэгтэй.

Internet Explorer хөтөч.


Internet Explorer хөтөч 555 онооноос 302 -г авсан.

Хөтөчүүдийн хувилбар буурах тусмаа онооны үзүүлэлт буураад л байна. Иймээс та өөрийн хөтөчийг HTML 5 стандартыг хир дэмжиж байгааг шалган үзээд үзүүлэлт муу байвал заавал шинэчлээрэй.
Дээрх сайт таны хөтөч HTML 5 -ыг хир дэмжихийг үзүүлэхийн дээр юуг харуулж чадах эсэхийг бас хэлнэ өгнө. Жишээ Google Chrome хөтөч юуг харуулж чадахыг

байдлаар үзүүнэ. Дээрх үзүүлэлтүүд энгийн хэрэглэгчдэд хэрэггүй ч сайтын загвар гаргагч дизайнеруудад их хэрэгтэй. Сайтын загварыг гаргахдаа хөтөчүүд HTML 5 -ын ямар боломжуудыг дэмжиж байгааг эндээс тодорхойлоод уг хэрэгслийг ашиглах эсэхээ шийдэхэд чиг өгнө.
Манайхан ихэнхдээ хулгайн програмуудыг ашигладаг болохоор үйлдлийн систем, компьютерт суугдсан програмуудын шинэчлэл хийснээр хулгай баригдаж магадгүй гэдгээс их болгоомжилдог. Харин хөтөч програмууд бол үнэгүй байдаг тул тэдгээрийн шинэлэлийг хийхэд санаа зоволтгүй. Ер нь бол компьютерын бүхий л програмууд ялангуяа үйлдлийн системийг шинэчилж байх ёстой. Програм бүрд өөрийн сул талууд байдаг учраас боловсруулагчид түүнийг тогтмол сайжруулдаг болохоор л шинэчлэл гарч ирдэг.

Жич: Хэрвээ та хөтөч дээрээ олон тооны плагин суулган ашигладаг бол шинэчлэл хийгдсэний дараа зарим нэгэн плагинууд ажиллахгүй болж мэдэхийг анхаарна уу. Firefox сүүлийн хувилбартаа плагин суулгах механизмаа өөрчилсөн тул плагинууд ажиллахгүй болох магадлал өндөртэй. Гэхдээ плагин боловсруулагчид асуудлаа их хурдан шийддэг дээ.

 

Мэдээлэл таалагдсан бол найзуудтайгаа хуваалцаарай.

Элсэлтийн шалгалтандаа бэлтгээрэй.

Манай сайтад бүртгүүлэн бидэнтэй хамтран ажиллаж байгаа та бүхэнд талархлаа илэрхийлэхийн зэрэгцээ сургууль төгсөх болон элсэлтийн шалгалтанд бэлтгэж байгаа сурагчдад…

Нээгдсэн тоо : 978

URL гэж юу болох

Интернет гэдгийг өөр хоорондоо холбогдсон маш олон компьютерууд гэж ойлгож болно. Эдгээр машинууд дээр файлууд хадгалагдаж байх бөгөөд зарим хэсэг…

Нээгдсэн тоо : 2574

Та ердөө л 5 минут зарцуулан үүнийг уншаарай.

Манай сайтад зочилж байгаа нь та өөрийгөө хөгжүүлэх сурч мэдэх сонирхолтой хүн гэдгийн илэрхийлэл. Хүн өөрийгөө хөгжүүлэх арга олон төрөл…

Нээгдсэн тоо : 3322

Үйлдлийн систем суулгах

Хүмүүс компьютерын систем суулгахыг их хэцүү ажил гэж боддог юм шиг. Та жаахан хичээвэл энэ бол маш энгийн. Манай хэрэглэгчид…

Нээгдсэн тоо : 2672