Хүүний давуу тохиолдолд өрсөлдөгчийн хүүнүүдийн хөдөлгөөний хязгаарлалтад хэрхэн хүрэх. Төвд тооны давуугийн эсрэг тэмцэл. Чанарын давуу тал.
Хар a5, b6 хүүнүүд цагааны a3 хүүний эсрэг эсхүл e5, f5 хүүнүүд f3 хүүний эсрэг гэсэн хүүний давуу үүссэн гэж үзье. Эхний тохиолдолд хүүний давуугаа ашиглан хар нүүргүй хүү гаргах хоёрдахь тохиолдолд f5-f4 гэж жад үүсгэн дараа нь Трf8-f5-h5 гэх мэтээр сэлгээний байрлалд дайралтыг эхлүүлэхээр айлгана. Ийм хүүнүүдийн хөдөлгөөнийг хязгаарлах санаа нь нээлттэй шугамаар хоёр өөр хаалтын нүдийг ашиглан өрсөлдөгчийн илүү хүүд дарамт үүсгэн саатуулахад оршдог. Цагаан f3, хар e5, f5 хүүнүүдтэй (өөр шатрууд байх нь ойлгомжтой) байрлалд хүүний давуутай талд хоёр заналхийлэл бий.

XVIII зууны Францын алдарт шатарчин Филидор хүүг шатрын өргийн амин сүнс гэж хэлсэн нь тохиолдолын чанартай зүйл биш. Үнэхээр хүүнүүдийн байрлалаас шатрын тоглоом хэрхэн өрнөх нь ихээхэн хамааралтай. Хүүнүүд байрлалын араг ясыг үүсгэх бөгөөд тэд төвийн төлөөх тэмцэлд чухал үүрэгтэй гэдгийг бид мэднэ. Тэд дайралтад идэвхитэй оролцохын зэрэгцээ өөрийн ноёнд хүүний хаалтыг бий болгодогоороо хамгаалалтанд бүр ч илүү үүрэг гүйцэтгэнэ.  
Хүүний гинжний дайралтын болон хамгаалалтын хүч нь өөрийн боднуудын дэмжлэгээс ихээхэн хамааралтай байдаг. Тасарсан болон хоцорсон хүүнүүд тусламжгүй үлдсэнээр дайсны олз болох нь амархан. Хүү бол орон зайг эзлэн авах сайн хэрэгсэл. Эндээс өрсөлдөгчийн хүүнүүдийн идэвхийг сулруулан өөрийн хүүнүүдээр бат бэх гинж бий болгохыг эрмэлзэх нь ойлгомжтой. Өрсөлдөгчийнхөө хүүний гинжийг таслах, түүнд цоорхой үүсгэн хүүнүүдийг тусгаарлахыг оролдох хэрэгтэй. Хүүний байрлалаас хамааран тэд "сул" эсвэл "чанга" байж болно. Тусгаарлагдсан, хоцорсон эсвэл тасарсан хүүнүүдийг голдуу сул хүүнд тооцдог.
Хүүнүүдийн байрлалын жишээ авч үзье.

Шатрын хөлөг дээр шатрууд янз янзын боломжтой байдаг. Жишээ нь зарим шатрууд хөлгийн нэг захаас нөгөө захад очиход нэг нүүдэл хийж байхад зарим нь хэд хэдэн нүүдэл хийж очих. Зарим шатрууд зөвхөн нэг өнгийн нүдээр нүүж байхад заримд нь хөлгийн 64 нүдээр нүүх боломж байдаг. Хөлгийн төвд байгаа бэрс 27 нүүдлийг хянаж байхад ижил байрлалтай морь 8 нүдийг хянаж байдаг.
Иймээс шатрын хөдөлгөөн эсвэл тулалдах чадвар нь түүний хүчийг (үнэ цэнэ) тодорхойлно. Шатрын онолд шатруудын харьцуулсан хүчийг тодорхойлсон байдаг ба тоглолт хийж байхдаа материалын хохиролд орохгүйн (нэн ялангуяа харилцан бие биеийн шатруудыг идэх) тулд харьцуулсан хүчийг баримталж байх хэрэгтэй. Эсрэг тохиолдол өрсөлдөгч хүчний хувьд давамгайлан эцэстээ таныг хожигдолд хүргэх магадлалтай.
Шатруудын харьцуулсан хүчний нэгжээр хамгийн хүч багатай шатар болох хүүг тооцдог.

Орчин үед бэрсний гамбитийн эсрэг маш өргөнөөр ашигладаг хамгаалалтын нэг бол Грюнфельдийн хамгаалалт. Иймээс шатар сонирхогчид, эхлэн суралцагчид хамгаалалтын системийн сайтар судлан суралцахыг зөвлөе. Жишээнд мастеруудын төрөл бүрийн шатны тэмцээнд тоглосон өргүүд орсон тул нүүдэл бүрийг сайн судлан ойлгон авахыг оролдоорой.

Жич: Өөрийгөө хөгжүүлэхэд багахан хэмжээний төлбөр төлөхөөс татгалзах хэрэггүй.