Энэ нийтлэлээр хүүний гинжний эсрэг байрлалын тэмцлийн арга, (хамгаалалтгүй суурийг удаанаар хаах), олон удаагийн дайралт,  хамгаалагч боднууд бие биедээ саад болох,  дарамтыг хадгалах, байрлалд шинэ сулрал үүсэх, төгсгөлд суурь сул нүд болох нь ойлголтуудын талаар авч үзэх болно.
Хүүний гинж дэх тэмцлийн тухай нийтлэлд үзсэн Нимцович - Сальве нарын өргийн диаграмыг эргэн санацгаая. 1. e4 e6 2. d4 d5 3. e5 c5 4. c3 Мc6 5. Мf3 Бb6 6. Тd3 нүүдлийн дараа 7. ... Тd7 нүүдэл тус багатай тул 6. ... cxd4 гэж тоглохыг нэг бус удаа дурдсан. Нүүдэл ямар санаатай вэ? Хар нүүдлийг хийснээр d4 суурийг ямарч хөдөлгөөнгүй буюу түүнийг d4 дээр барилаа гэж ярьдаг. Энд хүртэл d4 хүү сайн ч , муу ч өөрийн байрлалаа dxc4 гэж өөрчилж чадахаар байсан.

Одоо энэ нь түүний хувьд боломжгүй. Бид 6. ... cxd4 нүүдлийг ямар нэгэн цагаатгалын үйлдэл биш гэдгийг тодорхой ойлгох ёстой. Өрсөлдөгчийн хүүний гинжийг устгах замаар бүрэн буулган авах гэсэн зоригтой мөрөөдлөө орхиж байгаа ч оронд нь бид бага хэдий ч d4 хүүг манай шатрууд олон удаа дайрах бодит боломжийг авсан. Олон удаагийн дайралт энэхүү суурийг авах зорилготой (энэ нь бага магадлалтай) гэхээсээ өрсөлдөгчийн шатруудыг d4 суурийг хамгаалахыг тулган тэднийг идэвхигүй байдалтай болгох талдаа. Тоглолт дараах байдлаар үргэлжилж болно.

7. cxd4 Тd7 (b5 дээрх тэмээний дулаанаас болоод Тd7 нүүдэлгүйгээр боломжгүй байсан 8. ... Мxd4 -г хийхээр айлгасан. Жишээ нь 7. ... Мxd4?? 8. Мxd4 Бxd4 9. Тb5+ гээд бэрсээ алдана.) 8. Тe2 (8. Тc2 гэсэн бол 8. ... Мb4 гээд хар хоёр тэмээтэй үлдэнэ.) 8. ... Мge7! Нүүдэл хугацаа алдаж байгаа хэдий ч хар d4 суурьд дарамт үзүүлэх боломжийг авах хөлөлгөөг сонгосон. Энэ ч бүрэн зөв. Хүүний гинж оршин байгаа хаалттай байрлалд хүүний гинж цорын ганц бодит үйл явц мөн. 9. b3 Мf5 10. Тb2 гээд зурагт үзүүлсэн байрлал үүснэ. d4 суурь дарамтанд. Хамгаалалтгүй суурийн ердийн бүслэлт. 10. ... Тb4+. Энэ шалаа өрсөлдөгчийн дарамтанд олон шатраар хамгаалалт хийхийн сүүдэртэй талыг ил болгосон. Учир юу вэ? гэвэл хамгаалагч шатрууд бие биедээ саад болсон. 11. Нf1 (11. Мc3 эсхүл 11. Мd2 нүүдэл аль нэгэн хамгаалалтын шугамыг хаан хамгаалагчийн тоог цөөлнө.) 11. ... Тe7. Энэ нүүдлийг Тарраш анхлан санал болгосон бөгөөд суралцагчид нүүдлийн санааг анхаарах хэрэгтэй. d4 суурийн дарамтыг хадгалахын тулд хар (d4 -ийн эсрэг ба хамгаалагч 3:3) хүчний харьцааг ямарч тохиолдолд өөртөө ашиггүйгээр зөрчиж болохгүй. Энэ шалтгаанаар d4 рүү дайрагч шатрууд өөрийн байрлалыг хадгалахыг эрмэлзэх ёстой. Үүнд хүрэхийн тулд хар g2-g4 нүүдлийг хориглон 11. ... h5 гэж нүүж болно. Өрөгт хар 11. ... Тe7 гэж тоглосон бөгөөд яг ижилхэн үр дүнд өөр замаар хүрсэн. Учир нь одоо g2-g4 нүүдлийн дараа хар Мf5-h4 гэж нүүнэ. Ингэснээр тоглолтоос нэг хамгаалагч нэг дайрагч шатрууд байхгүй болсноор (2:2) тэнцүү харьцааг хадгална.

Үүнтэй ижилхэн бүх байрлалд тоглолтын стратегийг тодорхойлох үндсэн зарчмуудыг дурдвал.

1. Өрсөлдөгчийн хүүний гинжний суурь бэхлэгдсэн нүдийг олон удаагийн дайралтад өртүүлэх
2. Энэ замаар багаар бодоход манай шатрууд илүү түрэмгий байрлалтай болох бодит давуу байдалд хүрнэ. Иймэрхүү тохиолдолд өрсөлдөгчийн хувьд хөлөлгөө тодорхой хүндрэлүүдийг дагуулна. Хамгаалалтын обьектод уягдсан хамгаалагч шатруудын бага хөдөлгөөнийг бас тэмдэглэх хэрэгтэй. Жишээ нь дайралтыг гэнэт өөр жигүүрт шилжүүлэхэд хамгаалагч өөрийн шатруудыг зохих хурдтайгаар тийш нь шилжүүлж чадахгүй байдалд ихэнхдээ ордог.
3. Суурь хүүний дарамтыг аль болохоор удаан байг гэхэд өрсөлдөгчийн байрлалд шинэ сул газар үүсэх хүртэл хадгалахыг хичээх. Ийм сул нүднүүд үүсэх нь хөлөлгөөнд туулж буй хүндрэлүүдийн логик үр дагавар.
4. Шинэ сул нүд үүсэхэд тулааны төлөвлөгөөг өөрчилж болно. Бид анхны сул нүдний (d4 суурь) дайралтыг болиод шинэ сул нүд рүү эрчимтэй дайралтыг эхлүүлнэ. Гэхдээ нилээд хожуу зөвхөн төгсгөлд өрсөлдөгчийн хүүний гинжний сул суурь дахин дайралтын обьект болон хувирдаг.
5. Тоглолтын эцэст дайралтын тусгай хэрэгслүүдийг ашиглахад хөнгөн болдог тул суурийн сул тал эндшпильд илүү илэрдэг. Өөрөөр хэлбэл манай тохиолдолд хажуугийн нээлттэй "c" шугамаар Трc8-c4xd4 эсхүл Трc8-c2-d2xd4 гэх мэтээр
6. Дайрагч түүнд хамгаалах хэрэгтэй суурь бийг хэзээ ч мартаж болохгүй. Хэрвээ цагаан хүүний гинжний хамгаалалтын хүндрэлийг давж чадвал өөрөөр хэлбэл d4 нүдний дарамтаас салвал f2-f4-f5 гэж e6 суурийг дайрах эсхүл өрсөлдөгчийн ноён жигүүрийн  шахагдсан e6 хүүний эсрэг боднуудын тоглолт хийн нөхцөл байдлыг өөртөө ашигтай тал руу өөрчилж чадна

Дээр дурдсан стратегийн зарчмуудыг хэрхэн хэрэгжүүлэх тухай Нимцович хэрхэн зөвлөсөнг дараагийн нийтлэлээс уншаарай.