Шугам гэдэг нь бие биетэйгээ дараалан байрласан цэгүүдийн олонлогоор үүсэх геометрийн дүрс.
Ямар ч шугамыг тодорхой замаар шилжиж буй цэгийн хөдөлгөөний мөр гэж үзэж болно. Жишээ нь цаасан дээр харандаагаар дарвал түүний бал цаасан дээр цэг буюу мөрийг үүсгэнэ. Харандааг цааш цаасан дээгүүр хөдөлгөвөл хөдөлгөөний замаар бал бие биетэйгээ дараалан байрлах цэгүүдийн олонлогийг үүсгэснээр шугам зурагдана.
Геометрийн шугамд өргөн гэсэн ойлголт байдаггүй гэдгийг тогтоон аваарай.
Шугамын төрлүүд
Геометрийн шугамууд шулуун, хугарсан, муруй гэсэн гурван төрөлд хуваагдана.
Хугарсан болон муруй шугамууд өөртөө огтлолцсон байж болдог. Өөртөө огтлолцох гэдэг нь өөрөө өөртэйгөө нэг буюу хэдэн цэгт огтлолцохыг хэлнэ. Жишээ нь
Битүү болон задгай шугамууд
Хугарсан болон муруй шугамууд битүү болон зайдгай байх боломжтой. Битүү шугам гэдэг нь эхлэл төгсгөл нь давхцах шугамыг хэлнэ. Өөрөөр хэлбэл төгсгөлүүд бие биетэйгээ давхцсан гэсэн үг. Битүү хугарсан шугамаар бий болох хамгийн энгийн геометрийн дүрс бол гурвалжин. Үүнээс гадна 4, 5, 6 гэх мэтийн олон өнцөгтүүд ч бас битүү хугарсан шугамууд юм.
Битүү муруй шугамаар бий болох хамгийн энгийн дүрс бол тойрог. Эллипс, зуйван тойрог гэх мэт ч бас битүү муруй шугамууд.
Эхлэл төгсгөл нь давхцаагүй шугамыг задгай шугам гэдэг. Өөрөөр хэлбэл эхлэл, төгсгөл нь холбогдоогүй шугам юм.
илэрхийллийн хялбарчил.