Геометрийн бодлогын нөхцөлд өгөгдсөн ухагдхуунуудыг мэдэхгүйгээр түүний шийдлийг олно гэж үгүй. Сурагчид геометрийн үндсэн ухагдхуунуудыг сайн ойлгоогүйгээс болоод бодлогын зургийг гаргаж чаддаггүй тул ихэнх бодлогыг бодож дийлдэггүй. Мэдлэгийн энэхүү хоосон зайг нөхөхөд туслах зорилгоор сайтад хавтгайн геометрийн ухагдхуунуудын тухай хичээлүүдийг нийтэлж байгааг хүлээн авна уу. Энэ удаад шулуун шугамын талаар ярилцая.
Ямар нэгэн муруйлт болоод өнцөггүй шугамыг шулуун шугам гэнэ.
Шулуун шугам хязгааргүй бөгөөд эхлэл, төгсгөлгүй. Иймээс цаасан дээр шулуун шугамын хэсгийг л зурдаг гэдгийг ойлгоорой. Геометрт шулуун шугамыг зүгээр л шулуун гэж нэрлэдэг.
Шулууны тэмдэглэгээ.
Шулууныг нэг латин жижиг үсгээр жишээ нь a эсхүл шулуун дээрх дурын хоёр цэг дээр хоёр том латин үсэг тавин тэмдэглэнэ. жишээ нь AB гэх мэтээр
Шулуун дээрх цэгүүдийг богино зураасаар тэмдэглэж байгааг анхаарна уу.
Шулууны шинжүүд.
- Дурын хоёр цэгийг дайруулан зөвхөн нэг шулууныг татаж болно. Энэ бол шулууны үндсэн шинж бөгөөд практикт ихээр ашигладаг шинж.
- Шулууны дурын хоёр цэг хавтгай дээр оршиж байвал энэ шулууны бусад бүх цэг энэ хавтгайд байрлана.
- Нэг цэгийг дайруулан хязгааргүй олон шулууныг татаж болно.
- Шулуун дээр орших болон үл орших цэгүүд байж болно. N, M цэгүүд a шулуун дээр орших бол L цэг a шулуун дээр оршихгүй.
- Цэг шулуунд харьяалагдах эс харьяалагдахыг
тэмдгүүдийг ашиглан. Жишээ нь 
нь M, N цэгүүд a шулуун дээр оршино гэдгийг харин 
нь L цэг a шулуун дээр оршихгүй гэдгийг илэрхийлнэ. - Нэг шулуун дээр орших гурван цэгийн зөвхөн нэг нь л нөгөө хоёрынхоо дунд оршино.
- Нэг хавтгай дээрх хоёр шулуун бие биетэйгээ нэг цэгт огтлолцон эсхүл паралелаар буюу огтлолцохгүйгээр байрлана.
тэгшитгэлийг бод.