Сайтын Математик цэсний Сорилго дэд цэсээр орон та математикийн хичээлийн сорилгыг өгөн өөрийнхөө мэдлэгийн түвшинг сорих боломжтой. Хичээл давталт үр дүн өгч байгаа эсэхийг сорилго, шалгалтаар турших бол хамгийн сайн арга. Сурагчид элсэлтийн шалгалтад бэлтгэхээр тестийн номыг худалдан аваад тестийг бөглөн дараа нь хариутай нь тулган шалгах гэж маш их цагийг үрэхийн дээр олон удаа бөглөөд ирэхээр хариуг цээжлэх эсхүл тестийн материалыг баллуурдсанаас болоод ашиглахад хүнд болдог. Цээжилсэн хариугаар өөрийгөө хууран давтлага үр дүнтэй болж байгаа гэж бодож болохгүй. Тэгээд ч таны бэлтгэж буй материалын бодлого шалгалтад орж ирэхгүй гэдэг нь тодорхой.

Харин сайтын Сорилго хэсэгт тестийн бодлогуудын дараалал, хариунууд санамсаргүй байдлаар өөрчлөгдөх тул тест бөглөх бүрд шинэ хувилбар мэт байх болно. Түүнээс гадна тестийг машин өөрөө дүгнэх тул та хариунуудтай тулган цаг алдахгүй.
Та Математик цэсний Сорилго хэсгээр ороход Сорилгын тохиргоо форм нээгдэнэ. Энд Сорилгын хэлбэр талбарт гурван сонголт байгаа.

• Санамсаргүй сонголтыг хийвэл формийн Бодлогын тоо талбарт өгсөн тооны бодлогыг сайтын бодлогуудаас санамсаргүй байдлаар сонгон тестийг бүрдүүлнэ.
  
  Сорилгын хугацаа талбарт сорилго явагдах хугацаагаа өгөөд Сорилго эхлэх товчийг даран тестийг эхлүүлнэ. Санамсаргүй хэлбэр таны мэдлэгийн ерөнхий түвшинг тогтооход тустай. Энэ тестээр муу дүн үзүүлж байвал математикийн хичээлээ сайн давтах хэрэгтэй болсонг илтгэнэ.
• Сорилгын тохиргоо формын Сорилгын хэлбэр талбарт Шалгалтын материалаар сонголтыг хийвэл
  
  өмнөх жилүүдэд ЭЕШ, Улсын шалгалтад ирж байсан материалуудаас сонголт хийх нэмэлт Шалгалт жагсаалт гарч ирнэ. Эндээс та өөрийн хүссэн шалгалтын материалыг сонгон сорилгыг өгөх боломжтой. Хугацааг 60-150 минутын хооронд тохируулаад Сорилго эхлэх товчийг даран тестийг эхлүүлнэ. Шалгалтын материалаар сонголт тестийн номтой ажиллахтай ижил боловч бодлого болон хариунууд тест өгөх бүрд байрлал, дараалал нь солигдоно. Хугацааг та өөрийн хүссэнээр тохируулж болох ч материалыг бөглөх хугацаагаа тооцож аль болохоор бодит шалгалтын хугацаатай ойр буюу багаар тавин ажиллаарай.
• Сорилгын тохиргоо формын Сорилгын хэлбэр талбарт Сэдвээр сонголтыг хийн
  
  Сэдэв жагсаалтаас сонгон шалгуулж бас болно. Тодорхой сэдвийг судлаад дараа нь тухайн сэдвийн мэдлэгээ шалгахад хэрэгтэй. Энэ төрөл бол явцын шалгалттай төстэй гэсэн үг. Тодорхой сэдвээр шалгагдах тул шалгалтын бэлтгэлд илүү чухал үүрэгтэй төрөл.

Сорилгын тохиргоо формыг бөглөөд Сорилго эхлэх товчийг дарахад

сорилго эхлэх бөгөөд дэлгэцийн баруун дээд буланд хугацаа тоологдож эхлэнэ. Та бодлогуудыг бодон өөрийн гаргасан хариуг хариуны хувилбаруудаас олон түүнийг дарахад өмнөх сонголтын дугуй бөглөгдөнө. Нөхөх тестийн хувьд тохирох хариунуудыг гараас оруулан өгнө. Бодлогуудыг бодож дуусаад Дүгнэх товчийг дарах эсхүл Сорилгын хугацааны тоолуур дуусахад машин дүгнэх ажиллагааг автоматаар хийн дүнг дэлгэцэнд гаргана.

Сорилгын дүнгийн мэдээлэл сайтын хэрэглэгчийн төлвөөс хамааран өөрөөр гарна.

• Та сайтын зочин буюу бүртгэлгүй хэрэглэгч бол сорилгын дүнг
  
  хэлбэрээр үзүүлнэ. Өөрөөр хэлбэл авах онооноос хэдийг авсанг л үзүүлнэ.
• Та сайтад бүртгүүлсэн энгийн хэрэглэгч бол сорилгын дүнг
  
  дээрх байдлаар үзүүлнэ. Энд бодлогын зөв хариулт болон таны хариултыг л харуулна.
• Та сайтын тусгай эрхтэй хэрэглэгч бол сорилгын дүнг
  
  гэж харуулна. Өөрөөр хэлбэл бодлогын бодолтыг үзүүлэхийн дээр зөв хариулт, таны хариултыг харуулна. Эндээс та өөрийн бодолтыг шалган алдаа оноогоо дүгнэх боломжтой.

Ийм байдлаар шалгалтад бэлтгэвэл та цаг хугацаа хэмнэхийн дээр өөртэйгөө илүү ойртон ажиллан бие даан суралцах чадвартай болсноор цаашид ямарч зүйлд өөрөө суралцах үндсээ тавих болно.

Материалыг найз нөхөддөө шайрлэхийг таниас хичээнгүйлэн хүсье. Сайтаас материалыг share хийхдээ материалын доод хэсэг дэх

нийтийн сүлжээний лого бүхий товчнуудаас өөрийн бүртгэлтэй сүлжээний лого дээр дараад нээгдэх формоос нийтлэх товчийг дарна. Формд та өөрийн санаа бодлоо бичих боломжтой. share хийхийн өмнө нийтийн сүлжээндээ нэвтэрсэн байвал ажиллагаа энгийн бөгөөд хурдан.

Танд амжилт хүсье.