Хичээлийн шинэ жил эхлэхтэй зэрэгцэн манай нийгмийн амьдрал эрс идэвхиждэг. Зуны сарууд өнгөрч ургац хураалт, хичээл сургууль эхлэх, амралт зугаалга дуусан өвлийн бэлтгэл ажил гээд том ажлууд өрнөж эхэлдэг учраас ингэх нь аргагүй. Бид зуны саруудад сайтын ажиллагаагаа хэрэглэгчид илүү үр өгөөжтэй болгох чиглэлд тодорхой ажлуудыг хийн нэвтрүүллээ.

1. Материалуудыг үзэхэээр дэлгэцийн гүйгчийг доош шилжүүлэхэд сайтын цэсүүд дээш шилжин харагдахгүй болдог байсанг өөрчлөн сайтын толгой болон цэсүүдийг дэлгэцийн дээд хэсэгт хатуу бэхлэгдэн харагдаж байхаар өөрчилсөн. Ингэснээр хэрэглэгч сайтын өөр хэсэгт шилжилт хийхэд хурдан болж байгаа. Бэхлэгдсэн толгой хэсгийн араар агуулга хэсэг шилжилт хийгдэж байгаа тул сайтын нэвтрэх хэсэг харагдахгүй байгаа мэт санагдаж магадгүй. Өмнө нь сайтын толгой харагдаж байхад нэвтрэх хэсэг шууд харагдаж байдаг байсан бол одоо хуудас гүйлгэгчийг дээд хязгаарт нь тултал шилжүүлэхэд сайтын агуулга хэсгийн дээд хэсэг бүтнээрээ харагдах болсон гэдгийг сануулъя. Ихэнх сайт ингэж ажилладаг болохоор шинэчлэл хэрэглэгчид онцын хүндрэл учруулахгүй.
2. Сайтын сорилго хэсгийн үр өгөөжийг сайжруулах зорилгоор нилээд шинэчлэлийг хийлээ. Сорилгыг Санамсаргүй, Шалгалтын материалаар, Сэдвээр гэсэн гурван хэлбэртэй болгосны дээр хэрэглэгч бодлогын тоо, хугацааны сонголтыг хийх боломжтой болгосон. Ингэснээр сайтын сорилго хэсэг бодит шалгалт, шүүлэгтэй тун төстэй болсон гэж бодож байна. Сорилго эхлэхэд хугацаа явж эхлэх бөгөөд хугацаа дуусахад хэрэглэгч Дүгнэх товчийг дарснаас ил хамааран дүнг үзүүлнэ. Ихэнх сурагчид өнгөрсөн жилүүдийн шалгалтын материалуудаар бэлтгэл хийдэг. Энэ нь ч зөв. Ингэхдээ тэд ном ашиглан хийдэг учраас нэг хоёр удаа ажиллаад хариунуудын түлхүүрүүдийг цээжилчихдэг тул маш сайн бөглөдөг. Үүний дээр номон дээрээ хариуг бөглөөд арилгаад байсан ч тэр нь мэдэгдэхээр болоод ирэхийн зэрэгцээ хариугаа тулгах гэж цаг алддаг. Харин сайтын сорилго хэсэгт бодлогуудын хариунууд санамсаргүй байдлаар гарах тул та түлхүүр ашиглах ямар ч боломжгүй. Өөрөөр хэлбэл түлхүүрт А хариу гэж байхад сорилго явагдах үед тухайн хариу 5 сонголтын алинд нь ч гарч ирэх боломжтой. Хариунуудыг бүгдийг цээжлэнэ гэдэг бүтэхгүй зүйл. Сорилго дуусмагц машин таны өмнөөс сорилгыг дүгнэх учраас цаг алдахгүй. Хэрвээ та тусгай эрхтэй хэрэглэгч бол ямар бодлого дээр алдсан түүнийг хэрхэн бодохыг харах  боломжтой.

Сайтын үндсэн зорилго хүмүүсийг бие даан суралцах, өөрийгөө хөгжүүлэх хандлагад чиглүүлэх болохоос Таныг ухааныг тэлнэ, ЭЕШ -д 800 оноо, Хоцрогдол арилгана гэх мэт бодит зорилгыг бид амлахгүй. Тодорхой зорилгод хэн нэгэн таныг хүргэнэ гэж найдах хэрэгггүй. Үүнд та өөрөө л хүрэхийн төлөө ажиллах ёстой. Манайхан хүний өөрийн зорилгыг хэн нэгэн биелүүлнэ гээд уриа болгоод пиар явуулахаар түүнд хууртаад сурчихсан нь одоогийн байгаа байдал шүү дээ. За сэдвээсээ хазайгаад явчих гээд байх шиг байна.

Эзэн хичээвэл заяа хичээнэ гэж үг байдгийг санаарай.

Та бүхэнд хичээлийн шинэ жилийн мэнд дэвшүүлье.

Таны сурах боловсрох үйлсэд өндөр амжилт хүсье.