Шатар тоглох чадварыг дээшлүүлэхэд онолын мэдлэгээс гадна практик чухал үүрэгтэй. Ялангуяа их мастеруудийн өргүүдийг судласнаар онолыг өрөгт хэрхэн ашигглахыг мэдэхэд их дөхөмтэй. Бидний өрсөлдөгчид их мастерууд биш учраас өрөгт алдаа хийсэн нь голдуу хожигдоход хүрдэг. Сонирхогчдын өрөг ихдээ л 20-30 нүүдлийн хооронд нэг тийшээ болдог бол мастеруудын өрөг шатрын өргийн гурван үеийг бүхэлд нь хамарсан онц сонирхолтой тэмцлийг өрнүүлдэг тул практикийн асар ач холбогдолтой. Хичээлээр Каро -Каний хамгаалалтаар мастерууд хэрхэн тоглосон өргүүдийг хүргэнэ.

Ямар нэгэн зүйлд суралцахад таниас нилээд тэсвэр хатуужил, хүсэл зоригийг шаардана гэдгийг санаарай. Жишээ өргүүдтэй танилцахын өмнө онолын Каро - Канний хамгаалалт I , Каро - Канний хамгаалалт II хичээлүүдийг үзэхийг зөвлөе.

Заримдаа шатрын хөлөг дээр нүүх ээлж нь болсон талын ноён шалаанд байхгүй мөртлөө бүх шатрууд нүүдэлгүй болсон байрлал үүсдэг. Ийм тохиолдлыг пад гэх ба өргийг тэнцсэн гэж үздэг. Ихэнхдээ шатар эхлэн суралцагчид өргийг пад болгох нь элбэг байдаг. Өрсөлдөгчийнхөө ганц ноёнг өөрийн хүү болон шатруудын дунд оруулан нүүдэлгүй болгох тохиолдол ихээр гардаг. Нэг ноёнг мадалж чадахгүй байх, хангалттай давуу талтай байж өрсөлдөгчийн шатруудыг хэт яаран идэх, хожих байрлалд хэт болгоомжгүй тоглох нь пад үүсгэх гол нөхцөл болдог.
Заримдаа маданд орох нь гарцаагүй болсон шатарчин өөрийн сүүлийн шатрыг (бүр 2-3 шатар ч байж болно) санаатайгаар хаян пад үүсгэж чаддаг. Өрөгийн гарцаагүй төгсгөл нь пад байх ч тохиолдол байдаг.

Шатар сонирхогчид болон эхлэн суралцагсад гарааны онолыг муугүй мэдэж байвал нилээд амжилттай тоглолтыг үзүүлнэ. Гарааны онолыг судлаагүйгээс үүдэн эхний нүүдлүүдэд алдаа гарган хожигдолд хүрэх нь элбэг. Иймээс сайтад нийтлэгдсэн гарааны хичээлүүдийг үзэн судлахыг зөвлөе. Энэ удаад их өргөн дэлгэрсэн, хурц хувилбарууд бүхий англи гарааны жишээ өргүүдтэй үргэлжлүүлэн танилцая.

Тулаанд орж байгаа удирдагч бүр тодорхой хэмжээгээр бэлтгэлээ базаадаг. Үүнд хүчээ төвлөрүүлэх, байршуулах,  чухал байрлалуудыг эзлэх, хүнд зэвсгээ байрлуулах, хамгаалалтын ажиллагаа хийх, тагнуул хийх гээд олон ажлууд ордог. Гэхдээ энэ бүх ажиллагаа хамгийн богино хугацаанд хийгдэх ёстой. Дээрх бүгд нь шатарт ижилхэн. Ер нь өргийн дунд хэсэгт (миттельшпил) болдог гол тулаанд орохоосоо өмнө өрсөлдөгч нар өөрийн хүчээ байршуулдаг. Иймээс дебют гэж нэрлэгдэх тоглолтын эхэн хэсгийн (эхний 8-12 нүүдэл) гол асуудал нь хамгийн хурданаар хүчээ дайчлах байдаг. Гарааг шатрын өргийн туслах хэсэг гэж үзэх нь алдаа болно. Гараа нь тулааны цаашдын шинж төрхийг урьдчилан тодорхойлдог.