Хоорондоо 30 км зайтай хоёр хотоос бие биеэ угтан хоёр явган аялагч явжээ. Хэрвээ нэгдүгээр аялагч хоёрдахь аялагчаас 2 цагийн өмнө гарвал тэд хоёрдахь аялагч гарснаас хойш 2,5 цагийн дараа уулзана. Хэрвээ хоёрдугаар аялагч нэгдүгээр аялагчаас 2 цагийн өмнө гарвал тэд нэгдүгээр аялагч гарснаас хойш 3 цагийн дараа уулзах бол аялагчдын хурдыг ол.
Жич: Эхлээд өөрөө оролдоод үзээрэй. Хүүхдээдээр бодуулаарай. Чадахгүй байвал уурлах хэрэггүй дээ. Хүүхдийнхээ сурлагад бага боловч анхаарахын тулд та өөрөө бэлтгэлтэй байх хэрэгтэй шүү. Тэгэхгүй бол нөгөө "Тэгшхэн бич, тэгшхэн бич" гэдэг онигоо л гэсэн үг.
Бодолт
Бодлогын нөхцөлд хоёр аялагчийн хурдыг ол гэсэн тул 1 -р аялагчийн хурдыг x, 2 -р аялагчийн хурдыг y гэе. Нөхцөлд нэгдүгээр аялагч хоёрдахь аялагчаас 2 цагийн өмнө гарвал тэд хоёрдахь аялагч гарснаас хойш 2,5 цагийн дараа уулзана гэдгээс аялагчид уулзах хүртэл нэгдүгээр аялагч 4,5 цаг, хоёрдахь аялагч 2,5 цаг явна. Эндээс нэгдүгээр аялагч 4,5x , хоёрдахь аялагч 2,5y замыг туулна. Тэд уулзаж байгаа учраас тэдгээрийн туулсан замуудын нийлбэр 30 км байх тул 4,5x+2,5y=30 гэсэн эхний тэгшитгэл гарч ирнэ. Хоёрдугаар аялагч нэгдүгээр аялагчаас 2 цагийн өмнө гарвал тэд нэгдүгээр аялагч гарснаас хойш 3 цагийн дараа уулзана гэсэн нөхцлөөс өмнөх аргаар тооцвол нэгдүгээр аялагч 3 цаг, хоёрдахь аялагч 5 цаг явна. Эндээс 3x+5y=30 гэсэн хоёрдахь тэгшитгэл гарч ирнэ. Одоо бид 
тэгшитгэлийн системийг бодох л үлдсэн. Системийг бодвол 
Системийг бодохдоо эхний тэгшитгэлийн хоёр талыг 2-оор үржүүлээд 1-р тэгшитгэлээс 2-р тэгшитгэлийг хасан бодно. Эндээс эхний аялагч 5 км/цаг хурдтай харин хоёрдахь аялагч 3 км/цаг хурдтай байжээ.
Хариу
5 км/цаг; 3 км/цаг
функцийн графикийн (0,-1) цэгт татсан шүргэгч шулуун ба координатын тэнхлэгүүдээр хашигдсан мужийн талбайг ол.
тэнцэтгэл бишийн хамгийн их бүхэл шийдийг ол.