Ямар нэгэн өгөгдлийг судалгаа хийхийн тулд л цуглуулдаг. Ихэнх томоохон байгууллагууд санхүүгийн бүртгэлдээ програм хангамж ашигладаг ч тайлан бүрийг програмаас гарган авах гэвэл асар өндөр зардалтай болно. Гэхдээ орчин үеийн програмууд болон өгөгдлийн сангуудаас судалгаа хийх шаардлагатай өгөгдлүүдээ Excel рүү экспорт хийн авах боломжтой байдаг тул түүнийг хэрхэн боловсруулан хүссэн тайлангаа гаргах асуудал хэрэглэгчийн ур чадвараас л хамаарна. Бэлтгэсэн болон татан авсан өгөгдлүүдээс нэгдсэн хүснэгт хэрэслийг ашиглан тайлан үүсгэхийг Нэгдсэн хүснэгтээр тайлан үүсгэх хичээлд үзсэн. Энэ удаагийн хичээлээр нэгдсэн хүснэгтийг бүлэглэх талаар авч үзэцгээе.

Excel програмын хэрэглэгчдэд нэг хүснэгтийн утгыг өөр хүснэгтээс хайх шаардлага ихээр гардаг. Хичээлээр Excel програмын хэрэглэгчид хамгийн өргөн ашигладаг, хүчирхэг функцуудын нэг болох хүснэгтээс тодорхой утгуудыг хайн олох VLOOKUP функцыг хэрхэн ашиглахыг үзье. Функцийг ашиглах тухай VLOOKUP функцыг ашиглах хичээлд үзсэн хэдий ч илүү нарийн тайлбарлахыг хүмүүс хүссэн тул шинээр материалыг орууллаа.  
VLOOKUP - функц утгыг хэсгийн эхний мөрнөөс хайн утга олдсон мөрний заагдсан баганы утгыг буцаадаг.
Тодорхойлолтыг нарийвчлан функц хэрхэн ажилладагийг эхлээд тайлбарлая. VLOOKUP -г орчуулбал босоо хайлт гэж болно.

Microsoft Excel хурдавчилсан курс цуврал хичээлүүдийн сүүлийн хичээлийг танд танилцуулж байна. Өмнөх хичээлүүдээр бид Excel дээр хүснэгт зохиох, томьёо оруулах, тооцоо хийх, диаграмм үүсгэх, нэгдсэн хүснэгт хийх, холбоос, филтер ашиглах, шийдэл хайх хэрэгслүүд гээд үндсэн хэрэгслүүд болон аргачлалуудыг үзсэн билээ. Энэхүү сүүлийн хичээлээр Excel 2007 гоос хойш хувилбарт бий болсон Table хэмээх маш хэрэгтэй хэрэгсэлтэй танилцах болно. Table хэрэгслийг ашигласнаар их хэмжээний жагсаалттай ажиллах үед томьёог хуулах, дүнгийн хэсгийг өөрчлөх, филтер тавих, төрөл бүрийн судалгаа, хайлт хийх гэх мэтийг амархан хийх боломжийг бүрдүүлнэ. Хэрэгслийн ажиллагааг жишээгээр авч үзье. Та худалдаа эрхэлдэг түүнийхээ тооцоонд тогтмол ашигладаг доорх хэлбэрийн хүснэгт байлаа гэж бодъё.

Фильтр /шүүлт/ ашиглах

Бид өмнө нь шүүлт хэрэглэх талаар авч үзсэн. Энэ удаа энэхүү хэрэгслийн талаар дэлгэрүүлэн авч үзье. Их хэмжээтэй жагсаалттай ажиллах үед өөртөө хэрэгтэй хэсгийг үзүүлэх нь эвтэйхэн байдаг. Тодорхой нөхцлийг хангаж байгаа бичлэгүүдийг /мөрүүдийг/ үзүүлэн бусдыг нь харагдуулахгүй байлгахын тулд шүүлтийг ашигладаг. Шүүлт хийх нөхцлийг оруулснаар таны жагсаалт шүүгдэн зөвхөн нөхцлийг хангах мөрүүдийг танд үзүүлэх болно. Жагсаалтад шүүлт тавихын тулд өгөгдлүүдийг агуулж байгаа жагсаалтын дурын нүдийг сонгоод Data->Sort & Filter хэсэгт байгаа Filter товч дээр дарна. Үүний дараа жагсаалтын багана бүрт нэмэлт товч бий болох бөгөөд товч дээр дарахад тухайн талбарт тохирох шүүлтийн нөхцлүүдийг үзүүлсэн цонх нээгдэнэ. Энд тухайн баганы өгөгдлүүдийн жагсаалтаас гадна бүгд, тэнцүү, тэнцүү биш гэх мэтийн ерөнхий нөхцлүүд гарч ирдэг. Эдгээр нөхцлүүдийг ашигласнаар бид жагсаалтыг өөрчлөх боломжтой. Шүүлт тавихад шүүлтийн нөхцлийг хангахгүй бүх мөрүүд /бичлэгүүд/ харагдахгүй болдог.