Магадлалын онолд үзэгдэл гэдгийг санамсаргүй төгсгөлтэй туршилтаар тохиолдох эсвэл эс тохиолдох дурын үр дүнг ойлгоно. Ийм туршилтын хамгийн энгийн үр дүнг / жишээлбэл зоосон мөнгийг хаяхад тоогоор эсвэл сүлдээрээ унах, хөзөр дундаас нэгийг сугалахад тамга гарч ирэх, шоог хаяхад тодорхой тоо гарч ирэх г.м / эгэл үзэгдэл гэнэ.
Эгэл үзэгдлүүдийн олонлог E -г эгэл үзэгдлийн орон зай гэдэг. Шоо шидэхэд энэ орон зай нь зургаа харин хөзөрөөс карт сугалахад 52 эгэл үзэгдлээс бүрдэнэ. Үзэгдэл нь нэг эсвэл хэд хэдэн эгэл үзэгдлээс бүрдэж болно. Жишээ нь : Хөзрөөс карт сугалахад дараалан хоёр тамга гарч ирэх, шоог гурван удаа хаяхад нэг ижил буух тоо г.м  Тэгвэл үзэгдэл гэдгийг эгэл үзэгдлийн орон зайны дурын дэд олонлог гэж тодорхойлж болно.

Квадрат тэгшитгэлийн бодолтын D<0 / энд D нь квадрат тэгшитгэлийн дискриминант / үед шинэ төрлийн тооны хэрэгцээ гарч ирсэн. Удаан хугацаанд эдгээр тоонуудыг бодит хэрэгцээ гараагүй байснаас тэдгээрийг хуурмаг тоо гэж нэрлэж байлаа. Одоо эдгээр тоо нь физик, цахилгаан техник, аэро болон гидродинамикт зэрэгт маш өргөн хэрэглэгээтэй болсон. Комплекс тоог a+bi хэлбэрээр бичдэг. Энд a ба b нь бодит тоо, харин i нь хуурмаг нэг буюу i²=-1. a тоог комплекс тооны абсцисс, харин b тоог ординат гэдэг. a+bi ба a-bi хоёр комплекс тоог хос комплекс тоо гэдэг.

Үндсэн тохиролцоо

• Бодит a тоог a+0i эсвэл a-0i гэсэн комплекс хэлбэрээр бичиж болно. Жишээ : 5+0i эсвэл 5-0i бичлэг нь 5 гэсэн тоог илэрхийлнэ.
• 0+bi комплекс тоог цэвэр хуурмаг тоо гэнэ. bi бичлэг нь 0+bi гэснийг илэрхийлнэ.
• a+bi ба c+di хоёр комплекс тооны a=c , b=d байвал эдгээр тоог тэнцүү гэнэ. Эсрэг тохиолдолд комплекс тоонуудыг тэнцүү биш гэнэ

Хүүхдүүд тооны хичээлийг анхнаасаа зөв ойлгон сураагүйгээс анги ахих тусмаа математикийн хичээлийнн хоцрогдолоос болоод дургүй болох тал байдаг. ЕБС -д орсноос төгсөх хүртлээ тооны буюу математикийн хичээлийг үздэг. Математикийн нэг ухагдхуун нөгөөгийнхөө суурь болоод явдаг тул бүр эхнээс нь буюу арифметикийг сайн ойлгосон байх шаардлагатай. Бага хүүхдүүдэд зааж байгаа тул ухагдхуунууд энгийн тул хүмүүс арифметикт нэг их анхаардаггүй нь хүүхдийн хоцрогдолын суурийг тавьдаг ч байж мэдэх тул сайтын арифметиктэй холбоотой хичээлүүдийг хүүхэдтэйгээ цуг үзэхийг зөвлөе. 

Хичээлээр тоо нэмэгдүүлэх ухагдхууныг авч үзье. Тоог хэдэн нэгжээр, хэд дахин эсхүл тодорхой хувиар нэмэгдүүлж болно.

Анхны ба зохиомол тоо

0 ба 1 -ээс бусад бүх бүхэл тоо дор хаяж 2 / 1 болон тухайн тоо өөрөө / хуваагчтай байдаг. Зөвхөн өөртөө болон 1 -д хуваагддаг тоог  анхны тоо гэдэг. Хоёроос олон хуваагчтай тоог зохиомол тоо гэнэ. Анхны тоон олонлог нь төгсгөлгүй. 200 хүртлэх тоон доторх анхны тооны жагсаалтыг үзүүлье

2, 3, 5, 7, 11, 13, 17, 19, 23, 29, 31, 37, 41, 43,
47, 53, 59, 61, 67, 71, 73, 79, 83, 89, 97, 101,
103, 107, 109, 113, 127, 131, 137, 139, 149, 151,
157, 163, 167, 173, 179, 181, 191, 193, 197, 199.