Францийн алдарт шатарчин Филидорийг (1726-1795) хүндэтгэн гараанд түүний нэрийг өгсөн. Филидорийн жигүүрийн хүүнүүдийн тухай онолоор 3. ... c6 нүүдлийг b8 моринд саад үүсгэдэг тул сул гэж үздэг. Харин f7-f5 түлхэлттэй холбоотой 2. ... d6 -г хүчтэй гэж зөвлөсөн ч гарааны онол, практикаар 3. ... f5 нүүдэл няцаагдсан байдаг. Гэсэн хэдий ч гараанд цаг хугацааны туршилтыг даван туулсан өөр үргэлжлэлийг олсон. Филидорийн хамгаалалтаар хар бат бэх ч шахагдсан сөрөг боломж үүсгэхэд амаргүй байрлалтай болдог. Иймээс орчин үеийн тэмцээнүүдэд гарааг ховор хэрэглэдэг. Хичээлээр Сокольскийн систеийг үзье.

Сайтын шатрын хичээл хэсэгт А.Нимцовичийн "Миний систем" номноос материалуудыг нийтэлж байгаа бөгөөд энэ удаа Байрлалын тэмцлийн арга материалд дурдсан аргуудыг хэрхэн хэрэглэх талаар хүргэе. Суралцагчдад 1-р пунктыг хэрэглэхэд ямар нэгэн асуудал үүсэхгүй болов уу. Дараах байрлалыг харцгаая.

Бидэнд e4, d5, e5, d6 хүүний гинж анхаарал татна. Харын хүүний гинжний суурь бол d6 хүү. Цагаан 1. cxd6 cxd6 2. Трc6 Мf7 3. Мc4 Трd8 (хэрвээ 3. ... Трc8 гэвэл 4. b5 Трxc6 5. d5xc6 гээд морины сайн төгсгөлтэй) 4. a4! (d6 хүүг довтолж буй морины c4 байрлалыг хадгалахын тулд) Цагаан өрсөлдөгчийн хүүний гинжний суурь хүүд дарамт үүсгэснээр 2-р пунктэд заасан бодит давуу байдлыг олон авсан. Өөрөөр хэлбэл тэдний шатрууд илүү түрэмгий байрлалыг эзэлсэн. c4 -ийн морь f7 -гийн мориноос илүү түрэмгий. Энэ давуугаа тэд бэрсний жигүүрт 5. b5 гээд дараачаар нь Нd2-c3, a4-a5 эсхүл ноёнгийн жигүүрт 5. h4 гээд дараа нь Нd2-e3-f3-g4-h5 цааш g2-g4-g5 гэх мэтээр ашиглаж болно. h7-h6 хамгаалалт цагаан ноёнд g6 нүдэнд цөмрөх боломжийг өгөхөөр.

XVIII зууны Францын алдарт шатарчин Филидор хүүг шатрын өргийн амин сүнс гэж хэлсэн нь тохиолдолын чанартай зүйл биш. Үнэхээр хүүнүүдийн байрлалаас шатрын тоглоом хэрхэн өрнөх нь ихээхэн хамааралтай. Хүүнүүд байрлалын араг ясыг үүсгэх бөгөөд тэд төвийн төлөөх тэмцэлд чухал үүрэгтэй гэдгийг бид мэднэ. Тэд дайралтад идэвхитэй оролцохын зэрэгцээ өөрийн ноёнд хүүний хаалтыг бий болгодогоороо хамгаалалтанд бүр ч илүү үүрэг гүйцэтгэнэ.  
Хүүний гинжний дайралтын болон хамгаалалтын хүч нь өөрийн боднуудын дэмжлэгээс ихээхэн хамааралтай байдаг. Тасарсан болон хоцорсон хүүнүүд тусламжгүй үлдсэнээр дайсны олз болох нь амархан. Хүү бол орон зайг эзлэн авах сайн хэрэгсэл. Эндээс өрсөлдөгчийн хүүнүүдийн идэвхийг сулруулан өөрийн хүүнүүдээр бат бэх гинж бий болгохыг эрмэлзэх нь ойлгомжтой. Өрсөлдөгчийнхөө хүүний гинжийг таслах, түүнд цоорхой үүсгэн хүүнүүдийг тусгаарлахыг оролдох хэрэгтэй. Хүүний байрлалаас хамааран тэд "сул" эсвэл "чанга" байж болно. Тусгаарлагдсан, хоцорсон эсвэл тасарсан хүүнүүдийг голдуу сул хүүнд тооцдог.
Хүүнүүдийн байрлалын жишээ авч үзье.

1940 -өөд онд Куйбышевийн /одоогийн Самара/ шатарчин Аргунов практикт оруулан ирсэн гарааны нүүдлүүдийн энэхүү дараалалд П.Романовский Волгийн гамбит нэрийг санал болгосон байдаг. Барууны хэвлэлүүдэд гамбитийг Америкийн их мастар Пала Бенкогийн нэрээр нэрлэдэг.
Гарааны үндсэн санаа нь хар хүүний хаяагаар цагааны бэрсний жигүүрт хагас нээлттэй шугам болон g7 -гийн тэмээгээр a1-h8 диагоналаар бодны дарамтыг үүсгэх юм.

Шатарын нүүдлүүдийг тогтоох амархан хэдий ч сайн тоглож сурахад гарааны онол маш чухал гэдгийг удаа дараа сануулсаар ирсэн. Гарааны онолын мэдлэг дутуу байдгаас ихэнх хүмүүс ялангуяа эхлэн суралцагсад өргийн эхний нүүдлүүдэд алдаа хийн улмаар өргийн хувь заяаг шийдэх нь олонтоо тохиолддог. Шатар их тогловол сайжирдаг гэдэг ч онолын мэдлэгийг эзэмшвэл илүү хурдан, үр дүнтэй, сайн тоглох чадвартай болно гэдэгт итгээрэй.