• HTML текст нь ихэнх интернет хуудасны үндсэн бүрдүүлэгч
• Түлхүүр үгнүүд болон HTML хуудас дахь текстээр хэрэглэгчид таны сайтыг олдог
• HTML текстүүд таны үзэмжээр дурын өнгө болон хэмжээтэй байж болохоос гадна та текстийн фонт, хэв загварыг тодорхойлон өгч болно.

Хэсэг болон мөр шилжүүлэх тегүүд

<br> - тегээр мөрийг шилжүүлнэ. Энэ тегийн араас бичигдсэн текстүүд шинэ мөрнөөс эхэлнэ.
<p></p> - текстийг нэг хэсэг байдлаар үзүүлэх. Шинээр хэсэг эхлэх бүрдээ <p> тегийг бичнэ. Мөр шилжүүлэх <br> тегээс ялгаатай нь хэсэг хоорондоо хоосон мөрөөр тусгаарлагдаж байдаг.
<p> тегт хэсэгт орсон текстийг зэрэгцүүлэх аргыг заах align гэсэн параметр байдаг. Авч болох утгууд нь

• left - зүүнээс,
• right - баруунаас,
• center - төвд,
• justify - бүх өргөнд.

HyperText Markup Language (HTML) гэдэг нь веб хуудас хийхэд зориулагдсан албан ёсны /стандарт/ хэл юм. Веб хуудсыг төрөл бүрийн WEB BROWSER (интернет хөтөч) ээр үзэж болно. Интернет хөтөч нь HTML ээр хийгдсэн хуудасны элементүүдийг хэв шинжийг тодорхойлолтуудыг хөрвүүлж хэрэглэгчид үзүүлдэг программ хангамж юм. Фонт, шугам, төрөл бүрийн графикийн элементүүдийг ашиглан веб хуудсыг хэлбэржүүлэх ажиллагааг хийх боломжийг HTML бүрдүүлж өгдөг.

Ихэнх хуудсууд нь гарчиг, догол мөр, жагсаалт гэх мэтийн стандарт элементүүдтэй байдаг. Хуудасны мэдээллийн бүтэц, бүрэн байдлыг ханган HTML-ийн тег-ийг ашиглан тухайн элементийг хэрхэн харуулах мэдээллийг интернет хөтөчид дамжуулан өгч болно. Интернет хөтөч нь хуудсыг уншихдаа HTML-ийн тегийг хөрвүүлэн зохиогч ямар байдлаар хэлбэржүүлсэн тэр хэлбэрээр нь дэлгэцэнд үзүүлнэ.

Холбоосын тег a

html хуудасны хамгийн чухал ойлголтуудын нэг бол холбоос. Интернет хуудас үзэж байхдаа бид товч эсвэл текст дээр дараад хэрэгтэй хуудас руу шилждэг. Эдгээр хуудаснууд нь тухайн сервер дээр байж болохоос гадна ертөнцийн нөгөө өнцөгт байрлах серверт ч байж болно. Ямарч тохиолдолд хуудас руу тэр дороо л шууд шилждэг.
Өөр хуудсанд шилжихийн тулд хаана дарахыг та хэрхэн мэдэх вэ? Холбоосын өнгө өөр байх эсвэл доогуур зураастай эсвэл хулганы заагчийг аваачихад дүрс нь өөр болох гэх мэтээр хараад мэдэхээр байдаг.
Энэ мэт өөрчлөлтүүдийг хариуцаж байдаг контейнер-тег бол <a></a> юм. Харин хэрэглэгч зүүн даралт хийхэд хаашаа шилжүүлэхийг тегийн href атрибут тодорхойлно.

HTML хуудсыг бичихдээ текстээ гарчиг, дэд гарчиг, текст гэх мэтээр хэсгүүдэд хувааж өгдөг. Нэгдүгээр түвшингийн гарчиг / хэмжээгээрээ хамгийн том нь / 1, дараагийнх нь 2, г.м хуваагдана. Ихэнх броузерууд нь өөрийн хэв маягаар зургаан түвшингийн гарчигийг хөрвүүлдэг. Зургаагаас дээш түвшингийн гарчиг нь стандартад ордоггүй тул броузерууд дэмжихгүй / танихгүй / байж болно. Нэгдүгээр түвшингийн гарчигийг дараах байдлаар бичнэ:

<H1> Нэгдүгээр түвшингийн гарчиг </H1>

Өөр түвшингийн гарчиг нь ерөнхий тохиолдолд

<Hx> x-түшингийн гарчиг </Hx>

гэсэн хэлбэрээр бичигдэнэ.

энд x - гарчигийн түвшинг тодорхойлсон 1 нээс 6 хүртэл тоо.