Өнцөг, тэдгээрийн төрлүүдийг маш сайн ойлгосон байхыг зөвлөе. Өнцгүүд хэмжээнээсээ хамааран тодорхой төрлүүдэд хуваагдахын дээр харилцан байрлалаараа төрлүүдэд хуваагдаж болохыг Өнцгийн төрлүүд хичээлд үзсэн. Энэ хичээлэээр бодлогод ихээр ашигладаг хамар болон босоо өнцгүүдийн талаар үзэх болно.

Өнцгийн төрөл, оноосон нэр, харагдах байдал, шинж, чанарыг мэдэхгүй бол бодлогын нөхцлийг ойлгож чадахгүйгээс үүдэн таахаас өөр арга үлдэхгүйд хүрнэ. Шалгалт шүүлэгийг тест хэлбэрээр авч байвал таагаад азаа үзэж болох ч ам эсхүл бичгээр шалгагдвал дуугүй зогсох, хоосон цаас өгөхөөс өөр замгүй. Иймээс сайтад тавигдсан онолын хичээлүүдийг үзэхийг зөвлөе.

Үржих үйлдэлд байр сэлгэх, бүлэглэх, гишүүнчлэн үржүүлэх гэсэн дүрмүүд үйлчилдэг. Эдгээрийг эхнээс нь сайн ойлгон цээжлэх хэрэгтэй.  

Байр сэлгэх

Үржигдхүүн болон үржигчийн байрыг солиход үржвэр өөрчлөгдөхгүй нь доорх зураг дээрх однуудын тоог гаргаж буй хоёр аргаас харагдана.

Үржих бол ижил бүрдүүлэгчдийн нийлбэрийг олох арифметик үйлдэл тул дээрх зураг дээрх однуудын нийт тоог 3·4 эсхүл 4·3 үржвэрээр олох боломжтой. Үржигдхүүн болон үржигчийн байрыг солих боломжтой тул тэдгээрийг үржигдхүүнүүд гэж ч бас нэрлэдэг.

Бодлого бодохыг юу гэж ойлгох вэ? Бидний ихэнх нь бодлогыг ухаантай хүмүүс л боддог гэж ойлгоод байдаг. Математикийн шинжлэх ухаанд шийдэгдээгүй асуудлууд олон бий. Эдгээрийн шийдлийг гарган теорем, дүрэм батлах зэрэг нь үнэхээр ухаантай хүмүүсийг ажил. Энэ бол зөвхөн математикийн ухаанд ч биш бүхий л салбарт ийм жамтай. Харин эдгээр суут хүмүүсийн гаргасан шийдлийг хүн бүр өдөр тутмын амьдралдаа байнга ашиглаж байдгаа тэр бүр мэдээд байдаггүй. Жирийн хүмүүсийн хувьд математикийн бодлого бодно гэдэг нь ердөө эрдэмтэн мэргэдийн гаргасан шийдлийг ашиглах л юм. Түүнээс шинээр ямар нэгэн арга зохиогоод шийдэл гаргаад байх ерөөсөө биш. Бодлого бодох гэдэг нь компьютер ашиглах, гар утасны функцээ ажлуулах, машин жолоодохтой ижил ердийн ажил.

Квадрат тэгшитгэлийн бодолтын D<0 / энд D нь квадрат тэгшитгэлийн дискриминант / үед шинэ төрлийн тооны хэрэгцээ гарч ирсэн. Удаан хугацаанд эдгээр тоонуудыг бодит хэрэгцээ гараагүй байснаас тэдгээрийг хуурмаг тоо гэж нэрлэж байлаа. Одоо эдгээр тоо нь физик, цахилгаан техник, аэро болон гидродинамикт зэрэгт маш өргөн хэрэглэгээтэй болсон. Комплекс тоог a+bi хэлбэрээр бичдэг. Энд a ба b нь бодит тоо, харин i нь хуурмаг нэг буюу i²=-1. a тоог комплекс тооны абсцисс, харин b тоог ординат гэдэг. a+bi ба a-bi хоёр комплекс тоог хос комплекс тоо гэдэг.

Үндсэн тохиролцоо

• Бодит a тоог a+0i эсвэл a-0i гэсэн комплекс хэлбэрээр бичиж болно. Жишээ : 5+0i эсвэл 5-0i бичлэг нь 5 гэсэн тоог илэрхийлнэ.
• 0+bi комплекс тоог цэвэр хуурмаг тоо гэнэ. bi бичлэг нь 0+bi гэснийг илэрхийлнэ.
• a+bi ба c+di хоёр комплекс тооны a=c , b=d байвал эдгээр тоог тэнцүү гэнэ. Эсрэг тохиолдолд комплекс тоонуудыг тэнцүү биш гэнэ