Сайн тайлбартай программын код бичих бол программ зохиох соёлоос гадна кодыг ойлгомжтой болгох үндсэн арга. Иймд та программчлалын хэлийг үзэж эхлэх үеэсээ тайлбарыг ашиглаж сурахыг хичээгээрэй. Эхлэн суралцаж байхад том хэмжээний код бараг бичдэггүй болохоор тайлбарыг нэг их анзаардаггүйгээс болоод кодод тайлбар хийхгүй бичээд сурах гээд байх муу талтай. Энэ бол маш буруу барил гэдгийг танд сануулъя. Та том хэмжээний ажил гүйцэтгэх үедээ голдуу багаар ажиллах тул таны кодыг бусад хамтран ажиллагсад ойлгох шаардлага гарч болохыг санах хэрэгтэй. Том хэмжээний кодод тайлбар хийхгүй бол хэсэг хугацааны дараа та өөрөө ч ойлгохгүй байдал үүсч болохыг сануулъя. За ингээд хичээлээ эхлэе.
Скрипт доторх тайлбар
Ямарч программыг бичихдээ түүний кодод сайн тайлбар оруулж өгч сурах нь программчлалын зөв хэв жаяг гэдгийг хэлсэн. JavaScript тайлбарт давхар налуу зураас (//), налуу зураас од (/*) гэсэн хоёр төрлийн тэмдэглэгээг ашиглана. Давхар налуу зураас (үүнийг Java маягын тайлбар ч гэдэг) нь броузерт /хөтөч/ энэ тэмдэгтээс хойш байрлах бүх тэмдэгтийг тухайн мөрийг дуустал хасна гэдгийг заана. Энэ бүтэц нь нь ямар нэгэн мөрийн ард тайлбар оруулах боломжийг бүрдүүлнэ. Жишээ нь
document.write("Оруулах js файл байхгүй байна"); // файл байхгүй бол мэдээлэл өгнө.Налуу зураас од тэмдэглэгээ нь хөтөчид энэ тэмдэгтээс хойш тайлбарын дуусгаварыг заах од налуу зураас (*/) тэмдэгт хооронд байрлах бүгдийг хэрэгсгэхгүй гэснийг заана. (/*) хос тэмдэгтээр эхэлсэн тайлбар бүр нь (*/) хос тэмдэгтээр хаагдаж байх ёстой. Энэ бүтэц нь олон мөрөөс бүрдсэн тайлбар болон программын кодын блок үүсгэхэд хэрэгтэй. Жишээ нь
<script type="text/javascript">
Програмын код
/*
Тайлбар болгосон кодын блок
*/
Програмын үргэлжлэл
</script>JavaScript дэмждэггүй броузерууд
JavaScript-ийг дамждэггүй броузерт JavaScript кодыг хэрэгсэхгүй болгохын тулд <script> тегт HTML-ын тайлбарыг хэрхэн ашиглахыг доорх жишээгээр үзүүлж байна.
<script>
<!--Эндээс хуучин броузеруудаас нуух JavaScript операторууд
байрлана.
Энд тайлбарын төгсгөл //-->
</script>Үүнээс гадна хуучин броузеруудаас кодыг нуух бас нэг арга байдаг. Энэ арга нь хэрэглэгчид түүний броузер нь JavaScript хэлийг дэмжихгүй байгааг мэдэгдэж байгаагаараа өмнөхөөсөө давуу. Энд <script> тег дотор <noscript> гэсэн хос тегийг ашигладаг. Жишээ нь
<script>
Энд JavaScript операторууд байна
<noscript>
<H1>Уучлаарай таны броузер JavaScript хэлийг дэмжихгүй байна !</H1>
</noscript>
</script>Хуучин броузерууд <SCRIPT> , <NOSCRIPT> тегүүдийг хэргэсэхгүй тул <NOSCRIPT> хос тегийн хоорондох хэсгийг үзүүлнэ. Харин JavaScript хэлийг дэмжих хөтөчүүд операторуудыг биелүүлээд харин <NOSCRIPT> хос тегийн хоорондох хэсгийг хасдаг. Одоо ихэнх хэрэглэгчид JavaScript хэлийг дэмждэг хөтөч хэрэглэдэг болсон тул асуудал бараг үүсэхгүй.
JavaScript-ийн түлхүүр үгсүүд
Түлхүүр үг – энэ тусгай зориулалтаар ашиглахаар хадгалсан нэрүүд юм. Түлхүүр үгнүүдийг хувьсагч болон функцын нэрэнд ашиглаж болдоггүй. JavaScript-д дараах түлхүүр үгнүүдийг ашигладаг. Эдгээрийн зарим хэсэг нь Java-гийн үгнүүд боловч JavaScript тохирох боломжийг дээшлүүлэх үүднээс эдгээрийг түлхүүр үг болгон хадгалдаг.
JavaScript –ын түлхүүр үгнүүд
| abstract | boolean | break | byte | case |
| catch | char | class | const | continue |
| debugger | default | delete | do | double |
| else | enum | export | extends | false |
| final | finally | float | for | function |
| goto | if | implements | import | in |
| instanceof | int | interface | long | native |
| new | null | package | private | protected |
| public | return | short | static | super |
| switch | synchronized | this | throw | transient |
| true | try | typeof | var | void |
| volatile | while | with |
Үүнээс гадна дараах үгнүүдийг хувьсагч болон функцын нэрэнд ашиглахыг зөвшөөрдөггүй.
JavaScript –ын хувьсагч функцын нэрэнд ашиглаж болохгүй үгнүүүд
| alert | anchor | area | array | assign |
| blur | button | Checkbox | clearTimeout | clientInformation |
| close | closed | confirm | crypto | date |
| defaultStatus | Document | element | escape | eval |
| event | fileUpload | focus | form | frame |
| frames | frameRate | Function | GetClass | hidden |
| history | image | isNaN | java | JavaArray |
| JavaClass | JavaObject | JavaPackage | innerHeight | innerWidth |
| lenght | link | location | Math | MimeType |
| name | navigate | navigator | netscape | number |
| object | offscreenbuffering | onblur | onerror | onfocus |
| onload | onupload | open | opener | option |
| outerHeight | outerWidth | package | pageXoffset | pageYoffset |
| parent | parseFloat | parseInt | password | pkcsll |
| plugin | prompt | prototype | radio | ref |
| reset | screenX | screenY | scroll | secure |
| select | self | setTimeout | status | string |
| submit | sun | taint | text | textarea |
| top | toString | unescape | untaint | Valueof |
| Window |
Санамж:
- Программын кодыг аль болохоор өөрөө бичихийг хичээгээрэй. Ингэснээр та бичлэгийн дүрмийг сайн сурах боломжтой.
- Цаашдаа шаардлагагүй тохиолдолд html кодыг бичихгүйгээр зөвхөн javascript кодыг үзүүлнэ. Харин жишээгээ туршихдаа кодоо хуудас дотроо бичээрэй. Жишээнүүдийг туршихын тулд эхлээд доорх бүтэц бүхий index.html гэсэн файл бэлдээд авах хэрэгтэй.
<html xmlns="http://www.w3.org/1999/xhtml">
<head>
<title>Жишээнүүд</title>
<meta http-equiv="Content-Type" content="text/html; charset=utf-8" />
<script type="text/javascript">
Энд кодоо бичнэ
</script>
</head>
<body>
...
</body>
</html>
Суурийн радиус нь 4 см байх шулуун дугуй цилиндрийн нэг үзүүрээс зурагт үзүүлснээр хавтгайгаар огтлоход хамгийн урт байгуулагч нь 15 см, хамгийн богино байгуулагч нь 9 см болсон бол үүссэн биетийн эзэлхүүнийг ол.
тэнцэтгэл бишийг бод.