Веб хөтөчийн түүхээс.
HTML -ыг хэдэн янзаар кодчилж болно. Хөтөч программууд ч HTML -ийг өөр өөрөөр уншдаг. Ер нь бол HTML олон янзын шийдлүүдтэй. Иймээс өөр өөр хөтөч дээр сайтууд өөр өөрөөр харагддаг. Интернет бараг үүсэж эхлэхээс л HTML -ийн ерөнхий стандартыг бий болгох гэж оролдсон боловч энэ нь маш урт замыг туулжээ. Анх эхлээд хөтөч программ үнэтэй байхад Netscape үндсэн хөтөч байж HTML 0.3.2 гэдэг стандарт байсан. Зах зээлийн бараг 90% -ийг Netscape эзэлж байсан тул нэгдсэн стандарт бараг шаардлагагүй шахуу байв. Үүнээс гадна Netscape бусад хөтөч дээр ажилладаггүй өөрийн гэсэн сонин элементүүдийг бүтээсээр л.
Олон жилийн туршид Microsoft интернетийг бараг тоогоогүй юм. Дараа нь Netscape-тэй өрсөлдөж эхэлснээр шинэ хөтөч бий боллоо. Microsoft-ийн шинэ хөтөч Internet Explorer -ийн анхны хувилбар HTML -ийн стандартыг Netscape -ээс муу дэмжиж байсан ч Microsoft өөрийн хөтөчөө үнэгүйгээр тараах болсноор удалгүй Internet Explorer хамгийн өргөн дэлгэрсэн хөтөч болж чаджээ. Microsoft өөрийн хөтөчийн дараагийн хувилбаруудыг W3C -ын стандартад илүү нийцүүлэн хөгжүүлж ирсэн бол Netscape хөтөчийн шинэ хувилбар дээр бараг ажлаагүй юм. Хөтөчийн түүхийн талаар нэг иймэрхүү. Өнөөдөр хөтөч программууд Mozilla, Opera, Chrome гээд маш олон төрлийнх болоод байгаа билээ.
Веб стандарт
Та HTML дээр кодлохдоо W3C стандартыг баримталснаар таны веб хуудсыг өнөөдөр болоод ирээдүйд бүхий л хөтөч унших болно. HTML -ийн илүү чамбай шинэ хувилбарыг XHTML гэж нэрлэдэг. Үүний талаар хэдэн зүйлийг хэлье. Хэдийгээр HTML -ийн олон төрөл байдаг ч та хөтөчтэй яг ямар төрлийн HTML -ээр харьцаж байгаагаа мэдэгдэх ёстой. Манай тохиолдолд энэ нь XHTML юм. Үүний тулд хуудасны хамгийн эхэнд Document Type Definition /DTD/ буюу хуудасны төрлийг тодорхойлох хэрэгтэй.
Жишээ нь
<!DOCTYPE html PUBLIC "-//W3C//DTD XHTML 1.0 Strict//EN"
"http://www.w3.org/TR/xhtml1/DTD/xhtml1-strict.dtd">
<html xmlns="http://www.w3.org/1999/xhtml" lang="en">
<head>
<title>Title</title>
</head>
<body>
<p>text text</p>
</body>
</html>Та XHTML хэл дээр бичсэн гэдгээ жишээний хамгийн эхний мөрөнд Document Type Definition -ээр хөтөчид мэдэгдэхийн зэрэгцээ та html тегэд xmlns, lang атрибутыг ашиглан нэмэлт мэдээллийг тавьж өгөх хэрэгтэй. xmlns гэдэг бол "XML-Name-Space" үгийг хураангуйлсан бөгөөд дандаа http://www.w3.org/1999/xhtml гэсэн утгатай байх ёстой. Үүнийг л мэдэж байхад болно. Хэрвээ та namespaces талаар илүү нарийн мэдээллийг хүсвэл W3C -ийн сайтаас үзээрэй. Та lang атрибутад хуудас ямар хэл дээр бичигдсэнийг заан өгнө. Үүнд дэлхийн бүх хэлний кодыг агуулсан ISO 639 стандартыг ашиглана. Жишээнд Англи хэлийг ("en") заан өгсөн байна.
DTD нь таны хуудсыг шалгахад чухал үүрэгтэй байдаг. Юун шалгалт, үүнийг хэрхэн хийх юм гэж гайхаж байж магадгүй.
Хуудастаа DTD тавьснаар та өөрийн HTML кодод алдаа байгаа эсэхийг W3C's free validator гэх үнэгүй шалгагчаар шалгуулж болдог. Энэхүү боломжийг ашиглахын тулд хуудас хийгээд түүнийгээ интернетэд байршуулна. Дараа нь validator.w3.org хаягаар хандан өөрийн хуудасны (URL) хаягаа бичин өгөөд шалгуулна. Хэрвээ таны HTML зөв байвал баяр хүргэсэн мэдээлэл хүлээн авах бөгөөд эсрэг тохиолдолд юуг хаана буруу хийснийг яг заан өгсөн алдааны мэдээллийг хүлээн авна. Хэргээр хэдэн алдаа хийгээд шалгуулаад үзээрэй.
Энэхүү шалгагч нь зөвхөн алдаа илрүүлээд зогсохгүй. Зарим хөтөчүүд кодын алдааг автоматаар засан үзүүлэх оролдлого хийдэг. Энэ тохиолдолд та өөрийн хөтөч дээр алдааг ерөөсөө харахгүй байж болно. Гэхдээ хөтөчүүд алдааг янз бүрээр залруулдаг бас хуудсыг ердөө үзүүлэхгүй ч байж мэднэ. Харин шалгагч таны бүр санаагүй алдааг ч илрүүлэн гаргахад тусална шүү. Иймээс хуудасны зөв ажиллагааг хангах үүднээс өөрийн хуудсуудыг дандаа шалгаж байгаарай.
илэрхийллийг хялбарчил.