Хүмүүс манай сайтын Математик хэсэгтэй холбоотой асуулт олноор ирүүлж байгаа тул сайтын энэ хэсгээс та юу үзэх боломжтой талаар энэхүү нийтлэлийг орууллаа. Математик булан Үндсэн курс , Томьёонууд , Бодлогууд , Сорилго гэсэн 4 хэсэгтэй.

• Үндсэн хэсэгт ЕБС-д үздэг математикийн хичээлийн агуулгыг бүрнээр нь оруулснаас гадна зарим төрлийн бодлогыг хэрхэн бодох аргачлал, техникийг үзүүлсэн материалууд байгаа. Энэ хэсгээс сурагчид математикийн хичээлийн сэдвийн талаарх суурь ойлголтыг мэдэж авахад зориулагдсан.
• Томьёонууд хэсэгт дунд сургуулийн хэмжээнд бодлого бодоход ашиглагдах бүх томьёонуудыг бүлэг болгон оруулсан.
• Бодлогууд хэсэгт ЭЕШ-ийн 2006-2015 оны хооронд ирсэн бодлогуудын 1-р хувилбарууд болон элсэлтийн шалгалтын бодлогуудаас оруулсан болно. Энд нийтлэгдсэн бүх бодлогууд бодолттойгоо байгаа.
• Сорилго хэсэгт сурагчид өөрийн мэдлэгээ шалгах тестийг өгөх боломжтой. Тестийг бодлогууд хэсэгт нийтлэгдсэн бодлогуудаас санамсаргүй байдлаар сонгон авч явуулна. Сорилго нь элсэлтийн ерөнхий шалгалтынхтай ижил сонгох болон нөхөх тест хэлбэрээр явагдана.

Математик хэсэг ерөнхий агуулгын хувьд ийм зохион байгуулалттай. Манай сурагчид болон эцэг эхчүүд шалгалт дөхөөд ирэхээр л бэлтгэл, давтлага гээд бужигнаад эхэлдэг. Нэгэнт тулаад ирсэн үед яаруу сандруу бэлтгээд үр дүн гарна гэдэгт нэг их итгэх хэрэггүй. Нилээд эртнээс суурьтай бэлтгэвэл амжилт гаргах бүрэн боломжтой. Гэхдээ сайтын энэ хэсэг зөвхөн шалгалтанд бэлтгэж байгаа хүмүүст зориулагдсан бишээ. Ямарч ангид сурдаг байсан үзэж байгаа программынхаа хүрээнд материалуудыг нэмэлт байдлаар ашиглах бүрэн боломжтой. Бид шалгалтанд бэлтгэхийг нэг багш эсхүл курс, давтлагад очоод хэдэн тоо яаж бодохыг харан хуулан авахаар төсөөлөөд сурчихсан юм шиг. Тэгээд түүнийгээ бэлтгэл хийлээ гэж үздэг. Үүнийг зүйрлэвэл тамирчин хүн бэлтгэл хийж байна гээд өөр хүний хийж байгаа зүйлийг хараад байгаатай ижил юм. Тэгэхлээр өөрөө хийж байж л бэлтгэл болох нь ойлгомжтой. Эндээс таны хүүхэд сайтаас юу олж авах боломжтой вэ? гэсэн асуулт гарна.

• Эхний зүйл бол өөрийгөө дайчлан бие даан суралцах чадвар. Ерөөсөө сайтын үндсэн зорилго бол өөрийгөө хөгжүүлэхэд оршиж байгаа юм. Хүний хийж байгаа зүйлийг харж байхаар өөрөө нэг ч гэсэн бодлогыг ойлгон бодож сурах хэрэгтэй. Сайтын бодлогыг эхлээд өөрөө оролдоод үз. Чадахгүй бол бодолтыг харах гэх мэтээр
• Дан ганц бодлого бодох нь өрөөсгөл тул сэдвийн ерөнхий ухагдхууныг давхар судлах боломжтой. Ерөнхий онолын мэдлэггүйгээр бодлого бодно гэдэг бараг бүтэшгүй зүйл
• Бодлогын бодолтыг маш дэлгэрэнгүй тайлбарлан ашиглах томьёо, онолын ойлголтуудыг цуг оруулсан тул бүгдийг нэг дороос үзнэ. Бодолтыг үзэх болгонд тухайн бодлогод ашигласан томьёонуудыг харсаар түүнийг тогтооход амархан
• Бодлого бодох аргачлалуудыг судлах боломж. Нэг сэдвийг хамарсан бодлогын төрлүүд тэдгээрийг бодох аргуудыг жишээн дээрээс судлах
• Сорилго өгөн өөрийн мэдлэгээ шалгах. Өөрөөр хэлбэл бэлтгэлийн чанарыг тогтоох.
• Эцэг эхчүүд хүүхдийнхээ хичээл давталт, мэдлэгийн түвшинг хянах боломжтой.

Үүнээс гадна хэрэглэгч хүсвэл сайтын бусад хэсгийн хичээлүүдийг сонирхох боломжтой. Ялангуяа хэрэглээний программуудыг ашиглаж сурах хичээлүүд сурагчдад цаашдаа нэн хэрэгтэй болно. Энэ бүгдийг та маш бага төлбөрөөр авах боломжтой. Үүний тулд та сайтад бүртгүүлээд өөрийн хүссэн хугацааны төлбөрөө төлөөд л гүйцээ.
Хэрвээ гэртээ интернеттэй бол онлайнаар өөрийгөө хөгжүүлэх хамгийн хямд, боломжийн арга гэдгийг та туршаад үзээрэй.