Өнцөг

Огтлолцсон хоёр шулууны хоорондох өнцгийг хавтгайн геометрийн адилаар хэмжинэ. Учир нь эдгээр шулууныг дайруулан хавтгай татаж болдог. Паралел хоёр шулууны хоорондын өнцөг нь 0 эсвэл . Зөрсөн AB ба CD /Зур. 70/ хоёр шулууны хоорондын өнцгийг дараах байдлаар тодорхойлно.
Дурын O цэгийг дайруулаад OM || AB ба ON || CD байх OM, ON цацрагийг татна. Тэгвэл AB ба CD гийн хоорондох өнцөг нь NOM тэй тэнцүү гэж үзнэ. Өөр хэлбэл AB ба CD шулууныг өөртөө нь паралел байдлаар огтлолцох хүртэл нь шилжүүлнэ гэсэн үг. Тухайлбал O цэгийг AB ба CD шулуунуудын аль нэг дээр авч болно. Энэ тохиолдолд O цэг нь хөдөлгөөнгүй байна.

Пифагорийн теорем бол геометрийн бодлогод хамгийн ихээр ашиглагддаг теорем тул ихэнх сурагчид теоремийг сайн мэддэг. Хичээлээр теоремийн баталгаа болон Пифагорийн урвуу теоремийн талаар авч үзье. Пифагорийн теоремийн баталгааг мэдэж байх шаардлага байхгүй ч танин мэдэхүй болон ерөнхий мэдлэгийн хүрээнд танилцан ойлгох нь чухал. Энэхүү теоремийг их сургуулийн математикийн ангийн оюутнуудаар батлуулах даалгавар өгөхөд ихэнх нь чадахгүй байсан тохиолдол байдаг л юм даа.

Зөвлөмж: Ирээдүйд сургалтын үндсэн арга онлайн буюу интернет технологт суурилана гэдэг нь нэгэнт тодорхой болсон. Теле болон DVD, Flash гэх мэт зөөгч дээрх хичээлүүд өгөөж сайнгүй гэдгийг сүүлийн хоёр жил харуулсан. Хичээлийг судлан Пифагорийн теоремийн баталгааны ерөнхий логикийг ойлгож чадвал та онлайн сургалтаар өөрийгөө хөгжүүлэх боломж байна гэж үзээрэй. Нэг үзээд ойлгохгүй бол дахиад үзээрэй. Эцэст нь хичээлийн материалийг бүрэн ойлгоно гэдэгт бүү эргэлзээрэй. Материалийг бүрэн ойлгосны дараа Пифагорийн теоремийг өөр аргаар батлах гээд оролдоорой.

Нэг болон хоёр үл мэдэгдэгчтэй тэнцэл биш, тэнцэл бишийн системүүдийг функцын графикаар ойролцоогоор бодож болдог. Нэг үл мэдэгдэгчтэй тэнцэл бишийг бодохдоо бүх гишүүдийг тэнцэл бишийн нэг талд гарган f ( x ) > 0  хэлбэрт оруулаад f ( x ) = 0 функцын графикийг байгуулна. Үүний дараа графикийг ашиглан функцын тэгүүдийг олно. Эдгээр нь X тэнхлэгийг хэд хэдэн хэсэгт хуваасан байх бөгөөд x-ийн аль хэсэгт функцын утга тэнцэл бишийн утгатай давхцаж байгааг тодорхойлно.
Жишээлбэл: функцын тэгүүд нь a,b /Зур. 30/ гэе. Тэгвэл графикаас f ( x ) > 0 байх хэсэг нь x<a ба x>b гэдэг нь тодорхой. Эдгээр хэсгийг тодруулсан байгаа. Энд > тэмдгийн оронд <,  ≤, ≥ тэмдгүүдийн аль нь ч байж болно.

Өмнөх хичээлүүдээр бид ерөнхий үржигдхүүнийг хаалтнаас гаргах, бүлэглэх гэсэн хоёр аргыг сурсан. Энэ удаа үржүүлэхийн хураангуй томьёог ашиглах хүчирхэг аргатай танилцах болно. Үүнийг сурагч бүр мэднэ. Томьёонуудыг ч сайн мэднэ гэж бодож байна. Тэгвэл энэ тухай ярих хэрэг байгаа юм уу гэсэн асуулт гарч болох юм. Томьёонуудыг математикт маш өргөнөөр ашигладаг. Тэдгээрийг үржүүлэх, бутархайг эмхэтгэх, тэгшитгэл бодох, интеграл тооцох гээд хэрэглэхгүй газаргүй. Иймээс эдгээр томьёонууд хаанаас гарч ирсэн, юунд хэрэгтэй, хэрхэн тогтоох, яаж хэрэглэх гээд шуудхан хэлэхэд авч үзэх зүйлүүд байна аа. Сурагчид томьёог сайн цээжилсэн мөртлөө бодлого дээр очоод бараг мэдэггүй хүн шиг болдог. Өөрөөр хэлбэл ашиглах тал дээр ноотой.