1940 -өөд онд Куйбышевийн /одоогийн Самара/ шатарчин Аргунов практикт оруулан ирсэн гарааны нүүдлүүдийн энэхүү дараалалд П.Романовский Волгийн гамбит нэрийг санал болгосон байдаг. Барууны хэвлэлүүдэд гамбитийг Америкийн их мастар Пала Бенкогийн нэрээр нэрлэдэг.
Гарааны үндсэн санаа нь хар хүүний хаяагаар цагааны бэрсний жигүүрт хагас нээлттэй шугам болон g7 -гийн тэмээгээр a1-h8 диагоналаар бодны дарамтыг үүсгэх юм.

Шатарын нүүдлүүдийг тогтоох амархан хэдий ч сайн тоглож сурахад гарааны онол маш чухал гэдгийг удаа дараа сануулсаар ирсэн. Гарааны онолын мэдлэг дутуу байдгаас ихэнх хүмүүс ялангуяа эхлэн суралцагсад өргийн эхний нүүдлүүдэд алдаа хийн улмаар өргийн хувь заяаг шийдэх нь олонтоо тохиолддог. Шатар их тогловол сайжирдаг гэдэг ч онолын мэдлэгийг эзэмшвэл илүү хурдан, үр дүнтэй, сайн тоглох чадвартай болно гэдэгт итгээрэй.

Орчин цагт хаалттай гарааны ангилал 30-40 жилийн өмнөхтэй харьцуулбал ихээхэн өөрчлөгдсөн. Өмнө нь хаалттай гараанд цагаан эхний нүүдэлдээ ноёны хүүгээ хоёр нүдээр түлхээгүй бүх гарааг хамруулдаг байсан бол одоо зөвхөн цагаан эхний нүүдлээр бэрсний хүүгээ хоёр нүдээр түлхэн харин хар яг ижил хариу нүүдэл хийдэг гараануудыг хаалттай гэж нэрлэдэг болсон. Өөрөөр хэлбэл өнөө цагт төвд 1. d4 d5 гэсэн шууд хүүний тулалт хийгддэг бэрсний гамбитийн төрлийн эхлэлүүдийг хаалттай гараа гэж үздэг. Иймээс өмнө нь хаалттай гараанд оруулж байсан бусад гараанууд гараанд үүсэх хүүний бүтцийг үндэслэн хагас хаалттай, жигүүрийн гэсэн хоёр бүлэгт хуваагдсан.

Хичээлээр Татгалзсан бэрсний гамбитийн Кембриж-спринг, Тартаковерийн хувилбарын талаар авч үзье. Та шатар сонирхдог бол сайтад нийтлэгдсэн гарааны хичээлүүдийг үзэн тоглолтын ур чадвараа дээшлүүлэхийг санал болгоё.

Нэг. Нээж шалах ба дарааны төстэй шинж.

Нээж шалахдаа зайлж буй шатраа хаана шилжүүлэх нь ашигтай вэ?

Дараа болон нээж шалах хоорондын төстэй байдлыг диаграм тодорхой харуулна. Баруун талын хэсэгт тэрэг бол занал үүсгэгч буюу (нээгдэгч), морь бол дундын буюу (нээгч) шатрууд ба харин ноён нээлтэд өртөгч юм. Зарим талын төстэй тал яалтгүй. Нээж шалах бол даруулагч нь өнгөө сольсон дараа. Нээж шалахад бид дарааны адилаар бас л гурван оролцогч шатруудтай ажиллана. Шалаа хийхээр заналхийлж буй шатар Нээгч буюу түүний хөдөлгөөнөөр нээн шалалт үүсэх шатар Нээгчийн ард байгаа шатар Товчхондоо бол заналхийлэгч, дундын, өртөгч шатрууд юм.

Бэрсний гамбитийн жишээ өргүүдийг нийтэллээ. Шатар боломжийн тоглож сурахад таниас багагүй хүч хөдөлмөр, цаг хугацааг шаардана гэдгийг ойлгоорой. Та шатар сонирхдог бол онолын мэдлэгээ байнга дээшлүүлж их мастеруудын өргүүдийг сайн судлах нь өөр хоорондоо тоглох эсхүл хүмүүсийн тоглохыг харах зэргээс хамаагүй илүү үр дүнтэй. Шатар сонирхогчид нарын өргүүд гарааны нүүдлүүд дээр алдаа гаргаснаас бараг 70, 80 хувь нь шийдэгддэг. Иймэрхүү байдлаар хичнээн ч тоглосон нэг их сайжрахгүй. Учир нь нөгөө гаргадаг алдаагаа давтаад л байвал цаашдын өрнөл буюу өргийн дунд хэсэгт шилждэггүй тул сонирхогчид өргийн дунд болон төгсгөл хэсгийг бараг хийж сурдаггүй. Гараанаас шууд төгсгөл хэсэг рүү гулгаад явчих маягаар тоглодог гэсэн үг. Гэтэл тоглолтын ур чадварыг жинхэнэ шаарддаг өргийн дунд хэсэгт орохоороо яахаа мэдэхгүй болоод ирдэг. Иймээс сайтад тавигдаж буй жишээ өргүүдийг маш судлан суралцахыг зөвлөе.