Өнцгийн хэмжээг олохыг түүнийг хэмжих гэнэ. Өөрөөр хэлбэл тухайн өнцөгт хэмжилтийн нэгжээр сонгон авсан хэмжээс хэд багтаж байгааг олно гэсэн үг.
Өнцгийг хэмжих нэгжээр ихэнхдээ градусыг хэрэглэдэг. Градус гэдэг нь дэлгэмэл өнцгийн 1/180 хэсэгтэй тэнцэх хэмжээс. Градусыг өнцгийн хэмжээг заасан тооны баруун дээд буланд 0 тэмдэгээр тавин тэмдэглэпэг. Жишээ нь 60⁰, 75⁰, 30⁰ гэх мэтээр

Транспортироор өнцгийг хэмжих

Өнцөгийг транспортир гэдэг тусгай хэрэгсэлээр (шугам) хэмждэг.

Транспортирт гадаад ба дотоод гэсэн хоёр хэмжээс байдаг. Гадаад ба дотоод хэмжээсүүдийн тоололын эхлэл транспортирийн хоёр буланд байрлах ба хэмжилтийг зөв хийхийн тулд градусийн тоололыг зөв талаас эхлүүлэх ёстой.
Өнцгийн хэмжилтийг хийхдээ хэмжих гэж буй өнцгийн оройг транспортирийн төвтэй, өнцгийн аль нэг тал хэмжээсийн тэг хуваарийг дайран гарахаар байрлуулбал өнцгийн нөгөө тал тухайн өнцгийн хэмжээг градусаар заана.
Дээрх зургийн хэмжилтийн үр дүнг "BOC өнцөг 60 градустай, MON өнцөг 120 градустай тэнцүү" гэж ярих ба гэж бичнэ. Өнцгийг илүү нарийн хэмжихдээ градусын минут, секунд гэсэн хэсгийг ашигладаг. Минут гэдэг бол градусийн 1/60 тэнцүү хэсэг. Харин секунд нь минутын 1/60 тэнцүү хэсэг. Минутийг ' тэмдэгтээр харин секундийг " тэмдэгтээр тэмдэглэдэг бөгөөд градусийн адилаар хэмжээсийн баруун дээд буланд бичдэг. Жишээ нь 45 градус 25 минут 15 секунд хэмжээстэй өнцгийг гэж бичнэ.

Өнцгийн хэмжээсийн шинжүүд

• Дурын өнцөг тэгээс их тодорхой хэмжээстэй байна.
• Цацраг өнцгийг хоёр хэсэгт хуваасан (хоёр өнцөгт) бол тухайн өнцгийн хэмжээ цацрагаар хуваагдсан хоёр өнцгийн хэмжээсүүдийн нийлбэртэй тэнцүү.
  
  Зурагт үзүүлсэн AOB өнцгийг аваад үзье. OD цацраг өнцгийг өнцгүүдэд хуваах учраас байна.
• Дэлгэмэл өнцөг 180 градустай тэнцүү.
  
  Дэлгэмэл өнцөг гэдгийг сайн ойлгон аваарай. Шулуун, хэрчимтэй холин ойлгож болохгүй. Шулуун дээр цэг тэмдэглэвэл тухайн шулууныг өнцгийн тодорхойлолтоор өнцөг гэж үзнэ. Ийм өнцөг ч эхний шинжээр хэмжээстэй байх ёстой. Транспортироор хэмжин үзвэл өнцөг 180 градустай тэнцүүг заана.

Өнцгүүдийг харьцуулах

Өнцөгүүд тэнцүү хэмжээтэй эсхүл нэг нь нөгөөгөөсөө бага эсхүл ихийг тодорхойлохыг өнцгүүдийн харьцуулалт гэнэ.
Өнцгүүдийг бие бие дээр нь давхцуулан эсхүл тэдгээрийг хэмжих гэсэн хоёр аргаар харьцуулж болно.

Давхцуулан харьцуулах

Зурагт өгөгдсөн өнцгүүдийг давхцуулан харьцуулах аргаар жишье. Өнцгүүд тэнцүү эсхүл үгүй гэдгийг тогтоохын тулд өнцгүүдийн оройнууд болон аль нэг талуудыг давхцуулсан байдлаар

бие бие дээр нь тавина. Зургаас COA өнцөг BOA өнцгийн хэсгийг бүрдүүлж байгаа нь харагдах тул COA өнцөг BOA өнцгөөс бага. Үүнийг гэж бичнэ.
Өнцгүүдийг давхцуулахад тэдгээрийн хоёр тал давхцаж байвал өнцгүүдийг тэнцүү гэж үзнэ.

Хэмжилтээр харьцуулах

Өнцгүүдийг хэмжин харьцуулахдаа өнцгийн хэмжээ нь нөгөөгөөс их өнцгийг их гэж үзнэ. Өнцгийн хэмжээнүүд тэнцвэл тэдгээрийг тэнцүү өнцгүүд гэнэ.
Жишээ. өнцгүүдийг харьцуул. Өнцгүүдийн хэмжээг транспортироор

хэмжвэл гэж гарах бөгөөд эндээс BOC өнцөг MON өнцгөөс бага гэдгийг гэж бичнэ.

Санамж: Геометрийн үндсэн ухагдхуунуудыг зөв ойлгон тогтоохгүйгээр тэдгээрийг ашиглан бодлого бодно гэж байхгүй. Иймээс хичээл бүрд өгч буй ухагдхуунуудыг бүгдийг тогтоон авахыг зөвлөе.