Татгалзсан бэрсний гамбитыг их мастеруудын түвшинд ихээр тоглодог гараа. Олон төрлийн салаа хувилбартай маш сонирхолтой хурц тоглолттой гараа. Шатар тоглох ур чадвараа дээшлүүлэхэд гарааны онолоос гадна их мастеруудийн өргүүдийг сайн судлан ойлгон авч өөрийн тоглолтод ашиглах юм. 

Нүүргүй хүү сэдвийн талаарх 3 дахь хичээлийг толилуулж байна. Энэ хичээлд А.Нимцович хаалтын бодны эсрэг тэмцэл. Тохиромжгүй хаагчийг илүү сайнаар хэрхэн солих. талаар "Миний систем" номондоо хэрхэн өгүүлсэнг толилуулъя. Хаагч боднууд ар талын холбооноос үүдэн хүчээ алддаг талаар дурдсан нь яалтгүй үнэн ч үүний зэрэгцээ хаагч бод өөрийн байрлалыг хамгаалахад өөрөө ямар нэгэн зүйлийг өгөх ёстой. Үүнд хаагч өөрийн үйлчлэлийн хүрээний ачаар өөртөө өрсөлдөгчийн хүчийг ойртуулахгүй байх байдлаар хүрнэ. Цаашилбал хаагч бод нилээд хүчтэй байх ёстой. Гэхдээ энэ бол нилээд хэтрүүлсэн хэллэг тул энд хаалтын зорилгод муу тохирох бэрсийг ойлгож болохгүй.

Шатрын дүрмийн мэдлэгээс үүдэн өрсөлдөгчдийн хооронд маргаан гарах нь элбэг байдаг. Энэ хичээлд бид тоглолтыг дэг журамтай байлгахад шатарчин бүр баримталж байх ёстой үндсэн дүрмүүдийг авч үзнэ.

Хүрсэн бол нүү

Нүүх ээлж нь болсон шатарчин (санаатай эсвэл санамсаргүй аль нь ч бай) өөрийн шатарт хүрсэн л бол түүгээр нүүх ёстой. Хэрвээ шатарчин эсрэг талынхаа шатарт хүрсэн бол түүнд ашиггүй байсан ч хүрсэн шатраа идэх ёстой. Шатарчны хүрсэн өөрийн шатар нь боломжит нэг ч нүүдэлгүй, мөн түүнчлэн түүний хүрсэн эсрэг талын шатарыг идэх ямарч бололцоогүй бол ямар нэгэн үр дагаваргүй өөрийн хүссэн нүүдлээ хийдэг. Өөрөөр хэлбэл ямар нэгэн торгууль байх ёсгүй. Шатарчин өөрийн болон хүний шатарт нэгэн зэрэг хүрсэн бол эсрэг талын шатрыг өөрийн шатраар идэх ёстой. Эхлээд өөрийн шатарт хүрээд дараа нь тухайн шатраар идэх боломжгүй эсрэг талын шатарт хүрсэн бол хүрсэн өөрийн шатраар дурын нүүдлээ хийнэ.
Шатруудынхаа эвгүй өрөгдсөн байрлалыг цэгцлэх хэрэгтэй бол зөвхөн өөрийн нүүдэл хийх ээлжинд өрсөлдөгчдөө цэгцлэх тухайгаа мэдэгдээд дараа нь шатартаа хүрнэ. Мэдэгдээгүй бол хүрсэн бол нүү дүрэм үйлчлэх болно.

Хичээлээр 1. d4 Мf6 2. c4 e6 3. Мc3 Тb4 нүүдлүүдийн дараагаар үүсэх шатрын суут онолч Арон Нимцовичийн (1886—1935) нэрээр нэрлэгдсэн хагас хаалттай гарааг авч үзье. Барууны сурах бичгүүдэд гарааг Нимцо-энэтхэгийн хамгаалалт (Nimzo-Indian Defence) гэж нэрлэсэн байдаг. Нимцовичийн шатрын онолоор хар c3 дээр тэмээгээ мориор солилцсоны дараагаар цагаанд сул (давхар хүү) байдлыг үүсгэсний үр дүнд давууг авна гэж үздэг.
Гарааны үндсэн санаа нь с7-с5 болон е6-е5 хүүний давшилтаар төвд бодны дарамтыг үзүүлэхэд оршино. Гарааны бас нэгэн санаа нь e4 нүдэнд хяналт тогтоох. Заримдаа хар бэрсний гамбитийн санааг хэрэглэн d7-d5 -аар хамгаалтыг зохион байгуулдаг. Хичээлд гарааны 2, 3, 4 -р хувилбаруудыг авч үзнэ. 1-р хувилбарыг Нимцовичийн хамгаалалт 1-р хэсэг хичээлээс үзээрэй.