Microsoft Excel -д Power Query хэрэгсэл орж ирснээр өгөгдөл боловсруулах хурд, боломж үлэмж сайжирсаны дээр өмнө нь тусгай програмаар эсхүл програм зохиогчийн тусламжтайгаар хийдэг байсан ажлуудыг одоо шууд Excel -ээр хийлгэх боломжтой болсон. Excel 2013 -д Power Query хэрэгсэлийг нэмэлтээр татан суулгаж байсан бол Excel 2016 -ийн стандарт багцад Power Query хэрэгсэл орж ирсэн. Хичээлд Excel 2013 хувилбарыг ашиглах ч ажиллагааны хувьд Excel 2016 -гаас онцын ялгаагүй. Excel 2016 -д Power Query хэрэгсэл туузын Data табд Get & Transform нэрээр орж ирсэн.

Excel 2016 -гийн Get & Transform нэрээс л хэрэгсэл өгөгдлийг татан авч өөрчлөхөд зориулагдсан гэдэг нь ойлгомжтой. Гэхдээ хүмүүс хэрэгслийг Power Query нэрээр нь илүү мэддэг.

Санамж: Хэрэгсэл тогтмол шинэчлэгдэж байдаг тул зарим зүйлүүд ажиллахгүй эсхүл өөр байж болно. Шийдэл нь хэрэгслийг сүүлийн хувилбар хүртэл шинэчлэх.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу.

Танд амжилт хүсье.

Интернетийн хөгжлийг дагаад орчин цагт интернетэд сууриласан буюу интернетийн орчинд ажилладаг програмууд, сайтууд, сервисүүд ихээр бий болсоор байгаа билээ. Интернетэд суурилсан програмын хэрэглэгч талын ажиллагааг хөтөч програмууд хариуцан ажиллуудаг бөгөөд хөтөчүүд бүрэн хэмжээнд дэмжин ажилладаг програмчлалын хэл javascript гэдгийг бүгдээрээ мэднэ. Багцад орсон хичээлүүдээр EcmaScript6 буюу javascript -ийн шинэ хувилбарт орсон шинэчлэлт өөрчлөлтийн талаар үзэх тул та javascript хэлний зохих мэдлэгтэй байх ёстойг сануулъя. Сайтын javascript хэлний хичээлүүдээс хэлний тухай анхан шатны мэдлэгийг олж болохыг зөвлөе. Сүүлийн жилүүдэд хэрэглэгч талын хуудас буюу frontend -д ихээр ашиглагдах болсон Angular, React, Vue фреймворкууд бүгд javascript сангууд бөгөөд дэлхийн нийтээр javascript програмистын эрэлт болон үнэ зогсолтгүй өсч байгаагаас javascript хэл нь таны заавал эзэмшсэн ёстой програмчлалын хэл гэдгийг батлана.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу.

Танд амжилт хүсье.

Шатрын анхан шатны курс хичээлээс шатрын хөлөг, шатрууд, тэдгээрийн нүүдэл, үнэ цэнэ, бичилт, мад, пад гэх зэрэг үндсэн ухагдхууныг судлан мэдсэн бол энэ удаагийн хичээлүүдээр шатар тоглох анхны алхамуудад суралцах болно. Хичээлүүдээр шатрын өргийг хэрхэн эхлүүлэх, төвийн төлөөх тэмцэл, өргийн үе шатууд, давуу талууд гээд илүү нарийн ойлголтуудыг авч үзэх тул таниас нилээд хичээл зүтгэлийг шаардана. Иймээс шатарт дөнгөж суралцаж байгаа хүүхэд багачуудыг өөрийн эцэг эхийнхээ тусламжтайгаар судлахыг зөвлөе.

Хүүхдээ дугуйлан, дамжаанд явуулан цаг зав үрэлгүйгээр хүүхэдтэйгээ хамт ая тухтай орчинд хамтдаа суралцвал хүүхдийн сэтгэл зүй, хүмүүжилд нөлөөтэйн дээр хүүхэд тань таныг хүндлэх, өөрөө суралцаж болдог гэдгийг ойлгох олон сайн талтай гэдгийг эцэг, эхчүүдэд зөвлөе. Ийм байдлаар хүүхэддээ ойртон харьцах нь хүмүүжлийн шилдэг арга гэдэг нь нэгэнт батлагдсан зүйл. Үглэж суухаар үлгэрлэ гэж үг байдаг даа. Хичээлийг судлахад шатар эсвэл компьютерын программ байхад л хангалттай.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу.

Танд амжилт хүсье.

Шатрын нүүдлүүд, тоглолтын дүрэм энгийн учраас тоглож сурах нь тийм ч хүнд биш. Харин шатрыг сайн тоглож сурах бол нилээд цаг хугацаа, хүч хөдөлмөр, хичээл зүтгэл шаардсан том хөдөлмөр. Шатрын онолд хамгийн гүнзгий судлагдсан нь гараанууд юм. Хүн шатар тоглож сураад түүнийг илүү сайн тоглон сурахын тулд юуны өмнө гараануудыг судлах нь илүү оновчтой гэж бодно. Шатарын гараануудыг үндсэндээ таван төрөлд хуваагдагийн нэг нь 1.e4 e5 нүүдлээр эхэлдэг нээлттэй гараанууд юм.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу.

Танд амжилт хүсье.

Орчин үед интернетэд суурилсан програмчлалд javascript фреймворкуудийг хэрэглэгч талын хуудасны боловсруулалтад маш өргөн ашигласнаар SPA /Single Page Application/ гэж нэрлэдэг програмылалын шинэ технологи хүчтэй хөгжиж байна. Vue фреймворк Angular, React гэх мэтийн javascript сангуудгаас сүүлд гараагаа эхэлсэн ч сайт боловсруулах ажиллагаанд тэдэнтэй эн тэнцүү зарим талаараа тэднийг гүйцэн хүчтэй түрэн орж ирсэн сан. Vue фреймворкийн зохиогч Evan You бол Angular -ийн боловсруулагчдын нэг бөгөөд Angular -ийн хүчтэй, сайн талуудыг өөрийн бүтээлдээ шингээхийн дээр түүнийг суралцахад хөнгөн, хэмжээ багатай болгож чадсан нь Vue фреймворкийг бусадтай өрсөлдөн тэргүүлэгчдийн эгнээнд оруулж ирэх суурь болсон. Програм зохиогч мэрэгжлээр суралцаж буй, ажиллаж байгаа залуус энэхүү хичээлүүдээс тодорхой ойлголтыг аван цаашид ашиглах сууриа тавьж чадна гэдэгт бүрэн итгэж болно.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу.

Танд амжилт хүсье.

Шатар бол оюун ухааны тоглоом гэдгийг хүн болгон мэддэг. Гэхдээ ухаантай хүмүүсийн тоглоом гэж ойлгож болохгүй. Шатарт хүн болгон бүр хүүхэд наснаасаа суралцах хэрэгтэй. Заавал тэмцээн уралдаанд оролцох хэмжээнд суралцдаггүй юм гэхэд тоглож чаддаг болох хэрэгтэй. Шатар сурснаар хүн аливаа юмыг шинжлэн дүгнэх, яаран сандран шийдвэр гаргахгүй байх, асуудалд ул суурьтай хандах гээд олон эерэг төлөвшилд суралцана. Шатрыг заавал багшаар заалгаж сурдаг тоглоом биш өөрөө бие даан сурах бүрэн боломжтой. Танд шатрын ертөнцөд анхны алхамаа хийхэд курсын зорилго оршино.
Хичээлүүд анхан шатны ойлголтууд мэт санагдах хэдий ч шатар тоглоход зайлшгүй хэрэгтэй мадлах, шатрын бичилт, пад гэх мэт асуудлуудын талаар дэлгэрэнгүй тайлбарласан байгаа. Хичээлийг судлахад шатар эсвэл компьютерын программ байхад л хангалттай.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу.

Танд амжилт хүсье.

Microsoft Excel -ийг эхлэн суралцаж байгаа хүмүүст зориулсан цуврал хичээлүүд. Хичээлүүдээр программын нэн хэрэгтэй чухал хэрэгслүүдийг жишээнд дээр алхам алхамаар гүйцэтгэн хийснээр та энэхүү хүчирхэг программыг ашиглаж сурах болно. Программыг хэрхэн ачааллахаас эхлээд, хүснэгт зохиох, график үүсгэх, нэгдсэн хүснэгт /pivot table/, өгөгдлийн сан хүртэлх бүхий л ойлголтуудыг хамарсан нэг курс хичээлүүд. Хичээлүүдийг үзснээр та Microsoft Excel -ийн дамжаанд суун олж авах мэдлэгийг бүрэн хэмжээнд эзэмших болно. Бүх хичээлийг бүрэн судалж эзэмшсэн байхад танд Microsoft Excel -ийг ашиглахад гараад байх хүндрэл үүсэхгүй бөгөөд та өөрийгөө манай хэрэглэгчдийн мэдлэгийн түвшингийн дундаас дээгүүр хэмжээнд гэж тооцож болно.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу. Хичээл бүрийг сайн ойлгон бүх жишээг өөрөө хийгээрэй.

Танд амжилт хүсье.