Та манай сайтын Форекс хэсгийн материалуудтай танилцан Форекс захын талаар анхны мэдэгдхүүн олж авсан бол одоо санхүүгийн эрх чөлөөтэй болох гараагаа эхлүүлэх болжээ. Юуны түрүүнд арилжаанд зуучлах дилингийн /брокер/ компанийг сонгох хэрэгтэй. Манайд арилжаанд зуучилна гэсэн компаниуд, банкууд байдаг. Та эдгээрийг юуны өмнө судлаад үзээрэй. Арилжааны эрхийн сертификат, үйл ажиллагааны цар хүрээ, тавигдах шаардлага, хөрөнгийн хэмжээ, баталгаа, үйлчлүүлэгчдийн санал бодол, төлбөрийн систем гээд бүхий л зүйлийг судлах хэрэгтэй. Товчоор бол тухайн брокерын найдвартай эсэхийг шалгах. Энд интернет нилээд ухах хэрэг гарах байх. Өмнөх хичээлүүдтэй танилцсан бол бодитоор арилжаанд оролцоход нилээд их хэмжээний мөнгө хэрэгтэй, хувь хүмүүс хэрхэн арилжаанд ордог, эрсдлээ хэрхэн тооцдог гэх мэтийг ойлгосон байх. Брокерын компаниа сонгох нь таны асуудал болох ч энд хэдэн зүйлийг сануулъя.

Фибоначчийн цуваа буюу алтан огтлолтой холбоотой индикаторыг худалдаачид арилжаанд хэрхэн ашигладаг талаар энэ хичээлээр авч үзэх болно. Фибоначчийн түвшинг худалдаачид залруулга хийгдэх бүсийг тодорхойлоход ашигладаг. Ханшийн хүчтэй хөдөлгөөн бүр эхлээд эхний түлхэлт түүний дараа үндсэн трендийг үргэлжлүүлэхэд шаардлагатай багахан хэмжээний залруулга (буцах хөдөлгөөн) хийх байдлаар үе үеээр бий болдог. Зах зээлийн ямарч хөдөлгөөн, ямарч тренд хөдөлгөөнөө сэргээх хүчийг бий болгохын тулд багахан хэмжээнд сулардаг. Форексийн ханшийн хөдөлгөөнийг шаталсан гэж үзэж болно.

Форекс арилжаанд оролцохын тулд та дараах хоёр алхамыг хийх хэрэгтэй

1. Аль нэгэн брокерын компанид данс нээлгэх
2. Арилжааны терминалаа суулгах

Энд бид эхний алхам буюу данс нээлгэх талаар авч үзье. Арилжаа явуулахын тулд ямар нэгэн хэлний мэдлэг хэрэгтэй болно доо. Гэхдээ монгол хэлтэй брокерын компани байвал мэдээж асуудалгүй. Данс нээлгэх ажиллагаа бараг бүхий л компанид ижилхэн байдаг тул жишээ болгоод Forex MMCIS Group компанид хэрхэн данс нээлгэхийг авч үзье. Холбоосоор шилжихэд таныг Forex MMCIS Group компаний сайт руу шилжүүлнэ. Сайтын интерфейс Орос, Англи, Хятад хэлүүд дээр байгаа. Та өөрийн мэдэх хэлийг сонгоорой. Би манайханд арай ойр байхыг бодоод Англи хэлийг сонгон авлаа. Саяхнаас Forex MMCIS Group компани ажиллагаагаа зогсоосон байна лээ. Гэхдээ данс нээлгэх процесс ихэнх компанид адилхан.

Форекс брокерт данс нээлгэсэн бол тухайн брокерын арилжааны терминалыг сайтаас нь татаад авсан байх. За ингээд терминалаа суулгаж эхлэе. Арилжааны терминалыг суулгах нь ердийн программ суулгахтай адил их энгийн. Татан авсан файлын нэр дээрээ хоёр даралт хийхэд дараах цонх нээгдэнэ.

Арилжааны терминалаа суулгасан бол одоо программын ерөнхий интерфейстэй танилцах болно. Зах зээлийн худалдаанд оролцохын тулд та программаа эзэмшсэн байх хэрэгтэй. Metatrader программыг ашиглан арилжаанд оролцох тийм хүнд биш ч бүхий л боломжийг жишээ нь MQL программчлалын хэлийг ашиглан индикатар, шаблон зохиох гэх мэтийг зохиох бол нилээд ихийг сурсан байхыг шаардана. Гэхдээ та бүү айгаарай эдгээр бүх боломжуудыг хүсвэл дараа нь суралцах боломжтой. Эхлээд бидэнд программаа ашиглан арилжаанд орж сурах нь чухал. Бид нар форексоос мөнгө олох гэж байгаа биз дээ. Программаа ажлуулахад доорх дэлгэц гарч ирнэ.

Захиалга гэдэг нь заасан хэмжээ, үнээр валютыг худалдан авах эсвэл худалдах (buy/sell) тухай трейдерээс брокерт өгсөн бичгэн эсвэл аман захирамж (тушаал) юм. Захиалга нь дараах төрлүүдэд хуваагдана.

Зах зээлийн захиалга

Ямар нэгэн валютыг нөгөөгөөр зах зээлийн тухайн үеийн ханшаар худалдах эсвэл худалдан авахыг зах зээлийн захиалга гэнэ. Энэ төрлийн захиалга нь арилжаанд орох ханшийг хэн эхлэн санал болгож хэн нь санал болгосон үнийг зөвшөөрсөнөөс хамааран дотроо хоёр төрөлд хуваагдана.

Өмнөх постуудаас та брокерын компаний хэрхэн сонгох, хэрхэн данс нээлгэх, арилжааны терминалаа хэрхэн суулгах талаар мэдээлэл авсан гэдэгт найдаж байна. Арилжааны терминалаа суулгасан бол одоо худалдаанд хэрхэн оролцох талаар авч үзье.

Дахин сануулахад яаран бодит мөнгөөр оролцож болохгүй шүү.

Ер нь өмнөх нийтлэлүүдийг уншин Форексийн захын анхны мэдлэгийг олж авах хэрэгтэйг зөвлөе.

Поциз нээх /арилжаанд орох/

Позиц нээх эсхүл арилжаанд орох гэдэг нь худалдаа хийх санхүүгийн хэрэгслээр тодорхой хэмжээгээр анхдагч худалдан авалт эсхүл худалдах ажиллагааг хийх юм. Позици зах зээлийн захиалгаар болон хойшлогдсон захиалга автоматаар биелэгдэх үед нээгдэнэ.Позиц нээхийн тулд  

• Tools -> New Order командыг өгөх
• Хэрэгслүүдийн самбараас New Order товчийг дарах
• Market watch цонхноос валютын хосын нэр дээр хоёр даралт хийх
• Гараас F9 товчийг дарах

аргуудын аль нэгийг ашиглаж болно.

Арилжаанд оролцон позицоо нээсний дараа та ыг өөрчлөх, хойшлогдсон захиалгын үнийн түвшинд тохиргоо хийх, хаах, устгах гэх мэтээр түүнийг удирдах хэрэгтэй болно. Эдгээр үйл ажиллагааг хэрхэн хийх талаар энэ хичээлээр авч үзье.

Позицийг өөрчлөх

Нээлттэй байгаа позицид өөрчлөлт оруулна гэдэг нь түүнд Stop Loss, Take Profit түвшингүүдийг холбон өгөх ажиллагаа юм. Позицийг өөрчлөхийн тулд Терминал цонхны нээлттэй арилжааны жагсаалт дээр баруун даралт хийн гарч ирэх дэд цэснээс Modife or Delete Order командыг сонгох эсхүл S/L юмуу T/P багана дээр хоёр даралт хийнэ.Stop Loss, Take Profit утгууд

Форекст мөнгө хийх нь алдахаасаа хамаагүй хэцүү зүйл. Хэрвээ та энэ зах зээлээс хурдан мөнгө олохоор ирсэн бол таныг таагүй байдал гарцаагүй хүлээж байгаа. Ашигтай ажиллахын тулд ихийг мэдэх бас чадах хэрэгтэй. Ашиг олж байгаа хэсгийн орлого бусдын алдаж байгаа мөнгөнөөс бий болдог гэдэг энгийн зүйлийг ойлгоорой. Ашиг олохын тулд та зах зээлийн тоглогчдын дийлэнх хэсгээс илүү ихийг мэддэг, чаддаг, алсыг харах чадвартай байх шаардлагатай. Энэ бүгд өөрөө бий болчихгүй нь мэдээж. Иймд ашигтай арилжаа хийж сурахын тулд нилээд хугацаа шаардах юм.  
Эхлэн суралцагчдын хамгийн том алдаа бол алдагдал авчрах асар олон алдааг гаргадагт л байгаа юм. Зарим үед эхлэгчдэд Форекс дандаа түүний эсрэг хөдлөөд байгаа юм шиг санагдах нь ч бий. Эндээс зарим хүмүүс Форексыг программын аргаар хийдэг луйвар энэ тэр гэж бичсэн ч байдаг юм. Эхлэн суралцагчдын гаргадаг үндсэн алдаануудын талаар энэ нийтлэлээр авч үзье