Microsoft Excel -ийн хурдавчилсан курс 1-р хичээл

Microsoft Excel -ийг эхлэн суралцаж байгаа хүмүүст зориулсан цуврал хичээлүүдийг үзээрэй. Хичээлүүдээр программын нэн хэрэгтэй чухал хэрэгслүүдийг жишээнд дээр алхам алхамаар гүйцэтгэн хийснээр та энэхүү хүчирхэг программыг ашиглаж сурах болно. Программыг хэрхэн ачааллахаас эхлээд, хүснэгт зохиох, график үүсгэх, нэгдсэн хүснэгт /pivot table/, өгөгдлийн сан хүртэлх бүхий л ойлголтуудыг хамарсан нэг курс хичээлүүд юм. Хичээлүүдийг үзснээр та Microsoft Excel -ийн дамжаанд суун олж авах мэдлэгийг бүрэн хэмжээнд эзэмших болно. Бүх хичээлийг бүрэн судалж эзэмшсэн байхад танд Microsoft Excel -ийг ашиглахад гараад байх хүндрэл байхгүй болох бөгөөд та өөрийгөө манай хэрэглэгчдийн мэдлэгийн түвшингийн дундаас дээгүүр хэмжээнд гэж тооцож болно. За ингээд эхний хичээлдээ орьё.

Microsoft Excel -ийг ачааллах

Microsoft Excel -ийг ачааллахын тулд Start товчийг дараад Programs цэсээр орон Microsoft Office цэс дотроос Microsoft Office Excel -ийг сонгоно.

Програмыг ачааллахад хоосон хүснэгт бүхий цонх нээгдэнэ. Эхний удаад энэ хүснэгт нь Book1 гэсэн стандарт нэртэй байх бөгөөд гарчигийн мөрөнд харагдана.

Ном болон хуудасны тухай ерөнхий ойлголтууд

Book (ном эсвэл файл) - гэдэг нь өгөгдлийг хадгалан боловсруулахад ашиглагдах файл юм. Ном бүр нь хэд хэдэн хуудастай байж болдог тул нэг файлд төрөл бүрийн мэдээллүүдийг оруулан тэдгээрийн хооронд холбоос бий болгох боломжтой.

Sheets (хуудас) - нь өгөгдлийг зохион байгуулан анализ хийх үүрэгтэй. Нэгэн зэрэг олон хуудаст өгөгдөл оруулан засварлахаас гадна хуудаснуудын өгөгдлүүдийг үндсэлэн тооцоо хийх боломжтой. Хуудасны нэрүүд нь номын цонхны доод хэсэгт үе дээр байрласан байх ба хэрэгтэй хуудаст шилжихийн тулд зохих үеийг сонгоно.

Дэлгэцийн элементүүд

Гарчигийн мөр - Windows үйлдлийн системд ажилладаг програмуудын адилаар дэлгэцийн дээд хэсэгт байрлах ба энд Office товч болон хурдан хандалтын хэсэг байрлана.

Office товч нь нээх, хадгалах, хэвлэх гээд файлтай хийгдэж болох үйлдлүүдийг цэсийг агуулж байдаг бол хурдан хандалтын хэсэг нь хамгийн өргөн ашигладаг үйлдлүүдийг нэг даралтаар хийх боломжийг бүрдүүлнэ.

Цэсний мөр

Гарчигийн мөрний доор цэсний мөр байрлах ба Home, Insert, Page Layout, Formulas, Data, Review, View гэсэн командын бүлгүүдтэй. Бүлэг бүр нь ерөнхий үүрэг бүхий командуудыг нэгтгэсэн байдаг.

Хуудас дотор шилжих

Хуудасны нүд хооронд хулгана эсвэл сумтай товчнуудыг ашиглан шилжилт хийнэ. Шилжилт хийгдсэн нүд идэвхижнэ. Хуудасны дэлгэцэнд харагдахгүй хэсэгт шилжихдээ гүйлгэгч зурвасыг ашиглана. Гүйлгэгч зурвас нь цонхны баруун ба доод талд байрладаг. Цонхны агуулгыг гүйлгэн харахын тулд гүйлгэгчийг чирэх юмуу сумтай товчнуудыг ашиглана.

Өөр хуудсанд шилжих

Хэрэгтэй өгөгдөл агуулж байгаа хуудасны хаяг дээр зүүн даралт хийнэ. Хэрвээ хэрэгтэй хуудас харагдахгүй бол хуудсуудыг гүйлгэгч товчнуудыг (улаан хүрээтэй) ашиглан гарган ирээд сонголтоо хийнэ.

Файлын үйлдлүүд

Файл үүсгэх

  1. Office товчийг дараад гарч ирсэн цэснээс New командыг ажиллуулна.
  2. Шинээр хоосон файл үүсгэхийн тулд Blank and recent -ийг сонгоод Blank Workbook дээр хоёр даралт хийнэ. Эхний хоёр сонголт хийгдсэн (улаан ногоон хүрээтэй) Create товчийг дарна.

Файл нээх

  1. Office товчийг дараад гарч ирсэн цэснээс Open командыг өгөх эсвэл хурдан хандалтын хэсэгт байрлах Open (ctrl+O) товчийг дарна.
  2. Look in талбарт файл байрлаж байгаа хавтасыг сонгоод дараа нь нээх файлынхаа нэр дээр хоёр даралт хийнэ. Office товчийг дарахад сүүлд нээгдэж байсан файлуудын жагсаалт дотор нээх файлын нэр байвал түүн дээр зүүн даралт хийж болно.

Файлыг хадгалах

Файлыг анхлан хадгалах үед файлын нэр болон түүнийг хадгалах байрлалыг заан өгдөг.

Дараагийн удаа хадгалалт хийхэд файлд орсон өөрчлөлтүүд шууд шинэчлэгдэж байдаг. Файлыг хадгалахын тулд товчийг л дарахад хангалттай.

Файлыг өөр файлд хадгалах

  1. Office -> Save As гэж ороод шинээр хадгалах файлын төрлийг (жишээ нь Excel Workbook) сонгоно.
  2. Save As цонхны Save in талбарт файлыг хадгалах замыг сонгоно.
  3. File name талбарт файлын нэрийг өгнө.
  4. Save товчийг дарна.

Файлыг хаах

Office -> Close гэж орон файлыг хаана.

Өгөгдөлтэй ажиллах

Өгөгдөл оруулах

  1. Өгөгдөл оруулах нүдээ сонгоно
  2. Өгөгдөлөө оруулаад Enter товчийг дарна.

Өгөгдлийг засварлах

  1. Агуулгыг өөрчлөх хэрэгтэй нүдэнд дээр хоёр даралт хийнэ.
  2. Өгөгдөлийг өөрчилнө.
  3. Өөрчлөлтийг хадгалахдаа Enter товчийг өөрчлөлтийг хүчингүй болгох бол Esc товчийг дарна.

Өгөгдлийг арилгах

  1. Өгөгдлийг арилгах нүд эсвэл мөр баганаа сонгоно.
  2. Home -> Editing хэсгийн командыг сонгоод гарч ирэх цэсээс Clear All (Бүгд), Clear Formats (Формат), Clear Contents (Агуулга), Clear Comments (Тайлбар) тохирох командыг өгнө.

Өгөгдлийг сонгох

  1. Нэг нүдний өгөгдлийг сонгох бол хулганы заагчийг сонгох нүд дээрээ авчраад зүүн даралт хийнэ.
  2. Нүднүүдийн хэсгийг сонгох хэрэгтэй бол хэсэг эхлэх нүд дээр хулганы заагчаа авчраад хулганы зүүн товчйг дарна. /зүүн даралт/ Хулганы зүүн товчоо дарсан чигээрээ хулганы заагчийг сонгох хэсгийн баруун доод булан хүртэл шилжүүлээд хулганы зүүн товчийг чөлөөлнө. Үүнийг чирэлт гэж нэрлэнэ.
  3. Нүднүүдийн хэсгийг гараас сонгохдоо хэсгийн зүүн дээд буланд нүдний заагчийг сум ашиглан шилжүүлээд өөрөөр хэлбэл сонголт эхлэх эхний нүд дараа нь Shift товчийг дарж байгаад сумаар нүдний заагчийг хөдөлгөн хэсгийн баруун доод буланд шилжүүлээд Shift товчоо чөлөөлнө.

Сонгогдсон хэсэг өнгөөр тодрох ёстой. Үүний дараа хийгдэх командууд хэсэгт нийтэд нь үйлчлэх болно.

Өгөгдлийг хэлбэржүүлэх

  1. Нүд эсхүл нүднүүдийн хэсгээ сонгон авна
  2. Туузны Home үед дэх Font, Alignment хэсгийн командаас өгнө.

Хичээлээр үзсэн материалуудыг бататгахын тулд шинээр файл үүсгээд, хадгалах зэргээр хичээлийн материалуудыг шууд туршаад яваад байгаарай.

Мэдээлэл таалагдсан бол найзуудтайгаа хуваалцаарай.

  Нээгдсэн тоо: 3060 Нийтийн

Бодлого. Бидэнд өдөр бүр ашигладаг зурагт үзүүлсэн шиг хүснэгт байна гэе.

Хүснэгтийн дурын мөр баганыг харагдахгүй (нуух) болгох.

  Нээгдсэн тоо: 1775 Төлбөртэй

Хүснэгттэй ажиллах үед нилээд гардаг асуудлын нэг нь хуудасны өгөгдөлтэй хэсгийн хэмжээг нарийн мэдэхгүй байх явдал юм. Үүнээс гадна ажиллагааны явцад хуудаст шинээр өгөгдөл оруулах, устгах зэрэг үйлдлээс үүдэн өгөгдөл бүхий хэсгийн хэмжээ өөрчлөгдөж болно. Ийм төрлийн асуудлыг шийдэх стандарт арга нь хуудаст хандах холбоосыг “нөөцтэй” авах юм. Өөрөөр хэлбэл хэсэгт хоосон нүднүүдийг оруулан авна. Энэ арга нь доорх хоёр сул талтай

  • Хоосон “нөөц” зай дутагдаж болно.
  • Өгөгдөл агуулаагүй ч гэсэн хоосон нүднүүд нь зарим тохиолдолд өгөгдөл боловсруулах ажиллагааг мэдэгдхүйц удаашруулдаг

Энэ асуудлыг шийдэх арга нь динамик нэрлэсэн хэсгийг ашиглах ба өгөгдөлтэй нүднээс хамаарч ийм хэсгийн хэмжээ нь өөрчлөгдөж байдаг. Бичлэгийн тоо нь өөрчлөгдөж болох жагсаалтыг авч үзье.

  Нээгдсэн тоо: 3922 Төлбөртэй

Гадаадын хөрөнгө оруулалттай компанид ажилладаг ажилчид тайлан мэдээг олон хэл дээр гаргах шаардлага гардаг. Жишээ нь Орос, Англи, Монгол гэх мэтээр Мэдээжийн хэрэг эдгээр тайлан мэдээний тоон мэдээллүүд ижилхэн боловч үгнүүд нь өөрчлөгдөж байдаг.
Ийм асуудлыг шийдвэрлэхийн тулд орчуулах шаардлагатай хүснэгтэд шинээр хуудас (Толь гэе) нэмнэ. Хуудас дээрээ орчуулах хэрэгтэй үгсийг дараалал харгалзахгүйгээр бичиж өгнө.

  Нээгдсэн тоо: 1155 Нийтийн

Хүснэгтүүдийг нэгтгэх нь хамгийн өргөн тохилддог асуудлуудын нэг бөгөөд Excel -д асуудлыг шийдэхэд зориулагдсан VLOOKUP, INDEX, SUMIF гэх мэтийн функцууд бий. Функцууд өгөгдлийн хэсгүүдийг түлхүүр баганаар нэгтгэн муугүй ажилладаг ч бүх тохиолдолд тохироод байдаггүй. Жишээ нь VLOOKUP нөхцөлд тохирох баганаас баруун орших зөвхөн нэг баганыг л татдаг. Гэтэл практикт нөхцлөөс зүүн орших баганы өгөгдлийг татах, нөхцөлд тохирох бүх өгөгдлийг татах гээд олон янзын асуудлууд үүсдэг. Эдгээрийг шийдэхийн тулд Excel -ийн функцуудыг хослуулсан нарийн ажиллагаа хэрэгтэй болдог нь таниас Excel ашиглах нилээд ур чадварыг шаардана. Power Query хэрэгсэл гарч ирснээр өгөгдлүүдийг нэгтгэх ямарч ажлыг маш энгийн нэг аргачлалаар шийдэх боломж бий болсон.

Стратег (Strategy) нь тус тусдаа хайрцаглагдан тэдгээрийн бие биеэ орлолтыг хангасан алгоритмын багцыг тодорхойлох загварчлалын хэвийг илэрхийлнэ. Нөхцөл…

Нээгдсэн тоо : 10

 

Универсал параметрүүд ашиглан ерөнхийлөгдсөн классийг дурын төрлөөр төрөлжүүлж болно. Хааяа төрлийг тодорхой болгох шаардлага үүсдэг. Жишээ нь бидэнд…

Нээгдсэн тоо : 13

 

Тооны хуваагдах шинж гэдэг нь хуваах үйлдлийг хийхгүйгээр тоо хуваагчид үлдэгдэлгүй хуваагдах эсэхийг тогтоох аргачлал буюу тооны өөрийн…

Нээгдсэн тоо : 17

 

Өмнөх Хулганы товч даралтын боловсруулалт хичээлд асуулт, түүний хариултуудын хувилбарууд, зөв хариултын…

Нээгдсэн тоо : 18

 

Нийлбэрт нэмэх үйлдлийн үр дүн мэдэгдэхгүй байхад нийлбэрийг хэрхэн олох аргыг судлан сураад байгаа. Тэгвэл нийлбэрийн нэг бүрдүүлэгч…

Нээгдсэн тоо : 24

 

.NET фреймворк ердийн төрлүүдээс гадна ерөнхийлөгдсөн (generics) төрлүүд болон ерөнхийлөгдсөн аргуудын үүсгэлтийг дэмждэг. Энэхүү боломжийн онцлогийг судлахын өмнө…

Нээгдсэн тоо : 19

 

Тоонуудын нэмэх үйлдэл ашигладаг аргачлалуудын талаар авч үзье.

Нэг оронтой тоонуудыг нэмэх

Нэг оронтой…

Нээгдсэн тоо : 28

 

Бүтээгч (Builder) хэв нь обьект үүсгэх ажиллагааг төрөл бүрийн шатуудад хуваах боломжийг олгосноор түүний үүсгэлтийг хайрцагладаг.

Хэвийг хаана…

Нээгдсэн тоо : 26

 

Нийлбэр дэх бүрдүүлэгчдийг нэгтгэн нэмэх дүрэм -ийг үндэслэн дараах хоёр дүрэм гарч ирдэгийг…

Нээгдсэн тоо : 28

 
Энэ долоо хоногт

тэгшитгэлийг бод.

Нээгдсэн тоо : 1252

 

AB, CD суурьтай ABCD трапецын талууд AB=30, BC=20, CD=5 ба DA=15 байг.

  1. Трапецын дундаж шугамын урт
  2. Трапецын өндөр
  3. Трапецын талбай

Нээгдсэн тоо : 1354

 

бол .

Нээгдсэн тоо : 1030