Төслийн нэгдсэн хадгалагчид програмын төлвүүдийг state -д үүсгэн ашиглахыг сурсан тул vuex -ийн дараагийн боломжийг судалцгаая. Одоогоор төслийн Actions компонентод байрлах товчнууд дээр дарах үйл явцын боловсруулагч state -д тодорхойлогдсон counter талбарын утгыг өөрчилнө. Харин Counter компонент state -ээс counter талбарыг аван темлейтдээ үзүүлж байгаа. Төсөлд бас нэгэн компонентийг нэмээд түүн дээр vuex -ийн дараагийн боломжийг судлая. Үүний тулд төслийн components хавтаст Counter компоненттой ижилхэн

<template>
  <h2>Тоолуур 2: {{counter}}</h2>
</template>

<script>
export default {
  computed: {
    counter() {
      return this.$store.state.counter
    }
  }
}
</script>

кодтой SecondCounter.vue файлыг үүсгэе.

Интернетэд сууриласан програмчлал хөгжихийн хирээр хэрэглэгчдийн шаардлага улам өндөр болсон. Хөтөч сервер хооронд хуудсыг дамжуулан дахин зурах, формын шалгалт, хуудас шилжилт зэрэг серверт олон удаа хандах ажиллагаануудад хэрэглэгчид нилээд дургүй байдаг. Эдгээр асуудлыг шийдэхийн тулд SPA буюу нэг хуудаст програмын технологийг Angular, React, Vue зэрэг фреймворкууд хэрэгжүүлдэг. Фреймворкуудийн ажиллагааны зарчим ойролцоо тул аль нэгийг нь судалсан байхад бусад нь ойлгомжтой. Иймээс сайтад Vue фреймворкийн хичээлүүдийг оруулж байгаа билээ.

Энэ удаад Html хуудас дээрх сонголтуудаас тохирохыг нь зөвлөх тэмдэглэгээ хийдэг CheckBox гэж нэрлэдэг элементийн тухай авч үзье. Жишээ нь бүртгэлийн хуудаст хэрэглэгчийн сонирхдог зүйлсийг тодорхой төрлүүдээс сонгох байдлаар ихээр авдаг. Үүнийг VueJs -дээр хэрхэн хэрэгжүүлэхийг

<template>
  <div>
    <h2>Form inputs</h2> 
    <label>
      <input type="checkbox"> instagram
    </label>
    <label>
      <input type="checkbox"> twitter
    </label>    
    <label>
      <input type="checkbox"> facebook
    </label>    
  </div>
</template>

<script>
export default {
  data () {
    return {
    }
  }
}
</script>

жишээгээр харцгаая.

RxJs сангийн алдаа боловруулалтын талаар хичээлд авч үзье. Сервертэй ажиллах үеийн ямар нэгэн алдаанаас үүдэн хэрэглэгч талын код ажиллахгүй болох тохиолдол ихээр гардаг тул ийм үед алдааг барин боловсруулалт хийх зайлшгүй шаардлага гардаг. Алдааны боловруулалтыг дараах

Rx.Observable.throw(new Error('Алдаа гарлаа'))
    .subscribe((x) => {
        console.log(x);
    });

энгийн жишээн дээр харцгаая.

Сүүлийн үед веб програмчлалд хүчтэй орж ирж буй javascript фреймворкуудын нэг бол яах аргагүй VueJs сан. Javascript -ийг ашиглахгүйгээр вебэд суурилсан програмыг динамик болгох аргагүй тул хөтөчийн хэлийг үзэн судлах зайлшгүй шаардлагатай гэж үзэн Vue фреймворкийн хичээлүүдийг цувралаар нийтэлж байгаа билээ. Хичээлүүдийг Vue фреймворкийн үндсэн ойлголтууд багц хичээлээс бүгдийг үзээрэй. Vue CLI -ийг суулган түүгээр шинэ төслийн генераци хийхэд төслийн нэрээр хавтас үүсгэдэг гэдгийг CLI суулган төсөл үүсгэх хичээлд үзсэн. Vue CLI -ийн үүсгэсэн хавтасыг код засварлагч дээр нээвэл

дээрх зурагт үзүүлсэн бүтэцтэй харагдана. Хавтаст доторх файлууд ямар үүрэгтэй, зориулалттай болохыг авч үзье.
Жич: Vue CLI хэрэгслийг маш хурдтай хөгжүүлж байгаа учраас зарим зүйлүүд хичээлийнхтэй тохирохгүй байх магадлалтай тул хэрэгслийн албан ёсны сайтаас хамгийн сүүлийн мэдээллийг тогтмол авч байхыг сануулъя.