Магадгүй та CSS-ийн тухай сонссон хэдий ч чухам юу гэдэг талаар мэдэхгүй байж болно. Тэгвэл энэ хичээлээр CSS гэж юу болох, юуг хийж чадах талаар үзэх болно. CSS гэдэг нь Cascading Style Sheets үгний товчлол. Та HTML хэлний хичээлүүдээс энэ нь веб хуудсыг хэлбэржүүлэх хэл гэдгийг мэдсэн. Хэлийг зохиогчид сайт үүсгэх ажиллагааг сайжруулахын тулд HTML хэлэнд сайтын гадаад төрхийг хэлбэржүүлэх <font>, <b>, <i>, <bgcolor> гэх мэтийн олон төрлийн элементүүд болон параметрүүдийг нэмсээр ирсэн. Гэтэл энэ нь тодорхой хугацааны дараа сайтын кодыг уншигдах болон хэмжээний талаасаа хэтэрхий нүсэр болгосон нь энэ замаар хол явахгүй гэдгийг ойлгомжтой болгосон. Ингээд хуудасны бүтцийг (HTML) түүний харагдах хэлбэрийг тодорхойлогчоос (CSS) салгах шийдэлд хүрсэн байна. HTML ба CSS -ын хослол гайхамшгийг бүтээдэг гэдэгтэй бид удахгүй танилцах болно.
Мэдээлэл зүй, программчлалын чиглэлээр сурдаг, интернет сайт хийж сурахыг хүсэж байгаа бол та манай сайтын энэ хэсгээс өөртөө хэрэгтэй мэдээллийг олно гэдэгт итгэж байна. Программчлалын нэг хэлийг сайн судлан ойлгосон байхад бусдыг нь ойлгон сурахад их дөхөмтэй байдаг. Яг л гадаад хэл шиг. Нэг гадаад хэлийг сурсан хүн бусдыг нь сурахад хүндрэл багатай байдгийн адил. Өнөөдөр интернет хэрэглээ асар хурдтай хөгжихийн хирээр энэ чиглэлийн программ зохиогчдын эрэлт өссөөр байна. Иймээс эрэлт өндөртэй мэрэгжлийг сонгон суралцаж эзэмшихийн тулд та өөрийгөө нилээд дайчлан ажиллах шаардлагатай. Зөвхөн багшийн заасан хичээлүүдийг үзээд сайн мэрэгжилтэн болно гэхэд их эргэлзээтэй. Багш зөвхөн онолын талын үндсэн мэдлэгийг өгөх учраас суралцагч өөрөө их хичээн төрөл бүрийн материалуудыг судлах зайлшгүй хэрэгтэй. Сайтын энэ хэсгийн материалууд танд дадлага олон сайн мэрэгжилтэн болоход туслах зорилготой юм.
Танд амжилт хүсье
Нээгдсэн тоо: 2107 Төлбөртэй
Олон html хуудаснуудад холбоост дүрсний карт (map) гэж нэрлэгдэх зохион байгуулалтыг ашигладаг. Ийм зохион байгуулалт хийхдээ зураг аваад түүний төрөл бүрийн хэсэгт холбоос хийж өгдөг. Хамгийн өргөн дэлгэрсэн жишээ бол аялагчдадын дэлхийн карт юм. Карт дээрээс сонирхсон орны газрын зураг дээр дарахад энэ улсын тухай хуудаст шилжих жишээтэй. Ийм дүрсний карт нь хэрэглэгчийн болон серверийн байж болдог. Хэрэглэгчийн дүрсний картын холбоос тухайн материалдаа хадгалагдан түүн дээр хулганаар даралт хийхэд хөтөч дарагдсан цэгийн координат ямар хэсэгт харьяалагдахыг өөрөө тодорхойлоод хэрэгтэй холбоосоор шилжүүлэлтийг хийнэ. Харин серверийн хувилбарын үед даралт хийгдсэн цэгийн координатууд эхлээд серверт дамжуулагдан тусгай программаар боловсруулалт хийгдсэний дараа холбоосын шилжилт хийгдэнэ. Эндээс хэрэглэгч талын дүрсний карт нь илүү гэдэг нь тодорхой. Түүнийг бид үзэх болно.
Нээгдсэн тоо: 1960 Бүртгүүлэх
Эхлээд HTML-д хуудаст мултимедиа мэдээлэл оруулах боломжтой IMG гэсэн ганцхан элемент байсан. Элемент нь зөвхөн зураг оруулах л боломжтой харин бусад форматууд веб хуудаст хаалттай байсан. Тиймээс хөтөч программ боловсруулагчид шинэ шинэ элементүүдийг дэмжих боломжийг нэмэх болсон. Үүний үр дүнд Netscape фирмийн <embed>, Sun фирмийн <applet> тегүүд бий болсон.
Гэхдээ эдгээр элементүүд үүссэнээр бүх асуудлыг шийдвэрлэж чадаагүй тул HTML-д дурын форматтай ажиллах чадвартай <object> гэсэн шинэ элементийг нэмэн оруулсан. Элементийг ашиглахын тулд хэрэглэгчийн компьютерт обьектэд тохирох форматын файлыг харах боломжтой программ хангамж эсвэл хөтөчид нэмэлт модул (plug in) суулгасан байх шаардлагатай.
Нээгдсэн тоо: 2095 Төлбөртэй
html хуудасны хөгжим
Веб хуудас дээр дэвсгэр хөгжим оруулан өгч болдог. Хэрэглэгч хөгжим сонсох хэрэгслээ залгасан бол хуудсыг нээхэд хөгжим тоглож эхлэх юм. Үүний тулд WAV, AU, MIDI форматын аудио файл хэрэгтэй болно. Ийм файлыг C:\WINDOWS\Media хавтасаас эсвэл интернетээс татан авч болно. Аудио файлаа html хуудас байгаа хавтастаа хуулан өгөөд хөгжим оруулах гэж буй хуудасныхаа кодын head тэгэд дараах тегийг нэмэн өгнө.
<bgsound src="Yesterday_Beatles.mid" loop="1"></bgsound>
<bgsound> тегийн талаар хэлэхэд энэхүү тег нь HTML -ийн бүрэлдхүүнд албан ёсоор ордоггүй Microsoft -ийн Internet Explorer хөтөч зориулсан санаачлага тул бусад ихэнх хөтөч тегийн боловсруулалтыг хийдэггүй.
Нээгдсэн тоо: 2854 Төлбөртэй
Фрейм бүтцийн жишээ
Хөтөчийн цонхыг фреймүүдэд хувааж болдог. Өөрөөр хэлбэл зэрэгцэн орших хэсгүүдэд хуваана гэсэн үг. Эдгээр хэсгүүдэд өөр өөр html хуудаснуудыг ачааллаж болно. Жишээн дээр тодорхой үзүүлье. Доорх код бүхий index.html файлыг үүсгээрэй.
<html>
<head>
<title>Фреймтэй ажиллах</title>
<meta http-equiv="Content-Type" content="text/html;charset=UTF-8">
</head>
<frameset rows="30%, 10%, 60%" >
<frame>
<frame>
<frame>
</frameset>
</html>
Нээгдсэн тоо: 1798 Төлбөртэй
Хэрэглэгч мэдээлэл оруулах боломжийг форм олгодог. Та интернетээр хэсэж байхдаа төрөл бүрийн сорилго, асуулга, санал хураалт зэрэгтэй нэг бус удаа тааралдаж байсан байх. Энэ бүгдийг өөрийн веб сайтад хийхэд форм хэрэгтэй болдог. Энд онцлоход html форм нь өөрөө зөвхөн мэдээлэл оруулах боломжийг л олгодог бөгөөд харин оруулсан мэдээллийг боловсруулж чаддаггүй гэдгийг хэлэх хэрэгтэй. HTML нь бүтцийг бий болгох хэл болохоос программчлалын хэл биш. Мэдээллийг боловсруулахад javascript, php гэх мэтийн хэлүүдийг ашигладаг.
Хичээлээр бид өөрийн хуудаст html формыг нэмэхэд сураад түүнд оруулсан мэдээллийг хэрхэн боловсруулахыг php, javascript -ын талаарх хичээлүүдээс үзээрэй.
Ингээд html форм нь <form></form> тегүүдээр өгөгдөнө. Формын үлдсэн бүх элементүүд эдгээр тегүүдийн хооронд байрлана.
Нээгдсэн тоо: 1907 Төлбөртэй
Багана нийлүүлэх тег colspan
Нарийн бүтэцтэй хүснэгтийг ашиглах хамгийн өргөн дэлгэрсэн хэлбэр бол веб хуудасны зохион байгуулалтыг хийх юм. Зургийг харцгаая
Хэрвээ зураг дээр хүснэгт байрлуулбал зураг нь тодорхой заагдсан өргөнтэй 3 мөр, 2 баганатай хүснэгт байгааг бид харах болно.
Нээгдсэн тоо: 2558 Төлбөртэй
html хүснэгт үүсгэх
Хүснэгт бол веб хуудасны үндсэн хэрэгслүүдийн нэг юм. CSS ашиглахгүйгээр зөвхөн хүснэгтийг ашиглан нарийн зохион байгуулалттай хуудсыг үүсгэж болдог. Ямар ч хүснэгт нь мөр, багануудуудаас бүтэх бөгөөд мөр баганы огтлолцлоор нүднүүд үүснэ. Жишээ нь
| багана 1 | багана 2 | багана 3 |
| 1-р баганы 1-мөр | 2-р баганы 1-мөр | 3-р баганы 1-мөр |
| 1-р баганы 2-мөр | 2-р баганы 2-мөр | 3-р баганы 2-мөр |
| 1-р баганы 3-мөр | 2-р баганы 3-мөр | 3-р баганы 3-мөр |
Нээгдсэн тоо: 1772 Төлбөртэй
Веб хуудаст зургийг хоёр аргаар ашигладаг. Нэг нь дэвсгэр байдлаар нөгөө нь бие даасан зураг хэлбэр. Сайтад JPEG, GIF, PNG гэсэн 3 форматын зургуудыг ашиглахыг илүүд үздэг. Эдгээр форматыг бүх хөтөч дэмждэг бөгөөд бусад өөр төрлийн форматад тусгай хэрэгсэл ашиглах шаардлага гарч болзошгүй.
Ер нь бол сайтын бүх зургуудыг тусд нь (жишээ нь images) хавтаст хадгалсан байдаг. Зургын замыг холбоост ашигладагийн адилаар заан өгнө.
Хичээлийн жишээнүүдэд зургийн замыг заахдаа зургууд сайтын хуудаснууд байрлаж байгаа site хавтастай нэг түвшингийн images гэсэн хавтас байгаа байдлаар бичих болно.
Нээгдсэн тоо: 1436 Төлбөртэй
Дугаарлагдсан жагсаалт
Ямар нэгэн байдлаар дугаарлагдсан жагсаалт юм. Дугаараар араб тоо, ром тоо эсвэл үсгүүд байж болно. Жагсаалт дугаарлагдсан гэдгийг хөтөчид заан өгөхдөө <ol></ol> тегийг ашиглана. Бүх жагсаалт эдгээр тегийн хооронд байрлах бөгөөд пункт болгон <li></li> тегээр өгөгдөнө.
Дугаарлагдсан жагсаалтын жишээ
<html>
<head>
<title>Дугаарлагдсан жагсаалт</title>
<meta http-equiv="Content-Type" content="text/html;charset=UTF-8">
</head>
<body>
<ol>
<li>Адуу</li>
<li>Үхэр</li>
<li>Хонь</li>
</ol>
</body>
</html>
тэгшитгэлийг бод
тэгшитгэлийн хамгийн бага эерэг шийдийг ол.