Барилгын хоёр бригад хамтдаа 24 өдөрт нэг ижил 5 байшинг барьжээ. Бригадууд тусдаа ажиллавал 2-р бригад нэг байшинг 1-р бригадаас 4 өдрийн өмнө дуусгах бол бригадууд нэг байшинг хэдэн өдөрт барьдаг вэ?

Зургаан оронтой тоо 2 цифрээр эхэлдэг. Хэрвээ түүнийг эхний байрлалаас сүүлийн байрлалд шилжүүлэхдээ бусад цифрүүдийн байрлалыг хадгалвал анхдагч тооноос гурав дахин их тоо үүсэх бол анхдагч тооны цифрүүдийн нийлбэрийг ол.

Хоёр оронтой тоог түүний цифрүүдийн үржвэрт хуваавал 3 ногдон 9 үлдэнэ. Хэрвээ тооны цифрүүдийн нийлбэрийн квадратаас энэ тооны цифрүүдийн үржвэрийг хасвал тоо өөрөө гардаг бол анхдагч хоёр оронтой тооны цифрүүдийн нийлбэрийг ол.

Гурван оронтой тооноос уг тоог тонгоруулан бичсэн тоог хасвал 297 гарна. Энэ тооны аравтын орны цифр түүний зуутын болон нэгжийн орнуудын цифрүүдийн геометрийн дундаж бол тоог ол.

Стадионы тойрог замаар хоёр тамирчин гүйнэ. Тамирчин бүрийн хурд тогтмол. Тойргийг бүтэн тойрохдоо нэг нь нөгөөгөөс 25 сек бага хугацаа зарцуулна. Тамирчид гараанаас нэг чиглэлд зэрэг гарвал 2 мин 30 секундын дараа зэрэгцэн ирнэ. Хэрвээ тамирчид гараанаас эсрэг чиглэлд зэрэг гарвал хир хугацааны дараа тэд уулзах вэ?

Хоёр тамирчин тойрог замаар нэгэн зэрэг гарч 3,2 км замыг туулан барианд оржээ. Тойргийг нэг тамирчин нөгөөгөөсөө 10 секундээр хурдан тойрдог. Ялагч барианд орж байхад нөгөө нь бүтэн тойрог гүйх үлдсэн байлаа. Ялагч замыг 9 мин 20 секундэд туулсан бол тойрог замын уртыг ол. Тамирчдын хурдыг тогтмол гэж үзнэ.

Хоорондоо 170 км зайтай А хотоос В хот руу 30 минутын интервалтай хоёр суудлын галт тэрэг гарчээ. Хоёрдугаар галт тэрэгтэй зэрэг В хотоос хурдан галт тэрэг гарч А хотоос гарсан эхний галт тэрэгтэй А хотоос 80 км -т зөрөөд 12 минутийн дараа хоёрдахь галт тэрэгтэй зөржээ. Суудлын галт тэрэгнүүд ижил хурдтай бол хурдан галт тэрэгний хурдыг ол.

Хоорондоо 400 км зайтай А хотоос В хот руу автобус хөдөлжээ. Хэсэг хугацааны дараа А хотоос суудлын тэрэг гаран автобусыг А хотоос 160 км -т гүйцээд В хотод автобусаас 1 цаг 48 минутын өмнө иржээ. Хэрвээ А хотоос автобус, суудлын тэргүүд зэрэг гарсан бол 3 цагийн дараа тэдгээрийн хоорондын зай 90 км болох байсан бол А хотоос автобус суудлын тэргээс хичнээн хугацааны өмнө гарсан бэ?

Номын нэгдүгээр ботийн 60 ном, хоёрдугаар ботийн 75 номын үнэ нийлээд 4050 доллар. Хэрвээ нэгдүгээр ботид 15% хоёрдугаар ботид 10% -ийн хөнгөлөлт үзүүлбэл номуудыг 3555 доллараар авахаар бол боть бүрийн нэг хувь буюу нэг ном хичнээн долларын үнэтэй вэ?

Дэлгүүрээс 225 доллараар худалдан авсан хоёр ховор эдлэлийг зарахдаа 40% -ийн ашиг олжээ. Ингэхдээ нэгдүгээр эдлэлээс 25% харин хоёрдугаархаас 50% -ийн ашгийг олсон бол эдлэлүүдийг дэлгүүрээс авсан үнийг ол.