Онцгой нөхцлийг дуудсан кодийг try блок эсхүл онцгой нөхцлийг боловсруулах catch блокгүй try..catch бүтцэд байршуулсан бол систем тохирох боловсруулагчийг дуудалтын стект хайна. Жишээ нь

try
{
    TestClass.Method1();
}
catch (DivideByZeroException ex)
{
    Console.WriteLine($"Main арга дахь catch : {ex.Message}");
}
finally
{
    Console.WriteLine("Main арга дахь finally блок");
}
Console.WriteLine("Main аргын төгсгөл");
 
class TestClass
{
    public static void Method1()
    {
        try
        {
            Method2();
        }
        catch (IndexOutOfRangeException ex)
        {
            Console.WriteLine($"Method1 аргын catch: {ex.Message}");
        }
        finally
        {
            Console.WriteLine("Method1 аргын finally блок");
        }
        Console.WriteLine("Method1 аргын төгсгөл");
    }
    static void Method2()
    {
        try
        {
            int x = 8;
            int y = x / 0;
        }
        finally
        {
            Console.WriteLine("Method2 аргын finally блок");
        }
        Console.WriteLine("Method2 аргын төгсгөл");
    }
}

кодийг авч үзье.

Төлөв (State) бол дотоод нөхцлөөс хамааран обьект өөрийн төлөв байдлыг өөрчлөх боломж олгодог загварчлалын хэв.

Хэвийг хаана ашиглах

• Програмын явцад обьектын төлөв байдал түүний нөхцөл байдлаас хамааран динамикаар өөрчлөгдөж болох үед
• Обьектын аргын кодод олон тооны нөхцөлт бүтцийг ашигласан байхад тэдгээрийн сонголт обьектын тухайн үеийн төлвөөс хамаарах үед

Хэрвээ системийн өөрийн дотоод онцгой нөхцлийн төрлүүд тохиромжгүй бол бид өөрсдөө төрлүүд үүсгэж болно. Бүх онцгой нөхцлийн суурь класс Exception учраас өөрийн төрлийг үүсгэхдээ бид энэ классаас удамшуулна.  
Жишээ нь манай програмд насны хязгаарлалт байлаа гэе.

try
{
    Person person = new Person { Name = "Tom", Age = 17 };
}
catch (Exception ex)
{
    Console.WriteLine($"Алдаа: {ex.Message}");
}
 
class Person
{
    private int age;
    public string Name { get; set; } = "";
    public int Age
    {
        get => age;
        set
        {
            if (value < 18)
                throw new Exception("18 нас хүрээгүй бол бүртгэл хаалттай");
            else
                age = value;
        }
    }
}

Person классийн age шинжид утга олгохдоо шалгалт хийн нас 18 -аас бага бол онцгой нөхцлийг үүсгэнэ.

Давталт (Iterator) паттерн нийлмэл обьектын бүх элементүүдэд тэдгээрийн дотоод бүтцийг задлахгүйгээр хандах абстракт интерфейсийг тодорхойлдог. C# хэл дээр програм зохиогчид массив эсхүл коллекцийн обьектуудыг татан авдаг foreach циклтэй ажиллаж үзсэн байх. Энэ үед коллекцийн нийлмэл классуудад өөрийн бүтэц ба төлвөөрөө ялгаатай олонлог оршиж байдаг. Коллекцийг foreach -р гүйлгэн обьектуудыг авах боломжийг олгож байгаа түлхүүр хэрэгсэл бол давталт хэв буюу энгийнээр хэлбэл IEnumerable , IEnumerator хоёр интерфейс юм.

Тодорхой нөхцөлд жишээ нь тоог тэгд хуваах гэх мэт тохиолдолд систем өөрөө онцгой нөхцлийн генерацийг хийдэг. Гэхдээ C# хэл throw оператороор онцгой нөхцлийг гараар үүсгэх боломжийг олгодог. Өөрөөр хэлбэл throw оператороор бид өөрсдөө онцгой нөхцлийг үүсгэн түүнийг програмийн ажиллагааны үед дуудаж болно гэсэн үг.

Шаблоны арга (Template Method) хэв дэд классуудад алгоритмын бүтцийг өөрчлөхгүйгээр зарим алхамуудыг дахин тодорхойлох боломж олгосон ерөнхий алгоритмыг тодорхойлдог.

Хэвийг хаана ашиглах

• Цаашид дэд классуудад алгоритмын бүтцийг өөрчлөхгүйгээр түүний зарим шатуудыг дахин тодорхойлох төлөвлөгөөтэй байх үед
• Төстэй алгоритмыг хэрэгжүүлж буй классуудад кодын давхардал үүсэхэд. Ерөнхий кодыг хэвийн аргад гарснаар дэд классуудад түүний давхардалыг бууруулна.

Бүх онцгой нөхцлүүдийн суурь бол Exception төрөл. Төрөлд онцгой нөхцлийн талаарх мэдээллийг авч болох хэдэн шинжийг тодорхойлсон байдаг. Үүнд:

• InnerException - үүссэн онцгой нөхцлийн шалтгаан болсон онцгой нөхцлийн тухай мэдээллийг хадгална.
• Message - алдааны мэдээллийг хадгална
• Source - онцгой нөхцлийг дуудсан обьект эсхүл багцын нэрийг хадгална
• StackTrace - онцгой нөхцлийг үүсгэхэд хүргэсэн дуудалтын стекийг мөр илэрхийллээр буцаана
• TargetSite - онцгой нөхцөл дуудагдсан аргыг буцаана

Команд (Command) хэв тодорхой үйлдэл гүйцэтгэх шаардлагыг тусдаа обьект хэлбэрээр хайрцаглах боломжийг олгодог. Үйлдэл гүйцэтгэх энэхүү шаардлагын обьектыг команд гэж нэрлэдэг. Ингэхдээ үйлдэл гүйцэтгэх шаардлагыг агуулсан обьектууд үйлдлийг гүйцэтгэх обьектуудаас салангид байдаг. Командуудад холбогдолтой мэдээллийг параметр хэлбэрээр дамжуулахын дээр тэдгээрийг дараалалд оруулах, дарааллаас хасаж болно.

catch блокийн тодорхойлолт

Онцгой нөхцлийн боловсруулалтыг хариуцах catch блок

catch
{
    // гүйцэтгэх үйлдлүүд
}

хэлбэртэй байна. Дээрх хэлбэрийн catch блок try блокт үүссэн бүх онцгой нөхцлийн боловсруулалтыг хийнэ. Харин онцгой нөхцлийн төрөлд тохирох боловсруулалтыг хийх catch блок

catch (онцгой_нөхцлийн_төрөл)
{
    // гүйцэтгэх үйлдлүүд
}

хэлбэрээр тодорхойлогдоно.

Ажиглагч (Observer) бол нэг -> олон (1->∞) харьцааг илэрхийлэх төлөв байдлын хэв. Энэ утгаараа ажиглагдах нэг харин ажиглагч олон обьектууд байдаг. Ажиглагдаж буй обьектын өөрчлөлтүүд ажиглагчдад автоматаар тараагдана. Нийтлэгч, бүртгүүлэгчийн харилцаа нь энэхүү хэвийн үйлдлийг тодорхойлдог болохоор бас Publisher-Subscriber (нийтлэгч - бүртгүүлэгч) гэж ч нэрлэдэг. Жишээ нь бүртгүүлэгч буюу хэрэглэгчид сайтаас цахим шуудангаар мэдээлэл авахаар бүртгүүлэгч болно.