Програмчлалын C# хэл хатуу төрөлжилттэй тул өгөгдөлтэй ажиллах үед null утга асуудал үүсгэх тохиолдол их. Үүнийг тооцолгүй бичигдсэн код бүр ажлын /production/ хувилбараар ажиллаж байхдаа алдаа өгөх тал бий. Кодийн тестийг хийхдээ тухайн хувьсагчид null утга олгогдох тохиолдолыг тооцохгүй байх нь ийм асуудал гарах үндсэн шалтгаан хэдий ч кодлогч энэ талаар өөрөө бодон кодлох хэрэгтэй.   

null -ийн шалгалт. Null guard /хамгаалагч/

Коддоо null утга авдаг өөрөөр хэлбэл nullable төрлийн хувьсагч болон параметрүүд ашиглах болбол NullReferenceException алдаа гарахаас сэргийлэн null -ийг шалгах хэрэгтэй. Жишээ нь

void PrintUpper(string? text)
{
    if (text!=null)
    {
        Console.WriteLine(text.ToUpper());
    }    
}

Дээрх кодод text параметр null -тэй тэнцүү биш бол мөрийн тэмдэгтүүдийг том үсэг болгох ToUpper() аргыг дуудна.

Модел-үзүүлбэр-контролер (model-view-controller) ухагдхуун 1970 оны сүүлээр гарч ирсэн. Энэ загвар Xerox PARC компаний Smalltalk төслийн үр дүн бөгөөд тухайн үедээ өмнө нь хийгдсэн байсан програмуудын хэрэглэгчийн графикийн интерфейсүүдийг зохион байгуулах хэлбэрээр гарч иржээ. Анхны MVC загварын зарим зүйлүүд Smalltalk төслийн дэлгэц, хэрэгслүүд гэх мэтийн тодорхой баримтлалтай холбоотой байсан ч илүү нэгдсэн ойлголтуудыг програмд ашиглаж байсан. Модел-үзүүлбэр-контролер паттерн веб програмчлалд маш сайн тохирдог тул ASP.NET фреймворкид загвар сайн хэрэглэгээг олсон. Гэхдээ бид энэ удаа хэвийг WPF -д ашиглахыг авч үзэх болно.
Хэвийг ерөнхийлөх талаас нь харвал бүтцийн MVC паттерн програмыг багаар бодоход 3 хэсэгт хуваана гэж ойлгож болно. Нэрнээсээ ч загвар програмыг Модел, Үзүүлбэр, Контролер гэсэн хэсгүүдэд хуваах нь харагдана.

Утгатай төрлийн хувьсагч болон параметрүүдэд null утгыг шууд олгож болдоггүйгээрээ холбоосын төрлөөс ялгаатай. Гэсэн хэдий ч утгатай төрлийн хувьсагч болон параметрүүдэд null утгыг олгох шаардлага гардаг. Жишээ нь өгөгдлийн сангаас тоон утга ирнэ гэсэн хүлээлттэй байтал өгөгдлийн сангийн талбар утгагүй байх. Өөрөөр хэлбэл өгөгдлийн санд утга байвал тоо үгүй бол null ирнэ гэсэн үг.

C# -д тоо, мөр гээд стандарт төрлийн утгуудаас гадна ямар нэгэн өгөгдөл, утга байхгүйг заах тусгай null утга гэж бий. Холбоосын төрлүүд анхдагч утгаар null утгыг авдаг. C# 8.0 хувилбар хүртэл бүх холбоосын төрлүүдэд null утгыг

string name = null;
Console.WriteLine(name);

олгож болдог байсан. Харин C# 8.0 хувилбараас холбоосын nullable төрөл (nullable reference types) болон холбоосын nullable төрлийг ашиглаж болох nullable aware context - буюу nullable-контекст ойлголтыг оруулсан.  
null утга авч болох холбоос төрлийн хувьсагч болон параметрийг тодорхойлохын тулд төрлийн нэрийн ард ? (асуултын тэмдэг) -ийг тавина. Жишээ нь

string? name = null;
Console.WriteLine(name);    // юу ч үзүүлэхгүй

Програмчлалын хэлийг судлаад код бичих нэг их хүнд биш. Харин сайн код бичнэ гэдэг нь хүндхэн асуудал. Хэлийг эхлэн суралцагсад код бичих дээр түлхүү анхаарсанаас болоод цэгцтэй, зохион байгуулалт сайтай, өргөжүүлэх болон дэмжлэг үзүүлэхэд хөнгөн буюу өөрөөр хэлбэл сайн код бичих тал дээр нэг их анхаардаггүй. Энэ нь программийн бүтээгдхүүний загварчлалтай илүү холбоотой зүйл юм. Манайхан програмийн загварчлал хийхгүйгээр асуудлыг кодлогчид шууд өгөөд хурдан хийлгэх гэдэг. Энэ нь эцэстээ зөвхөн ажилладаг л кодийг бичүүлэхэд хүргэдэг. Ийм кодийг цаашид хөгжүүлэх болон дэмжихэд нэн хүндрэлтэй буюу бараг боломжгүй болгодог. Иймээс програмчлалын хэлний боломжуудыг маш өргөн судлан мэдэхийг зөвлөе. Програмыг загварын дагуу кодлоход таниас тухайн хэлний боломжуудыг зөв оновчтой ашиглахыг шууд шаардах болно.

Класс ба структурт ердийн талбар, арга, шинжүүдээс гадна статик талбар, арга, шинжүүд байж болдог. Статик талбар, арга, шинжүүд бүх класс, структурт хамаарна. Классийн статик гишүүнд хандахдаа классийн хувийг үүсгэх албагүй.

Статик талбар

Статик талбар класс ба структурийн төлвийг хадгална. Статик талбаруудыг ердийн талбарууд шиг тодорхойлох ч талбарын төрлийн өмнө static түлхүүр үгийг тавьдаг.

Нийтлэлээр графикийн хэвүүдийн /GUI pattern/ түүхийг авч үзье. Боловсруулалтын графикийн хэвүүдийг 30 гаруй жилийн туршид боловсруулж байгаа бөгөөд энэ хугацаанд гарч ирсэн бүх хэвүүдийн талаар авч үзэх нь боломжгүй зүйл. Иймээс сүүлийн 30 жилд бий болсон үндсэн хоёр чиг хандлагын талаар авч үзээд энэхүү хоёр хандлага эцэстээ Silverlight ийн MVVM ба WPF паттерн болон хувирсанг харцгаая. Хэрвээ та графикийн хэвүүдийн түүхийн талаарх мэдээллийг сонирхож байвал Мартин Фаулерын - GUI Architectures нийтлэлийг уншаарай.

Хааяа өөр өөр параметрүүдийн багцтай нэг аргыг үүсгэх шаардлага гардаг. Ирсэн параметрүүдээс хамааран аргын тодорхой хэрэгжүүлэлтийг хэрэглэнэ. Ийм боломжийг аргын хэт ачаалал (method overloading) нэрлэдэг. overloading нэрийн хэт ачаалал орчуулга сайнгүй болсон байх талтай. Иймээс нэрийг overloading гээд тогтоогоод явах нь илүү ч байж болно.  
C# хэлэнд класст өөр өөр сигнатуртай /тодорхойлогч/ нэг ижил нэртэй олон аргыг үүсгэх боломжтой. Сигнатур гэж юу вэ? Сигнатур дараах зүйлүүдээс бүрдэнэ.

• Аргын нэр
• Параметрүүдийн тоо
• Параметрүүдийн төрлүүд
• Параметрүүдийн дараалал
• Параметрүүдийн модификаторууд

Гэхдээ параметрүүдийн нэрүүд сигнатурт орохгүй.

Програм зохиох бол нарийн төвөгтэй ажил. Ямар ч програмын хувьд өөрийн хийх ажлаа гүйцэтгэхийн чацуу цаашдаа хөгжих, ажлын хүрээнд шинээр гарч ирэх илүү нарийн асуудлыг шийдвэрлэх боломжтой илүү уян хатан байдлаар зохиогдсон байх хэрэгтэй. Хэрвээ та програмын төслийн ахлагч, зохион бүтээгчээр ажиллаж байсан бол програмын ажиллагааг цаашдаа дэмжих, үйлчилгээ үзүүлэх, өргөжүүлэн хөгжүүлэхэд цаг хугацаа хожихын тулд кодыг нэг удаа хэрхэн яаж бичихийг тодорхойлох хамгийн төвөгтэй асуудал гэдгийг мэдэрсэн байх.

C# -ийн класс, бүтцүүдэд ердийн аргуудаас гадна шинж гэж нэрлэдэг тусгай аргууд байдаг. Тэдгээр нь класс, структурийн талбарт хандах, утгуудыг авах, өөрчлөх боломжуудыг өгдөг.   

Шинжийн тодорхойлолт

Шинжийн стандарт тодорхойлолт

[модификатор] шинжийн_төрөл шинжийн_нэр
{
    get { шинжийн утгыг авахад хийгдэх үйлдлүүд}
    set { шинжийн утгыг тавихад хийгдэх үйлдлүүд}
}

байдаг. Шинжийн тодорхойлолтын эхэнд төрөл бүрийн модификаторууд тавигдаж болно. Тухайлбал хандалтын модификаторууд модификатор. Дараа нь шинжийн төрөл тэгээд шинжийн нэр байна. Шинжийн бүрэн тодорхойлолт get, set гэсэн хоёр блокийг агуулна.