Шатарт ихээр тохиолдох гараануудын нэг бол "Итал өрөг" байдаг. Бид Итал өрөгт хараар тоглох 1 хичээлээр энэхүү гараа хэрхэн эхэлдэг хараар тоглогч байрлалыг тэнцүүлэхийн тулд хэрхэн тоглох талаар үзсэн. Энэ хичээл бол Итал өрөгт хараар тоглох 1 хичээлийн үргэлжлэл тул та эхлээд өмнөх хичээлийг үзэхийг зөвлөе.

Хичээлээр бид шатар тоглох үед өргөн тохиолдох "Итал өрөг" гэж нэрлэгддэг гарааг авч үзнэ. 1. e4 e5 2. Мf3 Мc6 3. Тc4 Тc5 нүүдлүүдийн дараа Итал өрөг бий болно. /зураг 1/

Энэ удаагийн хичээлээр бид ноёны гамбитын Кизерицийн хувилбарын өөр нэгэн тохиолдлыг авч үзэх болно. Ингээд эхний нүүдлүүд бол хамгийн өргөн дэлгэрсэн хувилбар бөгөөд 1. e4 e5 2. f4 exf4 3. Мf3 g5 4. h4 g4 5. Мe5 Мf6 6. Тc4 d5 7. exd5 Тd6 8. d4 O-O 9. Тxf4 Мh5 10. g3 f6 11. Мxg4 Бe8+ гээд бидний үзсэн Ноёны гамбитын Кизерицийн хувилбар 1 хичээлийн байрлал үүснэ. Зургийг хар.

Энэ хичээлээр бид ноёны гамбитын хамгийн өргөн тархсан төрөл гэж болох Кизерицийн гамбитын хувилбартай танилцах болно. Кизерицийн гамбитыг практикт маш ихээр хэрэглэхийн дээр бүр их аваргуудын өрөгүүдэд ч тохиолддог. Хичээлээр бид ноёнгийн гамбитын үед цагаан тэнцвэртэй байдлын төлөө бүх хүчээрээ тэмцэх хэрэгтэй тохиолдолыг авч үзэх болно. Хэрвээ цагаан багахан хэмжээний алдаа гаргавал тэд их амархан хожигдолд хүрнэ. Учир нь орчин үеийн шатрын онолоор ноёнгийн гамбитад байдлыг тэнцвэржүүлэхийн тулд хар биш цагаан тоглох хэрэгтэй гэж үзэх болсон. Иймээс ноёнгийн гамбитыг уламжлалт өргүүдэд бага хэрэглэдэг болсон ч өрнөл их адармаатай байдаг учраас хурдан тоглолт, сонирхогчдын өрөгт мэдээжээр хэрэглэх боломжтой. Ингээд хичээлдээ орцгооё.

Энэ хичээлээр Моррагийн гамбитын хэдэн занганы талаар авч үзье. Хэрвээ та гарааны тухай эхний хичээл Моррагийн гамбит занга 1 - ийг уншсан бол 1. e4 c5 2. d4 c:d 3. c3 d:c 4. М:c3 нүүдлийн дараа Моррагийн гамбит үүсдгийг мэдсэн. Үүний дараа хоёр тал хэвийн үргэлжлэл болох 4. ... Мс6, 5. Мf3 d6 нүүдлийг хийсний дараа цагаан 6. Тc4 нүүдлийг хийгээд зурагт үзүүлсэн байрлал үүснэ.

Энэ хичээлээр сицил хамгаалалтын 1. e4 c5 нүүдлийн дараа үүсдэг Моррагийн гамбит хэмээх нэгэн гарааны талаар авч үзэцгээе. Сицил хамгаалалтын 1. e4 c5 нүүдлийн дараа цагаан талын үндсэн нүүдэл 2. Мf3 байдаг. Гэхдээ нилээд сонирхолтой үргэлжлэл бол 2. d4 юм. Хэрвээ 2. b4 гэж нүүвэл сицил гамбит болно. Энэ ч гэсэн гамбит боловч үүнийг Моррагийн гамбит гэдэг. Сицил гамбитаас ялгаатай нь энд илүү маневрийн шинжтэй тэмцэл өрнөн хүүгээ өгснөөр цагаан тал их биш гэсэн илүү санаачлагыг авах болно. Энэ хичээлээр эхлэн суралцагчид ихээр ордог гамбитын занганы хувилбаруудыг авч үзэх болно.

Өрсөлдөгчийн шатруудын харилцан ажиллагааг эвдэх тэдгээрийн хоорондын холбоог таслах зорилгоор тусгаарлах ба хаалт тавих тактикийн аргыг ашигладаг. Энэ аргыг хэрэглэсэн тал өрсөлдөгчийн алсын цохилт бүхий боднууд болон чухал нүднүүдийн хоорондын холбоог тасалдаг. Тусгаарлах ба хаалт тавих санаа нь нэг нэгтэйгээ их уялдаатай байдаг болохоор ихэнхдээ харилцан холбоотой байдлаар тохиолддог. Ихэнхдээ тусгаарлах аргыг хэрэглэсний дараа хаалт бий болдог. Энэ онцлогийг жишээгээр авч үзье.

Өрсөлдөгчийн лагерь дахь чухал нүд, хүү эсвэл боднуудыг хамгаалалтгүй болгохын тулд хамгаалагчийг устгах гэдэг тактикийн аргыг хэрэглэдэг. Өмнөх хичээлүүдээр үзсэн зарим аргууд нь энэ зорилгод хүрэхийн тулд өөр аргуудыг ашиглаж байсан гэдгийг уншигч та мэдэж байгаа. Жишээ нь хамгаалалтанд зогсож байсан шатрыг сатааруулах аргаар хамгаалж байгаа обьектоос холдуулан улмаар тухайн обьектыг дайрах.

Хааяа амжилттай дайралт хийхэд (диагналаар, босоо, хэвтээ) ямар нэгэн шугамыг эзлэн авах хэрэгтэй байдаг. Гэтэл энэ шугам дээр өөрийн ямар нэгэн шатар байрлан дайралтыг идэвхитэй өрнүүлэхэд саад болох талтай. Ийм тохиолдолд тухайн шатрыг шугамаас яаралтай холдуулах эсвэл нүд чөлөөлөх комбинацийн адилаар түүнээс хурдан салах хэрэгтэй. Шугам чөлөөлөх элементар жишээ нь Нээж дайрах комбинац юм. Нээж дайрахад хүү болон боднууд шугамаас холдсоноор тухайн талын шатруудын хөл нээгдэн эсрэг талын шатарт довтолж байсан бол энэхүү тактикийн аргын зорилго нь чухал шугамыг нээснээр түүгээр ашигтай ажиллагаа явуулан хэрэгтэй нүдийг эзлэн авах, дайралтын хүчтэй боднуудыг илүү идэвхитэй байрлалд шилжүүлэн аюултай дарамт үүсгэх явдал юм.

Түгжих комбинацийг үзэхдээ хааяа өөрсдийнх нь шатрууд өөрийн талд гай болдог тухай уншигч та мэдэж авсан байх. Энэ нь хамгаалалт хийж байгаа талын лагерт голчлон тохиолдож байсан. Иймэрхүү эвгүй байдалтай дайрч байгаа тал ч тулгарч болдог. Тэдний зарим шатрууд тухайн үед дайралт хийж байгаа шатруудад хэрэгтэй нүднүүдэд байрлан замд нь саад болох нь бий. Ийм тохиолдолд саад болж байгаа шатруудыг цаг алдалгүй тухайн нүднээс холдуулах эсвэл зүгээр л түүнээс салах хэрэгтэй. Ингэхдээ өрсөлдөгч хамгаалалтын арга хэмжээ авч амжихааргүйгээр саад болж байгаа шатрыг цаг алдалгүй шалаа өгөх, өөр шатарт довтлох, хаяа хийх гэх мэтээр темптэйгээр шилжүүлэх нь илүү сайн.