Нүд болон хэсгийг хуулах

Нүд болон хэсгийн өгөгдлийг хуулах нь электрон хүснэгттэй ажиллах ажиллагаанд хамгийн өргөн хэрэглэдэг үйлдлүүдийн нэг юм. Хуулах ажиллагааг

• Нэг нүдэнд дэх өгөгдлийг өөр нүдэнд хуулах
• Нэг нүдний өгөгдлийг тодорхой хэсгийн бүх нүдэнд хуулах
• Нэг хэсгийн өгөгдлүүдийг өөр хэсэгт хуулах
• Олон нүд болон хэсгийн өгөгдлүүдийг тодорхой хэсэгт хуулах

гэх мэтээр төрөл бүрийн зорилгоор ашигладаг.

Санамж: Хуулах үед анхдагч обьектын агуулгаас гадна түүний тайлбар (байгаа бол), формат, томьёо зэрэг нь бүгд хуулагдана. Хуулагдсан томьёоны холбоосуудыг шинэ хэсгийн байрлалтай зохицуулан бүгдийг програм автоматаар өөрчилдөг.

Энэ хичээлээр Excel програмыг ашиглах явцад бараг өдөр бүр тохиолддог асуудлуудыг авч үзнэ. Хүснэгтэд өгөгдлүүдийг хэрхэн оруулах тэдгээрийг засварлах аргуудаас гадна өгөгдөл оруулах ажиллагааг хөнгөвчлөх аргуудтай танилцана. Өгөгдөлтэй ажиллах ихэнх ажиллагаа нь эхлээд тэдгээрийн байрлах нүд эсвэл хэсгийг сонгохоос эхэлдэг. Нүд болон хэсгийг хэрхэн сонгох аргуудыг авч үзье.

Нүдийг сонгох

Нүдийг сонгон түүнийг идэвхижүүлэхэд дараах аргуудыг хэрэглэнэ.

• Сумтай товчнуудыг ашиглан хүснэгтийн курсор (заагчийг) нүдэнд байрлуулах
• Нүдэн дээр хулганы заагчийг аваачаад зүүн товчийг дарах. (зүүн даралт)
• Home -> Editing -> Find & Select товчийг дарна гарч ирэх цэснээс Go To командыг өгөх эсвэл <F5> товч эсвэл <Ctrl + G> хослолыг даран гарч ирэх Go To цонхны Reference талбарт нүдний хаягийг өгөөд дараа нь OK товчийг дарах

Нүд өргөн хар хүрээтэй болж түүний хаяг Name Box - т харагдана.

Цонхыг хуваах

Excel –д нэг хуудасны өөр хэсгүүдийг 2 буюу 4 хэсэгт гарган харах боломж байдаг. Цонхыг хуваах (split) ажиллагааны онцлогууд нь

• View -> Window -> Split товчийг дарахад идэвхитэй байгаа хуудас 2 эсвэл 4 хэсэгт хуваагдана.
• Цонхны хэсгүүдийн хэмжээг хулганаар чирэн өөрчилнө
• View -> Window -> Split товчийг дахин дарахад хуваалтууд байхгүй болно

Хуудсыг хамгаалах

Хуудсыг харагдахгүй болгох эсвэл янз бүрийн өөрчлөлт хийгдэхээс хамгаалж болно. Хуудсыг бусдын нүднээс нуухын тулд хуудасны хаяг дээр баруун даралт хийн гарч ирсэн цэснээс Hide командыг сонгоно. Олон хуудасыг харагдахгүй болгохын тулд <Shift> (зэрэгцээ орших) эсвэл <Ctrl> (зэрэгцээ бус орших) товчийг дарж байгаад сонголтоо хийгээд дээрх үйлдлийг хийнэ.

Санамж: Хүснэгтэд дор хаяж нэг харагдах хуудас байх ёстой гэдгийг санах хэрэгтэй. Хэрвээ хамгийн сүүлийн харагдаж байгаа хуудсыг нуух гэвэл Excel зохих мэдээллийг өгдөг.

Хуудсыг хуулах

Хуудсыг хуулан өөр хүснэгт эсвэл тухайн хүснэгтийн аль нэг хэсэгт тавьж болно. Хуудсыг хуулахдаа доорх аргуудыг хэрэглэнэ. Хуудасны нэр (хаяг) дээр баруун даралт хийгээд гарч ирсэн цэсээс Move or Copy цэсийг сонгоно. Move or Copy цонх нээгдэнэ.Хуудсыг шинэ эсвэл нээлттэй байгаа өөр хүснэгтэд хуулах хэрэгтэй бол To book (улаан) жагсаалтаас сонголт хийнэ. Сонгосон хүснэгтийн хуудаснуудын хаана байрлуулахыг Before sheet (хуудасны өмнө – хөх өнгөтэй) жагсаалтаас сонгоод Ok товчийг дарна. Create a copy гэсэн сонголтыг зөвлөсөн байх хэрэгтэй. Хуулах хуудсаа сонгоод <Ctrl> товчийг дарж байгаад хэрэгтэй хэсэг рүү чирэлт хийнэ. Энэ үед хулганы заагч нь нэмэх тэмдэг бүхий жижигхэн хуудас хэлбэртэй болно. Хэрвээ хуудсыг энэ аргаар өөр хүснэгт рүү хуулах хэрэгтэй бол эхлээд хүснэгтүүдийг цонхонд зохих ёсоор байрлуулсан байх хэрэгтэй. Цонхнуудын байрлалыг өөрчлөх хэсгийг хар.     Санамж: Хуудсыг өөр хүснэгт рүү хуулахад хоёр хүснэгт хоёулаа нээлттэй байх хэрэгтэй.

Хүснэгт нь хэд хэдэн хуудсыг (sheet) агуулж байх бөгөөд тэдгээрийн нэр нь хүснэгтийн цонхны доод хэсэгт харагдаж байдаг.

Юуны өмнө хуудастай ажиллахын тулд түүнийг идэвхижүүлэх хэрэгтэй. Үүний тулд хуудасны нэр дээр хулганы заагчийг аваачаад зүүн даралт хийхэд л хангалттай. Хэрвээ хэрэгтэй хуудас харагдахгүй бол хуудсыг гүйлгэн харах товчийг ашиглана. Хуудас хооронд шилжихдээ

• <Ctrl+PgUp> товчны хослолыг ашиглан идэвхитэй хуудасны өмнөх хуудаст
• <Ctrl+PgDn> товчны хослолыг ашиглан идэвхитэй хуудасны дараах хуудаст

Excel –д хүснэгтийг хамгаалах олон түвшингийн механизм байдаг. Та өөрийн хүснэгтийг доор дурдсан аргуудаар хамгаалж болно.

• Хүснэгтийг гадны хүн харахаас хамгаалах
• Хүснэгтийг (файл) даран бичихээс хамгаалах. (ижил нэртэй хүснэгтээр даран бичих)
• Хүснэгтийн бүтцийг хамгаалах. (Хүснэгт болон хуудастай хийх үйлдлийн хяналт)
• Хүснэгтийн цонхнуудыг хамгаалах. (Хүснэгтийн цонхны байрлал, хэмжээг өөрчлөлтийн хяналт)

Санамж: Хүснэгтийн хамгаалахад ашигласан нууц үгээ цаасан дээр бичиж найдвартай газар хадгалаарай. Хэрвээ нууц үгээ мартах эсвэл гээвэл та өөрийн хүснэгтийн хамгаалагдсан хэсэгт хандах боломжоо бүрмөсөн алдана гэдгийг анхаарах хэрэгтэй.

Цонхнуудын байрлалыг өөрчлөх    

Цонхнуудын хэмжээг өөрчлөн байрлалыг зөөх замаар бүх нээлттэй цонхнуудыг дэлгэцэнд харагдаж байхаар байрлуулж болно. Энэ үйлдлийг Excel –ийн өөрийн боломжийг ашиглан хийхийн тулд

1. Туузын View үеийг сонгоно
2. Window хэсгээс Arrange All товчийг дарахад Arrange Windows цонх нээгдэнэ.
3. Tiled, Horizontal, Vertical, Cascade гэсэн сонголтуудаас аль нэгийг нь сонгоод Ok товчийг дарна.

Энд Tiled – цонхнуудыг зэрэгцүүлэх, Horizontal – дээрээс нь доошоо (хэвтээ), Vertical – зүүнээс баруун тийш (босоо), Cascade – цонхнуудыг дээр дээрээс нь үелүүлэн байрлуулахыг заана. Цонхнуудыг байрлалыг цаашид ашиглах үүднээс хадгалж болдог.

Файлтай ажиллах нь ямарч програм хангамжийг ашиглах ажлын чухал хэсэг байдаг. Excel –ийн файлыг (document) ном (book) гэж нэрлэдэг. Энд Excel –ийн файлуудыг илүү үр дүнтэй ашиглах боломжийг бүрдүүлэн өгдөг аргуудтай танилцах болно.

Шинэ файл (хүснэгт) үүсгэх  

Excel програмыг ачааллахад Book1 гэсэн нэртэй хүснэгтийг автоматаар үүсгэдэг. Та хүснэгтийг анхнаас нь эхлэн зохиож байгаа бол эндээс эхэлж болно. Өөр хүснэгтийг нээсний дараа шинээр хүснэгт үүсгэх хэрэгтэй бол

• <Ctrl+N> хослолыг дарах
• Office товчийг дараад New командаар ороод Blank Workbook –ийг сонгоод дараа нь Create товчийг дарна

Та хүсвэл шинэ хүснэгт нээх командыг Quick Access Toolbar –д нэмэн өгч болно. Үүний тулд Quick Access Toolbar –ын баруун талд байгаа доошоо сумтай товчийг даран гарч ирэх цэсээс New (Шинэ) сонголтыг дарахад Quick Access Toolbar –д шинэ товч нэмэгдэн орно. Туузтай ажиллах хэсгийг хар

Excel 2007-гийн файлын форматыг Themes (шаблон) ашиглан хийж болдог. Themes (шаблон) гэдэг нь ажлын хүснэгтэд байрлах хүснэгт, диаграм, нүднүүд гэх мэт элементүүдийг нэгдсэн байдлаар хэвжүүлэхэд шаардлагатай фонт, өнгө, эффектүүдийн нэгдэл юм. Шинээр үүсгэж байгаа файлууд нь стандарт шаблоныг ашигладаг. Хэрэглэгч өөрөө шаблоныг өөрчлөх боломжтой. Шинэ шаблон сонгон авахад ажлын хүснэгтийн бүх элементүүд тухайн шаблоны дагуу автоматаар форматлагдана. Шаблон бүр нь дараах 3 хэсгээс бүрдэнэ.
Фонт. Шаблонд гарчигийн болон үндсэн хэсгийн гэсэн хоёр фонтыг ашигладаг. Тухайн ажлын хүснэгтэд ашиглагдаж байгаа фонтыг харахын тулд Home –> Fonts байрлах фонтын нэрний арын доошоо сум бүхий товчийг дарна.
Өнгө. Шаблонд нийтдээ 12 өнгийг ашигладаг. Ашиглагдаж байгаа өнгөний хослолуудыг Home –> Fonts –д байгаа Fill Color, Font Color зэрэгцээ байрлах доошоо сум бүхий товчийг даран харж болно.