Нэг ижил дөрвөн цамц цувнаас 8% -иар хямд. Тэгвэл ийм таван цамц цувнаас хэдэн хувиар үнэтэй байх вэ?

14 км -ийн урттай тойрог замын диаметрээр эсрэг орших хоёр цэгээс хоёр мотоциклчин нэг чиглэлд нэгэн зэрэг хөдөлжээ. Хэрвээ тэдний нэгийн хурд нөгөөгөөсөө 21 км/цаг -аар их бол хэдэн минутын дараа мотоциклчид эхний удаа зэрэгцэх вэ?

14 км -ийн урттай тойрог замын нэг цэг дээрээс ижил чиглэлд нэгэн зэрэг хоёр машин хөдөлжээ. 1 - р машины хурд 80 км/цаг байсан бөгөөд хөдөлснөөс хойш 40 минутын дараа 1 -р машин нөгөө машинаа бүтэн тойргоор түрүүлсэн бол 2 -р машины хурдыг ол. Хариуг км/цаг -аар илэрхийлнэ.

Төгсөх ангийханд. Бодлогыг бодож чадмааргүй санагдаж байвал математикийн хичээлээр шалгалт өгөх эсэхээ сайн бодолцоорой.

Сургуулийн үлгэрийн номын 25% -ийг уншив. Нэмж 6 хуудас уншихад 37,5% уншигдсан байв. Ном хэдэн хуудастай вэ?

Гэрлийн хурд 3·10⁸ м/с байдаг. Нарнаас 228 сая км зайд оршдог Ангараг гарагт нарны гэрэл хүрэхэд ямар хугацаа зарцуулагдах вэ?

Хоорондоо 30 км зайтай хоёр хотоос бие биеэ угтан хоёр явган аялагч явжээ. Хэрвээ нэгдүгээр аялагч хоёрдахь аялагчаас 2 цагийн өмнө гарвал тэд хоёрдахь аялагч гарснаас хойш 2,5 цагийн дараа уулзана. Хэрвээ хоёрдугаар аялагч нэгдүгээр аялагчаас 2 цагийн өмнө гарвал тэд нэгдүгээр аялагч гарснаас хойш 3 цагийн дараа уулзах бол аялагчдын хурдыг ол.

Жич: Эхлээд өөрөө оролдоод үзээрэй. Хүүхдээдээр бодуулаарай. Чадахгүй байвал уурлах хэрэггүй дээ. Хүүхдийнхээ сурлагад бага боловч анхаарахын тулд та өөрөө бэлтгэлтэй байх хэрэгтэй шүү. Тэгэхгүй бол нөгөө "Тэгшхэн бич, тэгшхэн бич" гэдэг онигоо л гэсэн үг.    

Эхний жуулчин дугуйгаар 16 км/цаг хурдтайгаар 1,5 цаг явсны дараа 1,5 цаг амраад замаа өмнөх хурдтайгаар үргэлжлүүлэн явжээ. Эхний жуулчин замд гарснаас хойш 4 цагийн дараа хоёрдугаар жуулчин мотоциклээр 56 км/цаг хурдтайгаар  түүний араас гарсан бол хоёрдугаар жуулчин эхний жуулчинг гүйцэх хүртэл тэд хичнээн замыг туулах вэ?

Жич: Хөдөлгөөний бодлогууд амьдралд ойр агуулгатай, хөнгөн байдаг тул хүүхдийг математикийг сонирхох, сэтгэн бодох чадварыг дээшлүүлэхэд маш сайн нөлөөлдөг тул эцэг эхчүүд хүүхдийнхээ хамтаар бодон үлгэрлэх сайхан боломж.

A, B зогсоол хоорондоо 103 км зайтай. A гаас B руу галт тэрэг гараад хэсэг зам туулаад саатсан тул B зогсоол хүртэлх үлдсэн зайг өмнөхөөсөө 4 км/цаг илүү хурдтайгаар туулжээ. B зогсоол хүртэлх үлдсэн зай саатах хүртлээ явсан замаас 23 км -ээр их бөгөөд саатлаас хойшхи замыг туулахдаа саатах хүртлээ туулсан замыг туулснаас 15 минутаар их хугацаа зарцуулсан бол галт тэрэгний анхны хурдыг ол.

Хоорондоо 40 км -ийн зайтай A, B хотуудаас явган ба дугуйтай зорчигчид бие биенээ угталцан нэгэн зэрэг хөдлөөд гарснаасаа хойш 2 цагийн дараа уулзжээ. Дараа нь тэд аян замаа үргэлжлүүлэн дугуйтай зорчигч A хотод явган зорчигч B хотод очсноос 7,5 цагийн өмнө очсон бол явган зорчигч ба дугуйчны хурдыг ол. Аялагчид замын туршид тогтмол хурдтай явсан гэж үзнэ.

Ачаа зөөгч хөлөг A цэгээс өглөөний 9 цагт голын урсгалыг сөрөн гараад B цэгт ирээд 2 цагийн дараа буцан A цэг рүү гараад тэр өдрийнхөө 19 цаг 20 минутад A цэгт иржээ. Зөөгч хөлгийн хурд бүх хугацааны туршид тогтмол харин голын урсгалын дундаж хурдыг 3 км/цаг гэж үзвэл онгоц хэдэн цагт B цэгт ирсэн бэ? A ба B цэгийн хоорондын зай 60 км.