Үйл явдлыг боловсруулах бол Javascript программын үндсэн үүрэг гэж үзэхэд бараг болно. Иймд хичээлийг сайн үзээд ойлгон авах хэрэгтэй. Нэг үйл явдал тухайн үйл явц болсон элементэд нөлөө үзүүлэхээс гадна түүний дээрх элементүүдэд бас үйлчилдэг. Энэ нь элементэд олон дараалсан HTML тег агуулагдаж байх тохиолдолд тег бүрд боловсруулагч тавихгүйгээр дээд түвшин буюу эцэг элементэд ганц боловсруулагч заагаад бүх үйл явцыг барихад их эвтэйхэн байдаг. Гурван элемент нэг нэгдээ орон байрласан тохиолдлыг авч үзье.

Үйл явдал (events) – гэдэг нь хэрэглэгчийн үйлдлийн үр дүнд хуудас болон цонхны байдалд гарсан өөрчлөлтийг мэдэгдэхийг хэлнэ. Хэрэглэгч хуудастай ажиилах явцад эсвэл  хуудасны төлөвт өөрчлөлт гарах үед үйл явдал буюу event үүснэ. Энэ нь хулганыг хөдөлгөх, хулганы товч дээр дарах, гараас текст оруулах зэрэг байж болно. Хуудасны төлөвт өөрчлөлт гарах гэдэгт хуудас, обьект эсвэл зураг ачааллах, хуудас дээр алдаа гарах, нэг элементээс нөгөө элементэд фокус шилжих гэх мэт байж болно.

JavaScript -д он сар өдөр болон цагтай ажиллахад зориулагдсан Date гэдэг тусгай обьект байдаг. Обьектыг JavaScript -ийн бараг бүх хувилбарууд дэмждэг болохоор түүний зохицох эсэхт санаа зоволтгүй ашиглах боломжтой. Ихэнх программчлалын хэлүүдийн адилаар JavaScript цаг хугацааг шууд утгаар нь биш Unix цаг тоолол буюу 1970 оны 1-р сарын 1 ний 0 цаг 0 минутаас хойш өнгөрсөн секундын тоо хэлбэрээр тооцдог. Утгын бүх хэсгүүд тэгээс эхэлсэн индекстэй байдгаараа Date обьект онцлогтой.

JavaScript –д массивыг обьект байдлаар үүсгэж болдог. Энэ аргаар массив үүсгэхэд конструкторт зөвхөн ганцхан тоон төрлийн параметр (массивын элементийн тоо) хэрэгтэй болно. Хэрвээ нэгээс илүү болон тоон бус төрлийн нэг параметр дамжуулбал эдгээрийг массивын элемент гэж үзэх бөгөөд хооронд нь таслалаар зааглана. Мөн түүнчлэн нэг ч параметр дамжуулахгүй байж болно. Тэгвэл хоосон массив үүснэ. Энэ обьектыг стандарт аргаар үүсгэнэ.

<массивын_нэр> = new Array(<элементийн тоо>);
<массивын_нэр> = new Array(<массивын элементүүд>);

Массив үүсгэх жишээнүүд

Математикийн тогтмолууд болон математик тооцоолол хийх аргууд болон шинжүүдийг агуулсан дотоод обьект юм. Array, Date обьектуудаас ялгаатай нь хуулбар үүсгэх боломжгүй. Иймээс Math обьектын хуулбар үүсгэх албагүй байдаг бөгөөд үүнийг хөрвүүлэгч өөрөө хийдэг. Жишээ нь 10 -аас квадрат язгуур авах хэрэгтэй боллоо гэхэд Math обьектын sqrt() аргыг шууд ашиглаж болно.

    var root = Math.sqrt(10);    //  10 -ын квадрат язгуур
    document.write("Math.sqrt(10) = " + Math.sqrt(10) + "<br />");

Обьектыг үүсгэх

String обьект нь энгийн тэмдэгтийн төрөлд харгалзах хэлний дотоод обьект юм. Обьект мөрийг шалгах, хэсгийг таслан авах, том жижиг үсгэнд шилжүүлэх гээд олон тооны аргуудтай. Энэ хичээлээр бид String обьектын ихээр хэрэглэдэг аргуудын талаар авч үзэх болно. String() конструктур нь анхны утгыг заан өгөх заавал байх шаардлагагүй параметртэй. Обьектыг үүсгэх жишээнүүд

var s = new String();
var head1 = new String("JavaScript хичээлүүд");

Тоог обьект хэлбэртэй болгоход ашиглагдана. Обьектын конструктор тоон обьектын анхны утга болох ердөө ганцхан параметр шаардана. Шаардлагатай бол Javascript обьектыг өөрөө үүсгэдэг тул Number обьектыг шууд утгаар үүсгээд байх нь ховор. Обьектын гол зориулалт бол шинжүүдийг нэг обьект болгох түүнчлэн Number(value) гэж дуудан утгыг тоо болгох юм.

JavaScript бол обьект хандлагатай хэл. Нөхцөл ба циклийн үйлдлүүд гээд хэлний үндсэн бүтцээс бусад бараг бүх боломжууд ямар нэгэн байдлаар обьектыг ашиглан хийгдэнэ. Зарим нэгэн тодорхой шийдлүүдийг жишээ нь HTML, XML гэх мэтийн хуудасны боловсруулалтыг хуудасны обьектын моделыг шууд ашиглах замаар хийдэг бол зарим зорилгод жишээ нь ердийн мөрийн өгөгдлүүдийг String обьектыг ашиглах гэх мэтээр. Обьект энэ бол өгөгдлийн хүнд төрөл. Гэсэн хэдий ч энэ ойлголтыг сайн ойлгохгүйгээр Javascript -ын хүч чадлыг гаргах боломжгүй. Энэ хичээлээр бид JavaScript -ын өгөгдлийн төрлийн нэг болох хэрэглэгчийн обьектын талаар авч үзнэ.

Массив гэдэгт компьютерын санах ойд байгаа нэг төрлийн өгөгдлүүдийн цуглуулгыг ойлгож болно. Массивыг ашигласнаар нэг нэрээр компьютерын санах ойн хаягт хандаж болно. Массивын элемент руу хандахдаа индексийг ашиглана. Ингэхдээ элементүүдийн дугаарлалтыг тэгээс эхэлнэ. Элементийн дугаар нь түүний индекс болох ба нийт элементийн тоо нь массивын хэмжээ байна. Массивыг зарлахдаа дөрвөлжин хаалтыг ашиглаж хаалтанд массивын элементүүдийг таслалаар тусгаарлан бичнэ. Жишээ нь

  var a;
  a=[3, 5, 8];

Функцын тухай ойлголт

Функц – гэдэг нь программын дурын хэсгээс дуудан ажлуулах боломжтой Javascript кодын хэсэг. Функцыг ашиглахын тулд түүнийг эхлээд тодорхойлох хэрэгтэй. Функц давтагдахгүй нэртэй байх ёстой. Нэр өгөх дүрэм нь хувьсагчийн нэрийг өгөх дүрэмтэй ижилхэн. Функцыг тодорхойлох бичлэг нь ерөнхийдээ доорх хэлбэртэй байна.

function <функцын нэр> ([<параметрүүдийн жагсаалт>])
{
     JavaScript оператор;
     JavaScript оператор;
     . . .
     JavaScript оператор;

     [return <Буцаах утга>]
}