Энгийн арга

Нүдэнд сонголт үүсгэх энгийн арга нь өгөгдөл бүхий баганы доод хоосон нүдэн дээр баруун даралт хийгээд гарч ирэх нэмэлт цэсээс Pick From Drop-down List сонголтыг хийх буюу эсвэл <Alt + доошоо сум> товчны хослолыг ашиглана. Хэрвээ өгөгдлөл бүхий багана сонголт үүсгэх нүдний хооронд нэг л хоосон нүд байхад энэ арга нь ажиллахгүй.

Хүснэгтийн нүдэнд оруулж байгаа өгөгдөл нь тодорхой нөхцлийг хангаж байвал тухайн нүдэн дэх(өнгөө өөрчлөх, үсгийн хэлбэр нь өөрчлөгдөх г.м) өгөгдлийн формат автоматаар өөрчлөгдөж байхаар хийхийн тулд нөхцөлт формат Conditional formatting –ыг ашигладаг.
Жишээ авч үзье. Сурагчийн улиралын дүн нь 85 буюу түүнээс дээш байвал ногоон, харин 60 аас 85 хооронд байвал цэнхэр, 60 аас доош байвал улаан өнгөөр бичигдэхээр хүснэгтийг форматлах хэрэгтэй болсон гэе.  
Ийм маягаар хүснэгтийг форматлахдаа бид нарийн төвөгтэй томьёог ашиглахгүйгээр нөхцөлт формат Conditional formatting –ыг ашиглан маш амархан хийх боломжтой. Үүний тулд эхлээд хүснэгтээ зохиогоод дараа нь өнгөө солих нүднүүдийг сонгоод

Excel -ийн стандарт форматад та өөрийн форматуудыг нэмэн оруулж болно. Үүний тулд хэрэглэгчийн формат ашиглах нүдийг сонгон аваад баруун даралт хийгээд Format Cells цэсийг сонгоно. Format Cells цонхны Number үеэс Custom -г сонгоод баруун хэсэгт гарах Type талбарт доорх хүснэгтийн сүүлийн баганад байгаа шаблонуудыг оруулан өгнө.

Бидэнд ямар нэгэн жагсаалт (жишээ нь хүнсний бүтээгдхүүн) байсан гэж үзье. Жагсаалт нь маш олон бичлэгтэйн дээр жагсаалтад нэг бүтээгдхүүний нэр нэгээс илүү орсон гэе. Давхардсан нэрсийг яаж хурдан ялган үзүүлэх вэ?

Excel -ийн Cell Comment хэрэгсэлийг ашиглан нүдний утганд тайлбарыг оруулж болно. Тайлбарыг нүдний утгыг тодорхой болгох эсвэл томьёоны гүйцэтгэж байгаа үүргийг хэрэглэгчид ойлгомжтой болгоход ашиглана.

Эрэмбэлэх үйлдлийн үр дүнд хүснэгтийн өгөгдлүүд сонгосон талбарын утгаар (нэг эсвэл хэд хэд байж болно) өсөх эсвэл буурах дарааллаар байрлалаа сольдог.

Санамж: Шүүлтүүр тавигдсан хүснэгтийг эрэмбэлэх ажиллагаанд зөвхөн харагдаж байгаа мөрүүд хамрагдах тул шүүлтүүрийг авсны дараа эрэмбэ алдагдана. Иймд эрэмбэлэх ажиллагааны өмнө хүснэгтийн бүх шүүлтүүрийг авсан байх хэрэгтэй.
Хүснэгтэд мөр нэмэгдэх эсвэл өөрчлөлт оруулсаны дараа эрэмбэлэх үйлдлийг дахин хийх шаардлагатай. Хүснэгтийг дахин эрэмбэлхийн тулд Design -> Sort & Filter -> Reapply товчийг дарна.

Нэг баганаар эрэмбэлэх

Хүснэгтийн өгөгдлүүдийг нэг баганы мэдээллийг үндэслэн эрэмбэлэхдээ

1. Эрэмбэлэх гэж буй баганы гарчигийн хэсэгт байгаа сумтай товчийг дарахад дэлгэцэнд шүүлт болон эрэмбэлэх ажиллагааны цэс гарч ирнэ.
2. Цэсийн дээд хэсэгт байрлах эрэмбэлэх параметрүүдээс сонголтоо хийн. Параметр нь эрэмбэлэж байгаа баганы төрлөөс (текст, тоо эсвэл он сар өдөр) хамаарна.

Эрэмбэлсэний дараа баганы гарчигийн хэсгийн сумтай товчинд эрэмбийн чиглэлийг заасан сумны дүрс нэмэгдэнэ. Энэ дүрс нь хүснэгт тухайн баганаар эрэмбэлэгдсэн гэдгийг заадаг.

Хүснэгтийн нэрийг програмаас (Table1, Table2 ...) нэгдсэн байдлаар өгдөг. Хэрвээ томьёоноос хүснэгтийн өгөгдөлд хандах хэрэгтэй бол түүний нэрийг илүү утга агуулсан (Жишээ нь SalesData) байдлаар өгөх хэрэгтэй. Excel програмаас хүснэгтэд олгосон нэрийг өөрчлөхдөө хүснэгтийн дурын нүдийг сонгоод Table Tools -> Design үеийг сонгоод Design -> Properties -> Table Name талбарт шинэ нэрийг оруулна. Хүснэгт болон баганы нэрийг өгөхдөө дараах дүрмийг баримтална.

• Нэр нь хүснэгтэд үүсгэн өгсөн бусад нэрүүдээс ялгаатай байхын зэрэгцээ Excel -д нэрийг олгох дүрмийг баримтална. (Нэрийг ашиглах хичээлийг үз)
• Баганы нэр нь хүснэгтэд давхардаагүй (давтагдашгүй) байх ёстой. Тусдаа хүснэгтүүдэд ижил нэртэй багана байж болно.
• Хүснэгтийн болон баганы нэрийг өөрчлөхөд эдгээр нэрэнд хандсан томьёоны холбоосууд автоматаар шинэчлэгдэнэ.
• Хүснэгтэд шинээр мөр багана оруулах эсвэл устгахад Excel програм нь хүснэгт болон баганад хандсан холбоосуудыг автоматаар шинэчилнэ.

Хүснэгттэй ажиллах явцад шинээр мөр багана оруулах, ашиглахгүй болсон мөр баганы устгах зэрэг ажлууд их гардаг.

Хүснэгтэд мөр нэмэх ба устгах

Хүснэгтэд мөр нэмэхийн тулд

• Байгаа мөрний (үр дүнгийн мөр ороод) дээр шинээр мөр оруулах хэрэгтэй бол тухайн мөрний аль нэг нүдэнд баруун даралт хийхэд гарч ирэх цэсээс Insert -> Table Rows Above командыг өгнө. Өгөгдлийн мөрнүүдийн хамгийн доод мөрөнд баруун даралт хийн тухайн мөрний дээр болон доор мөрийг оруулж болно.
• Хүснэгтийн мөрөнд өгөгдөл оруулаад багана хооронд шилжихдээ <Tab> товчийг ашиглаж байвал Excel програм нь өгөгдлийн мөрнүүдийн хамгийн доод мөрний баруун талын баганаас шилжих <Tab> товчийг дарахад хүснэгтэд шинээр мөр оруулна.
• Өгөгдлийн мөрүүдийн доор хоосон мөр байвал дурын нүдэнд өгөгдөл оруулахад түүнийг хүснэгтэд нэмнэ. Энэ үед хүснэгтийн форматын муж болон багануудын томьёонууд шинэ мөрийг тооцон шинэчлэгдэнэ.

Хүснэгтийг анхдагч хэлбэр (style) ашиглан үүсгэдэг. Хүснэгтэд тодорхойлогдсон өөр эсвэл өөрийн зохиосон хэлбэр ашиглаж болохоос гадна нүд болон баганы агуулгыг үндэслэн форматыг хэрэглэж болдог.

Хүснэгтэд шинэ төрлийг ашиглах

Гарчигийн мөр, өгөгдлийн мөр, үр дүнгийн мөр, эхний ба эцсийн багана зэрэг хүснэгтийн хэсгүүдийг нэг нь нөгөөгөөсөө хамааралгүйгээр тус тусд форматалж болно. Хүснэгтэд шинэ хэлбэрийг (style) ашиглахын тулд

1. Хүснэгтийн дурын нүдэнд зүүн даралт хийгээд Table Tools -> Design үеийг сонгоно.
2. Design -> Table Styles дотроос шинэ хэлбэрийг сонгоно. Хэсгийн баруун талд байгаа дээш доош (дээд хоёр товч) сумтай товчнуудыг ашиглан хэлбэрүүдийг гүйлгэн харахаас гадна дээрээ зураас бүхий сумтай (доод талын товч) товч дээр даран хэлбэрүүдийг цонхоор харж болно. Хэлбэрийг урьдчилан харахын тулд түүн дээр хулганы заагчийг байрлуулах ба сонгох бол зүүн даралт хийнэ.
3. Хүснэгтийн хэлбэрийн нэмэлтээр Design -> Table Style Options доторх параметрүүд дээр зүүн даралт хийн зөвлөх тэмдэгийг авах тавих замаар ашиглаж бас болно.

Өгөгдөлд шүүлт тавих нь хүснэгтийн өгөгдлийг боловсруулах ажиллагаанд хамгийн их ашигладаг үйлдэл юм. Их хэмжээний өгөгдөл бүхий хүснэгтийг ямар нэгэн нөхцлийн дагуу дэд хэсгүүд болгон харах судалгаа хийх шаардлага их гардаг. Хүснэгтийг үүсгэсний дараа баганы гарчигийн баруун талд шүүлтүүр ба эрэмбэлэх сум бий болдог. Хүснэгтэд шүүлтүүр тавьсаны дараа төлөвийн мөрөнд шүүлтүүрт тохирч байгаа мөрийн тоог үзүүлнэ.

Санамж: Шүүлтүүрийг Excel -ийн стандарт нүднүүдийн хэсэгт (зөвхөн хүснэгт биш) ч хэрэглэж болдог. Шүүлтүүр тавих хэсгээ сонгоно аваад Home -> Editing -> Sort & Filter товчийг дараад гарч ирсэн цэснээс Filter -г сонгоно. Ингэхэд гарчигийн мөрөнд шүүлтүүрийн товч (сум) бий болох бөгөөд түүнд даран шүүлтийг удирдана. Хуудас нь шүүлтүүрийн зөвхөн ганцхан хэсгийг агуулдаг бол хүснэгт бүр нь өөрийн шүүлтүүрийн тохиргоотой байж болдог.