Хүснэгтийг ашигласнаар өгөгдөлд судалгаа хийх ажлыг хөнгөвчлөөд зогсохгүй тайланг мэргэжлийн түвшинд зохиох бололцоо бүрдэнэ. Хүснэгтэд өгөгдлийг гараар оруулахаас гадна тухайн хүснэгтийн хуудаснаас, өөр хүснэгтээс (файл) эсвэл гадаад эх үүсвэрүүд (текстэн файл, XML файл, өгөгдлийн сан, интернет г.м) -ээс татан авч болно.
Excel - ийн өмнөх хувилбаруудын жагсаалт гэдэг ойлголтыг хөгжүүлсэнээр Excel 2007 - д хүснэгттэй ажиллах боломж нэмэгдсэн. Excel 2007 - д хүснэгтийн өгөгдлүүдэд судалгаа хийх тайланг мэргэжлийн түвшинд бэлтгэх боломжийг бүрдүүлсэн хэрэгслүүд орж ирсэн. Жишээлбэл өгөгдлийг эрэмбэлэх, шүүлтүүр тавих хэрэгслүүд маш энгийн болсон, хүснэгтийг стандарт хэлбэрүүдийг ашиглан форматлах, үр дүнгийн мөрийг нэмэх, хүснэгтийг үндэслэн диаграм болон нэгдсэн хүснэгтийг зохиох гэх мэт болно.

Хүснэгтийг үүсгэх

Хүснэгтийг үүсгэхэд гарчигийн мөртэй өгөгдлийн хэсэг шаардлагатай. Гарчигийн мөргүй бол түүнийг нэмэн өгнө. Ерөнхий тохиолдолд гарчигийн мөр байхгүй байсан ч болно. (хүснэгтээ үүсгээд дараа нь засварлаж болдог) Хүснэгтийг нүднүүдийн хэсгийг ашиглан үүсгэхдээ

Диаграмын элементүүдийг өөрчлөх нь Excel -ийн бусад элементүүдийг өөрчлөх ажиллагаатай ижлээр хийгдэнэ. Эхлээд диаграмын элементийг сонгоно. Дараа нь сонгосон хэсэгт хийгдэх үйлдлийн командыг ажиллуулна. Диаграмын муж дээр зүүн даралт хийн түүнийг идэвхижүүлнэ. Диаграмын элементийг сонгохдоо доорх аргуудаас аль нэгийг ашиглана.

• Диаграмын элемент дээр зүүн даралт хийнэ. Хэрвээ элемент нь өгөгдлийн цуваа байвал зүүн даралт хийсний дараа цуваануудын бүх цэгүүд сонгогдоно. Зүүн даралтыг дахин хийвэл нэг цуваа нь сонгогдоно.
• Диаграмыг идэвхижүүлнэ. Дээш доош сумаар диаграмын элемент хооронд шилжинэ. Өгөгдлийн цуваа хооронд баруун зүүн сумыг ашиглан шилжилт хийгдэнэ.
• Диаграмыг идэвхижүүлнэ. Chart Tools -ын Format -> Current Selection -> Chart Area жагсаалтаас элементийг сонгоно

Диаграмыг үүсгэсний дараа элементүүдийг засварлах нэмэн оруулах боломжтой.

Диаграмд легенд (legend) оруулах өөрчлөх

Легенд (legend) гэдэг нь текст ба түлхүүрээс (цувааг тодорхойлсон жижигхэн зураг) бүрдсэн диаграмын өгөгдлийн цувааны зориулалтын тайлбар юм. Диаграмыг үүсгэх үедээ легендийг агуулсан макетыг сонгон авч болох ба хэрвээ макет нь элементийг агуулаагүй бол дараа нь нэмэн оруулж болно. Үүний тулд

1. Диаграмыг идэвхижүүлээд Chart Tools -ын Layout үеийг сонгоно.
2. Layout -> Labels -> Legend товчийг дарахад гарч ирэх цэснээс сонголтоо хийхэд диаграмд легенд нэмэгдэнэ.

Диаграмын элементүүдийг их олон аргаар өөрчлөх боломжтой. Бүх хэрэгцээт өөрчлөлтүүдийг Format диалогийн цонхонд хийж болох ба сонгосон элементээс хамаарч цонхы тохиргоонууд өөр өөр байдаг. Диаграмын элементийг өөрчлөхийн тулд

1. Элементийг сонгоно
2. Format диалогийн цонхыг доорх аргуудын аль нэгийг ашиглан нээнэ.
• Chart Tools нэмэлт үеийн Format -> Current Selection -> Chart Elements задаргаат жагсаалтаас диаграмын элементийг сонгоод жагсаалтын доор байгаа Format Selection товчийг дарна.
• Форматлах элемент дээр баруун даралт хийн гарч ирэх цэснээс Format элементийн нэр -г сонгоно. Энд элементийн нэр - диаграмын сонгосон элементийн нэр байна. Жишээ нь Chart Title, Axis, Legend г.м
• <Ctrl + 1>  хослолыг дарна.
3. Format диалогийн цонхны зүүн хэсгээс өөрчлөх опцийг сонгоход баруун хэсэгт параметрүүд гарч ирнэ.
4. Параметрүүдийг өөрийн шаардлагад нийцүүлэн өөрчилнө.
5. Цонхыг Close товчийг даран хаана.

Диаграмтай ажиллахын өмнө түүнийг идэвхижүүлэхийн тулд диаграм байгаа хуудсаа сонгоод дараа нь диаграмын хэсэгт зүүн даралт хийнэ. Ингэхэд Excel програм диаграм байгаа хуудасны дээд талд Chart Tools нэмэлт үеийг гаргах ба диаграмын хэсэгт хоёр даралт хийхэд Design үе нээгдэнэ.

Диаграмд шинээр өгөгдлийн цуваа нэмэх

Диаграмд шинээр өгөгдлийн цувааг нэмэхдээ

1. Диаграмыг идэвхижүүлээд Design -> Data -> Select Data товчийг дарахад Select Data Source цонх нээгдэнэ.
2. Select Data Source цонхны Add товчийг даран Edit Series цонхыг нээнэ.
3. Series Name талбарт цувааны нэрийг оруулах эсвэл цувааны (мөр эсвэл багана) нэрийг агуулж байгаа нүдийг сонгоно. Энэ талбарыг хоосон орхиж болно.
4. Series Values талбарт хуудас дээрх өгөгдлийн цувааны (нүднүүдийн) хэсгийг заан өгнө. Энд нэг нүдийг эсвэл нэг багана эсвэл нэг мөрийг заан өгөх хэрэгтэй.
5. Select Data Source цонхонд буцахын тулд Ok товчийг дарна. Одоо Legend Entries хэсэгт шинээр оруулсан өгөгдлийн цувааны нэр нэмэгдэн орно. Цонхны баруун хэсэгт цувааны төрлийн тэмдэглэгээг дугаарлан үзүүлсэн байдаг. Энд нэг их анхаарах хэрэггүй. Учир нь Excel шинэ цувааг диаграмд шинэ тэмдэглэгээ хийн оруулдаг.
6. Ok товчийг дарна.

Excel 2007 -д мэрэгжлийн түвшинд харагдахаар диаграм үүсгэх нь мэдэгдхүйц сайжирсан. Графикийг форматлах, макетлах төрөл бүрийн хэрэгслүүд нэмэгдсэн нь диаграм зохиох ажиллагааг хурдан болгон өгсөн. Диаграмыг үүсгэхийн тулд

1. Диаграмыг үүсгэх өгөгдлүүдийг сонгон авна. Ингэхдээ өгөгдлүүдийг тодорхойлж буй мөр болон баганы гарчигуудыг хамтад нь сонгоно.
2. Insert -> Chart хэсгээс диаграмын төрлийг сонгоход дэд төрлүүдийг сонгох цонх нээгдэнэ.
3. Дэд төрлийн зураг дээр хулганы заагчийг байрлуулахад түүний талаарх мэдээллийг дэлгэцэнд үзүүлнэ. Эндээс өөрийн хүссэн төрлөө сонгоход диаграмыг үүсгээд диаграмтай ажиллах нэмэлт (Chart Tools) үе (улаан хүрээтэй) нэмэгдэн түүний Design үе нь идэвхижсэн байна.
4. Диаграм дээрх элементүүд хүссэнээр байрлаагүй бол Design -> Chart Layouts хэсгээс өөр макетыг сонгоно. Макетуудын баруун байрлах (хөх хүрээтэй) сумуудыг ашиглан макетуудыг гүйлгэн харах эсвэл бүгдийг зэрэг харж болно. Макет бүр нь янз бүрийн элементүүдийг агуулсан байх ба хэрвээ нэр бүхий макетыг сонгосон бол нэрийн талбарыг сонгон нэрийг оруулж өгнө.
5. Шаардлагатай гэж үзвэл Design -> Chart Styles хэсгээс диаграмын хэлбэрийг сонгоно. Хэлбэрүүдийн баруун байрлах (шар хүрээтэй) сумуудыг ашиглан боломжит хэлбэрийг гүйлгэн харах эсвэл бүгдийг зэрэг харж болно. Хэлбэрүүд нь хүснэгтийн шаблон дээр үндэслэгдсэн байх тул шаблоныг солиход хэлбэрүүд өөрчлөгдөнө.

Диаграм - гэдэг нь хүснэгтэд байгаа тоон мэдээллийг графикаар үзүүлэхийг хэлнэ. Тоон мэдээллийг графикаар үзүүлэх нь тэдгээрийн утгуудад графикаас шууд харан дүгнэлт хийх боломжтой байдгаараа давуу талтай. Excel програм нь график үүсгэх их олон хэрэгслүүдийг ашиглах боломжийг хэрэглэгчид олгоно.

Диаграмын бүтэц

Диаграмыг зохиохоос өмнө түүний бүрдүүлэгч хэсгүүдтэй (элемент) танилцах нь зүйтэй. Диаграм зохиохдоо зөвхөн үзүүлж байгаа өгөгдлүүдийг хамгийн сайнаар илэрхийлэх элементүүдийг ашиглах хэрэгтэй. Хэтэрхий олон элементийг ашиглах нь диаграмын үзэмж болоод өгөөжид муугаар нөлөөлнө.
Хөндлөн тэнхлэг (2). Ихэнх диаграмд энэ тэнхлэг нь төрлийн тэмдэглэгээг үзүүлдэг. (дугаарлах зорилгоор ашиглаагүй дурын элементүүд) Жишээ нь сар, улирал, жил г.м Төрлүүдийг диаграмд ижилхэн хэсгээр үзүүлнэ. Диаграмд үндсэн болон туслах хөндлөн тэнхлэг байж болно.
Хөндлөн тэнхлэгийн гарчиг. Төрлүүдийн гарчгийг энд оруулж өгнө.

Excel програмын хэвлэх хүснэгтийг дэлгэц дээр урьдчилан харах боломжийг ашигласнаар танд цаг болон материалын хэмнэлт гаргана. Урьдчилан харах цонхыг нээхдээ Office -> Print -> Print Preview гэж орно.

Санамж: Page Layout горимоос хэвлэх ажиллагааны бүх боломж нээлттэй биш байдаг.

Хурдан хэвлэх

Хурдан хэвлэх сонголтыг хийхэд хэвлэлтийн стандарт тохиргоог ашиглан тухайн хуудсыг үзүүлнэ. Хэвлэлтийн стандарт тохиргоо нь

• Идэвхитэй эсвэл бүх сонгосон хуудсыг түүнд орсон зураг, диаграмыг оролцуулан хэвлэнэ.
• Нэг хувь хэвлэгдэнэ.
• Хэвлэгдэж байгаа мэдээлэл масштаблагдахгүй
• Дээд доод хязгаарын хэмжээ 0.75 см харин баруун зүүн хязгаарын хэмжээ 0.7 см байна.
• Дээд болон доод гарчигууд хэвлэгдэхгүй
• Олон хуудасаас бүрдсэн том хэмжээний жагсаалтыг эхлээд доод хуудасыг дараа нь дээд хуудасыг хэвлэнэ.
• Анхдагч (default) принтерийг ашиглана.

Хэвлэлтийн стандарт тохиргоо нь таны шаардлагад нийцэж байгаа бол Office -> Print -> Quick Print гэж ашиглана.

Дээд гарчиг (top header) гэдэг нь хэвлэгдэх хуудасны дээд хэсэгт гарах мөр. Доод гарчиг (footer) гэдэг нь хэвлэгдэх хуудасны доод хэсэгт гарах мөр. Гарчигууд зүүн, төв, баруун гэсэн хэсгүүдээс бүрдэнэ. Жишээ нь дээд гарчигийг зүүн хэсэгт нь зохиогчийн нэр, төв хэсэгт хуудасны гарчиг, баруун хэсэгт хуудасны дугаар гэх байдлаар зохион байгуулж болно.
Дээд доод гарчигийг оруулж өгөх энгийн арга нь Page Layout горимд шилжин оруулах юм. Page Layout горимд төлөвийн мөрний баруун хэсэгт байрлах Page Layout эсвэл View -> Workbooks Views -> Page Layout товчнуудын аль нэгийг даран шилжинэ.
Гарчигийн хэсэг нь дараах шинжүүдтэй.

• Дээд гарчиг нь өгөгдлийн хэсгээс дээш харин доод гарчиг нь өгөгдлийн хэсгээс доош байрлана.
• Хэрвээ гарчигууд хоосон байвал хэсгүүдийн төв хэсэгт (дээд хэсэгт Click to add header, доод хэсэгт Click to add footer) зохих мэдээллүүд гарна.
• Хулганы заагчийг гарчигийн зохих хэсэгт байрлуулбал энэ хэсгийн өргөний хэмжээг үзүүлэх бөгөөд зүүн даралт хийн түүнд өгөгдөл оруулж өгнө.
• Анхдагч тохиргоогоор хуудас бүрд дээд ба доод гарчиг ижилхэн байна
• Дээд доод гарчигт ямар нэгэн өгөгдөл оруулаагүй бол энэ хэсгийг хэвлэхгүй

Excel нь хуудас тусгаарлах (таслах) ажиллагааг автоматаар хийдэг. Хуудсыг хэвлэсэн эсвэл урьдчилан харсны дараа ердийн горимд хуудасны тусгаарлагч нь тасархай шугамаар харагдана. Хааяа хуудас дээрх тусдаа хэсгүүдийг тус тусд нь хэвлэх хэрэгтэй болдог. Ийм тохолдолд хуудасны тусгаарлагчийг хэвтээ эсвэл босоо чиглэлд өөрчлөх хэрэгтэй болдог.

Тусгаарлагчийн хүснэгтэд гараар оруулах

Хуудас тусгаарлах автомат горимыг болиулахын тулд нэг болон түүнээс их хуудас тусгаарлагчийг гараар оруулж өгөх хэрэгтэй. Хөндлөн тусгаарлагч тавихын тулд

1. Хүснэгтийн курсорыг (заагч) хуудас шинээр эхлэх мөрийн A баганы нүдэнд байрлуулна. Хэрвээ курсорыг A баганаас өөр баганад байрлуулбал хуудас тусгаарлагч оруулахад хөдлөн тусгаарлагчаас гадна босоо тусгаарлагч хамт үүсдэг.
2. Page Layout -> Page Setup -> Breaks гэж ороод гарч ирэх сонголтоос Insert Page Break -г сонгоно. Excel програм курсор байгаа нүдний дээгүүр хуудас тусгаарлагчийг оруулна.

Босоо тусгаарлагч тавихын тулд

1. Хүснэгтийн курсорыг (заагч) хуудас шинээр эхлэх баганы 1-р мөрийн нүдэнд байрлуулна. Хэрвээ курсорыг 1-р мөрнөөс өөр мөрөнд байрлуулбал хуудас тусгаарлагч оруулахад босоо тусгаарлагчаас гадна хөндлөн тусгаарлагч хамт үүсдэг.
2. Page Layout -> Page Setup -> Breaks гэж ороод гарч ирэх сонголтоос Insert Page Break -г сонгоно. Excel програм курсор байгаа нүдний зүүн талаар тусгаарлагчийг оруулна.