Геометрийн ухагдхуунуудын буруу болоод дутуу ойлголтоос үүдэн бодлого бодоход үүсдэг ихэнх асуудал урган гарч ирдэг. Бодлогын бодолтуудад ухагдхуун бүрийг тайлбарлаад байх төвөгтэй тул тэдгээрийг багцлан хичээл хэлбэрээр хүргэж байгаа болно. Шулууны шинжээр нэг хавтгай дээрх хоёр шулуун бие биетэйгээ нэг цэгт огтлолцон эсхүл паралелаар буюу огтлолцохгүйгээр байрлана гэдгийг Шулуун хичээлд үзсэн. Хичээлээр огтлолцсон шулуун гэж юуг хэлэх огтлолцлын хэлбэрийн тухай үзнэ.

Жич: Хүмүүс танхимын сургалт байгаа эсэх талаар их асуудаг. Манай сайтын хувьд танхимын сургалт байхгүй. Танхимын сургалт онлайн сургалтаас хэд дахин үнэтэйгээс гадна сайт дээрх хичээлүүдээс илүүг өгнө гэдэг юу л бол. Одоохондоо манай хүмүүс нэгэн кинонд гардаг шиг цаасан мөнгөний оронд зоосоо авна гээд байдагтай л адил онлайн сургалтад нэг сайн дасахгүй байх шиг. Яваандаа шинэ зүйлд дасаад ирэхээр яах гэж нэг ангид цуглардаг байсан юм болоо гэж л ярих байх. Иймээс шинэ зүйл рүү аль болохоор эрт орно өгөөжийг нь бусдаас түрүүлэн хүртэнэ гэдгийг баттай хэлье.

Үүнээс гадна яаж хурдан сурах талаар их асуудаг. Энэ бол цэвэр таниас хамаарах зүйл. Хэрвээ та машин техник байсан бол тархи, толгойг солиод бүгдийг мэддэг хүн болгож болох ч одоохондоо шийдэж чадаагүй ажил. Хамгийн гол зүйл таны хүсэл, зориг, тэсвэр, тэвчээр. Үүнд бэлтгэхэд сайтын үндсэн зорилго оршино. Хүн өөрөө нэг зүйлийг бие даан судлаад ойлгосны дараа хичнээн таашаал авдагийг та мэдрэх хэрэгтэй. Тун удалгүй бараг бүх зүйл түүний дотор хамгийн түрүүнд суралцах ажил бүгд онлайнд шилжинэ гэдгийг хүмүүс мэдэрсэн болов уу.

Шулуун дээр орших дурын цэгээс нэг зүгт байрлах шулууны хэсгийг цацраг гэнэ. Эндээс цацрагийг хагас шулуун ч гэж бас нэрлэдэг. Цацраг эхлэл болон чиглэлтэй байдаг. Цацраг эхлэж буй цэгийг цацрагийн эхлэл, эхлэлийн цэг эсхүл цацрагийн орой гэж хэлнэ. Эндээс цацрагт эхлэл байхаас төгсгөл гэж байдаггүй.

Зурагт үзүүлсэн гурван цацраг ерөнхий эхлэлтэй ч өөр чиглэлтэй. Аль ч цацрагийг O цэгээс гарсан цацраг гэж нэрлэж болно.

Геометрийн бодлогын нөхцөлд өгөгдсөн ухагдхуунуудыг мэдэхгүйгээр түүний шийдлийг олно гэж үгүй. Сурагчид геометрийн үндсэн ухагдхуунуудыг сайн ойлгоогүйгээс болоод бодлогын зургийг гаргаж чаддаггүй тул ихэнх бодлогыг бодож дийлдэггүй. Мэдлэгийн энэхүү хоосон зайг нөхөхөд туслах зорилгоор сайтад хавтгайн геометрийн ухагдхуунуудын тухай хичээлүүдийг нийтэлж байгааг хүлээн авна уу. Энэ удаад шулуун шугамын талаар ярилцая.

Ямар нэгэн муруйлт болоод өнцөггүй шугамыг шулуун шугам гэнэ.

Шулуун шугам хязгааргүй бөгөөд эхлэл, төгсгөлгүй. Иймээс цаасан дээр шулуун шугамын хэсгийг л зурдаг гэдгийг ойлгоорой. Геометрт шулуун шугамыг зүгээр л шулуун гэж нэрлэдэг.

Геометрийн ухагдхуунууд практикт ойр боловч сурагчид геометрийн бодлогын нөхцлийг ойлгон зураг гаргаж чадахгүй байх нь элбэг. Энэ нь бодлогын нөхцөлд өгөгдсөн ухагдхууныг зөв ойлгон аваагүйтэй шууд холбоотой асуудал. Иймээс сайтад хавтгайн геометрийн сэдвээр хичээлүүдийг бэлтгэн оруулах санаа төрлөө.

Цэг, шулуун, хэрчим, муруй, өнцөг, хугарсан шугам, тойрог, гурвалжин гэх мэтээр олон төрлийн геометрийн хавтгай дүрсүүд бий.

Дээрх зурагт үзүүлсэн дүрсүүдийг сайн ажиглавал эдгээрээс битүү шугамаар үүссэн тойрог, гурвалжин хоёрыг онцолж болохоор.

Шугам гэдэг нь бие биетэйгээ дараалан байрласан цэгүүдийн олонлогоор үүсэх геометрийн дүрс.
Ямар ч шугамыг тодорхой замаар шилжиж буй цэгийн хөдөлгөөний мөр гэж үзэж болно. Жишээ нь цаасан дээр харандаагаар дарвал түүний бал цаасан дээр цэг буюу мөрийг үүсгэнэ. Харандааг цааш цаасан дээгүүр хөдөлгөвөл хөдөлгөөний замаар бал бие биетэйгээ дараалан байрлах цэгүүдийн олонлогийг үүсгэснээр шугам зурагдана.
Геометрийн шугамд өргөн гэсэн ойлголт байдаггүй гэдгийг тогтоон аваарай.

Хавтгайн геометрийн дүрсүүдээс хамгийн өргөн ашигладаг дүрс бол гурвалжин. Гурвалжин түүний чанар, шинж, теоремуудыг сайн ойлгосон байхад ЕБС -ийн геометрийн бодлогуудыг бодоход ихээхэн хөнгөн болдог. Энэ удаа сурагчид сайн мэддэггүй гурвалжны гадаад өнцгийн тухай ойлголтыг танилцуулъя.
Гурвалжны гадаад өнцөг гэдэг нь гурвалжны дурын дотоод өнцөгтэй хамар өнцгийг хэлнэ.

Хавтгайн геометрийг зөв ойлгохын суурь бол түүний үндсэн ухагдхуунуудыг маш сайн ойлгосон байх юм. Үндсэн ухагдхууныг ойлгоогүй бол геометрийн бодлого, асуултыг ойлгон зураг гаргах, асуудлыг шийдэх зэргийг давна гэдэг хэцүү. Хичээлээр хавтгай болон геометрийн дүрсүүд ухагдхууныг авч үзье.

Хавтгай.

Хавтгай гэдэг нь орон зайд тэгш, гөлгөр, бүх тал руу хязгааргүй тархсан гадургуу юм.

Зурагт хавтгайн хэсгийг харуулсан болно.

Олон бодлого бодоод байвал математикт сайжирна гэсэн яриа хүмүүсийн дунд өргөн тархсан байдаг. Бодлого ихээр бодох нь техник талаасаа сайн нөлөөтэй болохоос математикийг ойлгодог болгоно гэдэг эргэлзээтэй. Онолын мэдлэгтэй байх нь ямарч хичээлийн хувьд үндсэн асуудал. Онолгүйгээр хол явахгүй гэж ярьдаг үүнийг хэлж байгаа юм. Энэ удаад Виетийн теоремийн тухай үргэлжлүүлэн авч үзье. Теорем гэдэг нь баталгаа шаардлагатай тодорхойлолт буюу нотолгоо. Өмнөх Виетийн теорем хичээлд жишээ болгон авч үзсэн гурван тэгшитгэлд теорем ажиллаж байгаа ч ямарч тэгшитгэлд адилхан ажиллана гэдгийг батлах хэрэгтэй. Теоремийг нээн олсон математикчид өөрсдөө батлаад түүнийг нь бусад нь хүлээн зөвшөөрсөн учраас математикт теоремоор бүртгэсэн хэрэг. Өнөөг хүртэл жишээ нь Фермагийн их теорем гэдэг нотолгоо батлагдаагүй, олон тооны интегралууд бодогдоогүй байсаар л байгаа. Хүн өөрийн дэвшүүлсэн санаа, нотолгоог баталснаар тэр нь теорем болно.

Хүмүүс математикийг зөвхөн тоотой холбон ойлгодогоос тоо бодлого, тооны хичээл гэж ч ярьж байдаг. Гэтэл тоо бодох нь зөвхөн математикт ч биш бүхий л хичээлд байдаг шүү дээ. Жишээ нь хими, фикик, түүх, газарзүй гэх мэтээр. Тэгэхээр бусад хичээлийн бодлого, тооцоонууд математикийн тооцоо биш болж таарах уу. Мэдээж үгүй бүхий л тооцоо, бодлогод математикийн ухаанд мөрддөг дүрмийг л ашиглана. Математик хүмүүст тоо бодох гэхээсээ илүү хийсвэрлэн сэтгэх, тунгаан бодох, ухан ойлгох чадварыг өгдөг. Иймээс л математикийн ухааныг бүх ухааны хаан гээд байгаа юм. Математикийн бүх зүйлүүд бие биетэйгээ нягт холбоотой, нэг нь нөгөөгөөс урган гардаг учраас буруу, худлаа зүйл байж болдоггүй нь түүнийг нэг талаас амархан нөгөө талаас хүнд хичээл болгодог.

Алгебрын суурь ухагдхууны нэг бол илэрхийллийг хялбарчлах байдаг. Өмнөх хичээлээр рационал бутархай гэж юу болох тэдгээрийг хялбарчилахад үржүүлэхийн хураангуй томьёог хэрхэн ашиглахыг сайн ойлгоогүй бол Рационал бутархайтай ажиллаж сурах I хичээлийг үзэхийг зөвлөе. Бодлого бодох суурь аргачлал илэрхийллийн хялбарчлал дээр тогтдог. Үүнийг сайн эзэмшээгүй үед ямарч бодлого танд хүндрэл үүсгэх бүрэн боломжтой. Иймээс хичээлийг анхааралтай сайн судлан ойлгон авахыг хичээгээрэй.

Нэг үзээд ойлгохгүй бол дахиад үз. Хэн ч таныг олон удаа үзлээ гэхгүй. Интернет сургалтын хамгийн том давуу тал энэ. Зарим хичээлийг үзэхийн тулд багахан төлбөр төлөх хэрэгтэйг Бүртгүүлэх, тусгай эрх нээлгэх нийтлэлээс үзээрэй.