Хавтгайн геометрийг зөв ойлгохын суурь бол түүний үндсэн ухагдхуунуудыг маш сайн ойлгосон байх юм. Үндсэн ухагдхууныг ойлгоогүй бол геометрийн бодлого, асуултыг ойлгон зураг гаргах, асуудлыг шийдэх зэргийг давна гэдэг хэцүү. Хичээлээр хавтгай болон геометрийн дүрсүүд ухагдхууныг авч үзье.

Хавтгай.

Хавтгай гэдэг нь орон зайд тэгш, гөлгөр, бүх тал руу хязгааргүй тархсан гадургуу юм.

Зурагт хавтгайн хэсгийг харуулсан болно.

Шугам гэдэг нь бие биетэйгээ дараалан байрласан цэгүүдийн олонлогоор үүсэх геометрийн дүрс.
Ямар ч шугамыг тодорхой замаар шилжиж буй цэгийн хөдөлгөөний мөр гэж үзэж болно. Жишээ нь цаасан дээр харандаагаар дарвал түүний бал цаасан дээр цэг буюу мөрийг үүсгэнэ. Харандааг цааш цаасан дээгүүр хөдөлгөвөл хөдөлгөөний замаар бал бие биетэйгээ дараалан байрлах цэгүүдийн олонлогийг үүсгэснээр шугам зурагдана.
Геометрийн шугамд өргөн гэсэн ойлголт байдаггүй гэдгийг тогтоон аваарай.

Геометрийн ухагдхуунууд практикт ойр боловч сурагчид геометрийн бодлогын нөхцлийг ойлгон зураг гаргаж чадахгүй байх нь элбэг. Энэ нь бодлогын нөхцөлд өгөгдсөн ухагдхууныг зөв ойлгон аваагүйтэй шууд холбоотой асуудал. Иймээс сайтад хавтгайн геометрийн сэдвээр хичээлүүдийг бэлтгэн оруулах санаа төрлөө.

Цэг, шулуун, хэрчим, муруй, өнцөг, хугарсан шугам, тойрог, гурвалжин гэх мэтээр олон төрлийн геометрийн хавтгай дүрсүүд бий.

Дээрх зурагт үзүүлсэн дүрсүүдийг сайн ажиглавал эдгээрээс битүү шугамаар үүссэн тойрог, гурвалжин хоёрыг онцолж болохоор.

Геометрийн бодлогын нөхцөлд өгөгдсөн ухагдхуунуудыг мэдэхгүйгээр түүний шийдлийг олно гэж үгүй. Сурагчид геометрийн үндсэн ухагдхуунуудыг сайн ойлгоогүйгээс болоод бодлогын зургийг гаргаж чаддаггүй тул ихэнх бодлогыг бодож дийлдэггүй. Мэдлэгийн энэхүү хоосон зайг нөхөхөд туслах зорилгоор сайтад хавтгайн геометрийн ухагдхуунуудын тухай хичээлүүдийг нийтэлж байгааг хүлээн авна уу. Энэ удаад шулуун шугамын талаар ярилцая.

Ямар нэгэн муруйлт болоод өнцөггүй шугамыг шулуун шугам гэнэ.

Шулуун шугам хязгааргүй бөгөөд эхлэл, төгсгөлгүй. Иймээс цаасан дээр шулуун шугамын хэсгийг л зурдаг гэдгийг ойлгоорой. Геометрт шулуун шугамыг зүгээр л шулуун гэж нэрлэдэг.

Шулуун дээр орших дурын цэгээс нэг зүгт байрлах шулууны хэсгийг цацраг гэнэ. Эндээс цацрагийг хагас шулуун ч гэж бас нэрлэдэг. Цацраг эхлэл болон чиглэлтэй байдаг. Цацраг эхлэж буй цэгийг цацрагийн эхлэл, эхлэлийн цэг эсхүл цацрагийн орой гэж хэлнэ. Эндээс цацрагт эхлэл байхаас төгсгөл гэж байдаггүй.

Зурагт үзүүлсэн гурван цацраг ерөнхий эхлэлтэй ч өөр чиглэлтэй. Аль ч цацрагийг O цэгээс гарсан цацраг гэж нэрлэж болно.

Геометрийн ухагдхуунуудын буруу болоод дутуу ойлголтоос үүдэн бодлого бодоход үүсдэг ихэнх асуудал урган гарч ирдэг. Бодлогын бодолтуудад ухагдхуун бүрийг тайлбарлаад байх төвөгтэй тул тэдгээрийг багцлан хичээл хэлбэрээр хүргэж байгаа болно. Шулууны шинжээр нэг хавтгай дээрх хоёр шулуун бие биетэйгээ нэг цэгт огтлолцон эсхүл паралелаар буюу огтлолцохгүйгээр байрлана гэдгийг Шулуун хичээлд үзсэн. Хичээлээр огтлолцсон шулуун гэж юуг хэлэх огтлолцлын хэлбэрийн тухай үзнэ.

Жич: Хүмүүс танхимын сургалт байгаа эсэх талаар их асуудаг. Манай сайтын хувьд танхимын сургалт байхгүй. Танхимын сургалт онлайн сургалтаас хэд дахин үнэтэйгээс гадна сайт дээрх хичээлүүдээс илүүг өгнө гэдэг юу л бол. Одоохондоо манай хүмүүс нэгэн кинонд гардаг шиг цаасан мөнгөний оронд зоосоо авна гээд байдагтай л адил онлайн сургалтад нэг сайн дасахгүй байх шиг. Яваандаа шинэ зүйлд дасаад ирэхээр яах гэж нэг ангид цуглардаг байсан юм болоо гэж л ярих байх. Иймээс шинэ зүйл рүү аль болохоор эрт орно өгөөжийг нь бусдаас түрүүлэн хүртэнэ гэдгийг баттай хэлье.

Үүнээс гадна яаж хурдан сурах талаар их асуудаг. Энэ бол цэвэр таниас хамаарах зүйл. Хэрвээ та машин техник байсан бол тархи, толгойг солиод бүгдийг мэддэг хүн болгож болох ч одоохондоо шийдэж чадаагүй ажил. Хамгийн гол зүйл таны хүсэл, зориг, тэсвэр, тэвчээр. Үүнд бэлтгэхэд сайтын үндсэн зорилго оршино. Хүн өөрөө нэг зүйлийг бие даан судлаад ойлгосны дараа хичнээн таашаал авдагийг та мэдрэх хэрэгтэй. Тун удалгүй бараг бүх зүйл түүний дотор хамгийн түрүүнд суралцах ажил бүгд онлайнд шилжинэ гэдгийг хүмүүс мэдэрсэн болов уу.

Нэг хавтгайд байрлах хоёр шулууныг хичнээн ч үргэлжлүүлсэн бие биетэйгээ огтлолцохгүйгээр байрласан бол тэдгээрийг паралел шулуунууд гэдэг.

Шулуунууд паралел гэдгийг заахдаа || тэмдэгтийг ашигладаг. Иймээс бичлэгийг AB шулуун CD шулуунтай паралел, a шулуун b шулуунтай паралел гэж уншин ойлгож сураарай.

Нэг шулуун дээр орших хоёр цэгээр хязгаарлагдсан шулууны хэсгийг хэрчим гэнэ. Хэрчмийн хязгаарыг тодорхойлох цэгүүдийг хэрчмийн төгсгөлүүд гэж нэрлэдэг. Хэрчмийн төгсгөлүүдийг цэгээр голдуу тэмдэглэдэг.

Хэрчмийг түүний төгсгөлүүдийн цэгүүдийг тэмдэглэн тавьсан латин том үсгүүдээр тэмдэглэнэ. Жишээ нь AB эсхүл BA

Хугархай эсхүл тахир шугам гэдэг нь нэг хэрчмийн төгсгөл нь дараагийн хэрчмийн эхлэл болсон дараалуулан холбосон геометрийн дүрс. Ийм холболтод зэрэгцээ орших буюу ерөнхий цэгтэй хэрчмүүд нэг шулуун дээр байрлах ёсгүй. Хэрвээ зэрэгцээ хэрчмүүд нэг шулуун дээр байвал эдгээр нь нэг хэрчим эсхүл хэрчмүүдийн нийлбэр болно гэдгийг Хэрчим хичээлд үзсэн.

Өнцөг гэдэг нь нэг цэгээс гарсан хоёр цацрагаар үүсэх геометрийн дүрс юм. Өөр хэлбэл ерөнхий эхлэлтэй хоёр цацрагийг өнцөг гэнэ. Өнцгийн бүрдүүлж буй цацрагуудыг өнцгийн талууд харин ерөнхий эхлэлийг өнцгийн орой гэдэг.

Тодорхойлолтыг ойлгохын тулд цацраг ухагдхуун -ы хичээлийг үзээрэй.

Жич: Хавтгайн геометрийн үндсэн ухагдхууныг ойлговол геометрийн бодлогыг бодоход хөнгөн. Иймээс Хавтгайн геометр багц хичээлүүдийг үзэхийг зөвлөе. Хичээлийг ойлголт бүрээр жижиг хэмжээтэй бэлтгэсэн тул судлахад хүндрэлгүй. Үндсэн ухагдхуунуудыг шууд цээжлэх гэж зүтгэлгүй бодлого бодохдоо тэдгээрийг ашиглан мартсан үедээ дахин эргэн харах байдлаар явбал аяндаа илүү сайн ойлгон тогтоон авдаг.

Өнцгийн хэмжээг олохыг түүнийг хэмжих гэнэ. Өөрөөр хэлбэл тухайн өнцөгт хэмжилтийн нэгжээр сонгон авсан хэмжээс хэд багтаж байгааг олно гэсэн үг.
Өнцгийг хэмжих нэгжээр ихэнхдээ градусыг хэрэглэдэг. Градус гэдэг нь дэлгэмэл өнцгийн 1/180 хэсэгтэй тэнцэх хэмжээс. Градусыг өнцгийн хэмжээг заасан тооны баруун дээд буланд 0 тэмдэгээр тавин тэмдэглэпэг. Жишээ нь 60⁰, 75⁰, 30⁰ гэх мэтээр

Геометрийг ойлгоход өнцөг ойлголт ихээхэн чухал. Бодлогын нөхцөлд өнцгүүдийн төрлүүд их орж ирдэг тул тэдгээрийг нэр, хэлбэр, шинжээр нь мэдэж байх хэрэгтэй. Өнцгүүд өөрийн хэмжээнээс хамааран тусдаа нэрүүдтэй.

Геометрийн ухагдхуунуудыг сайн ойлгохгүйгээр бодлогод тэдгээрийг ашиглах бараг боломжгүй тул Хавтгайн геометр хичээлийн багцыг үзэхийг зөвлөе.

Өнцөг, тэдгээрийн төрлүүдийг маш сайн ойлгосон байхыг зөвлөе. Өнцгүүд хэмжээнээсээ хамааран тодорхой төрлүүдэд хуваагдахын дээр харилцан байрлалаараа төрлүүдэд хуваагдаж болохыг Өнцгийн төрлүүд хичээлд үзсэн. Энэ хичээлэээр бодлогод ихээр ашигладаг хамар болон босоо өнцгүүдийн талаар үзэх болно.

Өнцгийн төрөл, оноосон нэр, харагдах байдал, шинж, чанарыг мэдэхгүй бол бодлогын нөхцлийг ойлгож чадахгүйгээс үүдэн таахаас өөр арга үлдэхгүйд хүрнэ. Шалгалт шүүлэгийг тест хэлбэрээр авч байвал таагаад азаа үзэж болох ч ам эсхүл бичгээр шалгагдвал дуугүй зогсох, хоосон цаас өгөхөөс өөр замгүй. Иймээс сайтад тавигдсан онолын хичээлүүдийг үзэхийг зөвлөе.

Хавтгайн геометрүүдийн үндсэн ухагдхуун, тодорхойлолт, оноосон нэрүүдийг мэдэхгүйгээс геометрийн бодлогыг бодох үед үүсдэг хүндрэлүүд гарч ирдэг. Бодлогын нөхцөлд медиан, гадаад өнцөг, өндөр, биссектрис гэх мэтээр ухагдхуунуудыг оноосон нэрээр нь шууд өгөхөөс өөр арга байхгүй. Хэрвээ эдгээрийн тодорхойлолтыг мэдэхгүй бол тухайн бодлогыг бодохгүй. Хариу нь өгөгдсөн тестийн хувьд таагаад өнгөрөх ч эндээс л өөрийгөө хуурах замаа эхэлж байгаа нь тэр гэж ойлгоорой. Иймээс сайтын хичээлүүдийг үзэн суурь ойлголтуудыг ойлгон авахыг зөвлөе.

Хавтгайн геометрт хамгийн өргөн хэрэглэдэг дүрс бол гурвалжин. Гурвалжны шинж чанарууд бараг бүх бодлогод орж ирдэг гэхэд хилсдэхгүй. Иймээс гурвалжны шинж, чанаруудыг сайн ойлгон тогтоон авбал цаашид их хэрэгтэйг зөвлөе.
Гурвалжин гэдэг нь гурван холбоосоос бүрдсэн хаалттай тахир шугам. Тодорхойлолтыг тахир шугам хичээлийг үзэн зөв ойлгон тогтоож аваарай.

Гурвалжингууд өөр хоорондоо өнцгийн шинж, талуудынхаа төрлөөр ялгагдах бөгөөд тус бүрдээ оноосон нэрүүдтэй байдаг. Геометрийн бодлогуудад гурвалжинг голдуу яг энэ нэрээр өгдөг тул эдгээрийг хэлбэр, дүрсээр нь сайн тогтоон авахыг зөвлөе.
Хавтгайн геометрийн дүрсийн тухай 7, 8 -р ангид үздэг тул сурагчид мартсанаас болоод бодлогын зургаас гурвалжингуудыг танихгүй байх тохиолдол гардаг. Хэрвээ гурвалжинг дүрсээр нь танихгүй бол тэдгээрийн шинж, чанарыг ашиглан бодлого бодох боломжгүй.

Хавтгайн геометрийн дүрсүүдээс хамгийн өргөн ашигладаг дүрс бол гурвалжин. Гурвалжин түүний чанар, шинж, теоремуудыг сайн ойлгосон байхад ЕБС -ийн геометрийн бодлогуудыг бодоход ихээхэн хөнгөн болдог. Энэ удаа сурагчид сайн мэддэггүй гурвалжны гадаад өнцгийн тухай ойлголтыг танилцуулъя.
Гурвалжны гадаад өнцөг гэдэг нь гурвалжны дурын дотоод өнцөгтэй хамар өнцгийг хэлнэ.

Гурвалжны төстэйн шинжүүдийг геометрийн ихэнх бодлогод өргөнөөр ашигладаг тул шинжүүдийг маш сайн ойлгон цээжээр мэддэг байх хэрэгтэй.
Төстэй гурвалжингууд гэдэг нь бүх өнцгүүд нь тэнцүү, нэг гурвалжны бүх талууд нөгөөгийнхөө төстэй талуудаас нэг ижил тоогоор урт эсхүл богино байх гурвалжингуудыг хэлнэ. Өөрөөр хэлбэл гурвалжингуудын бүх өнцгүүд тэнцүү ба төстэй талууд нь пропорционал бол тэдгээр нь төстэй гурвалжинууд.

Хаалттай тахир шугаман дүрсүүд периметр, талбайтай байдаг. Гурвалжин ч хаалттай тахир шугамаар үүсдэг дүрс тул хичээлээр гурвалжны периметр, талбайн талаар авч үзье.

Жич: Геометрийн бодлогод периметр, талбайг ол гэсэн нөхцөл байхаас тухайн ухагдхуун гэж юу болох хэрхэн тооцохыг та өөрөө мэдэж байхыг шаардана. Ухагдхууныг мэдэхгүй, яаж тооцохыг мэдэхгүй бол бодлогыг бодохгүй л гэсэн үг.

O төвтэй k коэффициенттэй гомотет гэдэг нь дүрсийн P цэг бүр гэсэн P₁ цэгээр илэрхийлэгдэх хувиргалт юм.
Гомотет бол төстэй хувиргалт. Хувиргалтаар төстэй дүрсүүд үүсдэг. Өөрөөр хэлбэл харгалзах өнцгүүд нь тэнцүү талууд нь пропорционал дүрсүүд үүснэ гэсэн үг.

Хичээлд хавтгайн геометрийн бодлого бодоход чухал хэрэгтэй гурвалжны биссектрисийн нэгэн чанарыг авч үзье. ABC гурвалжны B оройгоос түүний эсрэг орших AC тал дээрх D цэгт биссектрисийг буулгая.

Пифагорийн теорем бол геометрийн бодлогод хамгийн ихээр ашиглагддаг теорем тул ихэнх сурагчид теоремийг сайн мэддэг. Хичээлээр теоремийн баталгаа болон Пифагорийн урвуу теоремийн талаар авч үзье. Пифагорийн теоремийн баталгааг мэдэж байх шаардлага байхгүй ч танин мэдэхүй болон ерөнхий мэдлэгийн хүрээнд танилцан ойлгох нь чухал. Энэхүү теоремийг их сургуулийн математикийн ангийн оюутнуудаар батлуулах даалгавар өгөхөд ихэнх нь чадахгүй байсан тохиолдол байдаг л юм даа.

Зөвлөмж: Ирээдүйд сургалтын үндсэн арга онлайн буюу интернет технологт суурилана гэдэг нь нэгэнт тодорхой болсон. Теле болон DVD, Flash гэх мэт зөөгч дээрх хичээлүүд өгөөж сайнгүй гэдгийг сүүлийн хоёр жил харуулсан. Хичээлийг судлан Пифагорийн теоремийн баталгааны ерөнхий логикийг ойлгож чадвал та онлайн сургалтаар өөрийгөө хөгжүүлэх боломж байна гэж үзээрэй. Нэг үзээд ойлгохгүй бол дахиад үзээрэй. Эцэст нь хичээлийн материалийг бүрэн ойлгоно гэдэгт бүү эргэлзээрэй. Материалийг бүрэн ойлгосны дараа Пифагорийн теоремийг өөр аргаар батлах гээд оролдоорой.

Дүрсийг бүрдүүлж буй битүү тахир шугам дээрх бүх цэгүүд нэг цэгээс ижил зайнд орших геометрийн дүрсийг тойрог гэдэг. Тойргийн бүх цэгүүдээс ижил зайн орших цэгийг тойргийн төв гэж нэрлэдэг. Тойргийн төвийг латин том O үсгээр голдуу тэмдэглэдэг.

Зургаас тодорхойлолтыг илүү ойлгон авахыг хичээгээрэй.

Тойрог болон шулуунуудын харилцан байршлаар огтлогч, шүргэгч гэсэн чухал ухагдхуунууд үүсдэг. Эдгээрийг сайн ойлгон шинжүүдийг мэдэж байхад тойрогтой холбоотой олон тооны бодлогыг шийдэх суурь болдогийг сануулъя. Хавтгайд тойрог болон шулуунууд огтлолцон эсхүл огтлолцохгүйгээр байрлах боломжтой.

Тойрогийн төв O -гоос m шулуун хүртлэх зай OA перпендикулярийн урттай тэнцүү. Эндээс тойргийн төвөөс шулуун хүртлэх зай нь тойргийн төвөөс шулуунд буулгасан перпендикулярийн урттай тэнцэнэ. Энэ зайнаас хамааран тойрог шулууны байрлалыг тодорхойлох боломжтой.

Хоёр тойрогийн харилцан байршлыг тэдгээрийн радиусууд R, r болон төв хоорондын зай d гээр харьцуулан тодорхойлохыг авч үзье. Тодорхой байх үүднээс R≥r гэж үзье. Тойргууд харилцан байрших байрлалуудыг авч үзвэл

Тойргийн төвтэй давхцсан оройтой тойргийн хоёр радиусаар үүсэх өнцгийг тойргийн төв өнцөг гэдэг.

Зураг 1 -д тойргийн төв O болон AO, OB радиусуудаар үүссэн O оройтой хоёр төв өнцгийг үзүүлсэн. Төв өнцгийн дотоод хэсэгт орших нумыг тухайн төв өнцөгт харгалзах нум гэнэ. AOB төв өнцөгт A ба B төгсгөлтэй хоёр нум харгалзана. 2-р зураг.

Математик ямар хэрэгтэй талаар хүмүүс олон янзаар ярьдаг. Зарим хүмүүс математикийн хэрэглээг зөвхөн 4 аргын тооны хүрээнд хардаг боловч өөрөө математикийн шинжлэх ухааны ололт дээр суурилан бий болсон техник хэрэгслүүдийг угаасаа байсан мэтээр хэрэглэж байдаг. Гэтэл зарим нэг хэсэг нь математикгүйгээр болоод л ирсэн гэсэн зүйлийг ч ярьж байдаг. Энэ бол хүмүүсийн ойлголтын өнцгүүд. Харин сайн сурдаг сурагчид бүгд математиктаа бусдаасаа илүү байдагийг бүгд мэднэ. Яагаад ийм зүй тогтол байдагт өөрийн бодлыг хэлье. Зарим хичээлд муу байж болох ч математикт муу байж болохгүй. Математикт сайн бол бусад хичээлд муу байх үндэсгүй гэдгийг баттай хэлэх байна. Иймээс хичээл сурлагадаа сайжран, амжилтанд хүрье гэвэл математикийн хичээлээ сайн үзэн ойлгоорой. Тэгвэл бусад хичээлүүдэд аяндаа сайн болоод ирнэ. Туршаад үзээрэй.

Энэ удаад тойрогт багтсан өнцгийн талаар авч үзье. Математикийг зөвхөн тоо бодох хүрээнд ердөө харж болохгүй. Онолын мэдлэгт суурилан асуудлын шийдлийг олдог юм шүү.

Геометрийн тойрог, дугуй дүрсүүдийн ялгааг сайн ойлгодоггүй байх тохиолдол элбэг. Зарим сурагчид эдгээрийн ялгааг ойлгоогүйн улмаас бодлогын нөхцлийг ойлгохгүй бодох аргаа ч олохгүй байх тохиолддол гардаг. Тойрог, дугуйн ялгааг ойлгохын тулд эхлээд Тойрог хичээлийг үзэхийг зөвлөе.

Геометрийн хичээл математикаас илүү  хүнд гэж хүмүүс ярьдаг. Геометрт илүү олон тодорхойлолт, ойлголт, теоремууд орж ирдэгээс үүдэн ингэж үздэг байж болох талтай. Эдгээр нэмэлтүүдийг сайн ойлгоогүй бол геометрийн бодлогыг бодох ямарч боломжгүй. Иймээс Хавтгайн геометр хичээлийн багцыг үзэхийг хичээнгүйлэн зөвлөе.

Энэ хичээлд олон өнцөгтүүдийн тухай авч үзье. Огтлолцолгүй битүү тахир шугамаар хязгаарлагдсан геометрийн дүрсийг олон өнцөгт гэнэ.

Олон өнцөгтүүд дотоод ба гадаад өнцгүүдтэй. Олон өнцөгтийн залгаа орших хоёр талын үүсгэх өнцгийг олон өнцөгтийн дотоод өнцөг гэнэ.

Жишээ нь зурагт үзүүлсэн ABC өнцөг бол ABCDEF олон өнцөгтийн дотоод өнцөг.

Дөрвөн өнцөгт гэдэг нь дөрвөн өнцөг, дөрвөн талтай гүдгэр олон өнцөгт. Дөрвөн өнцөгтийг дөрвөн цуваанаас бүрдсэн битүү тахир шугамаар үүсэх хавтгайн тахир шугам доторх хэсэг бүрдүүлдэг.

Тэгш өнцөгт бол гүдгэр олон өнцөгт. Дөрвөн цуваа бүхий битүү тахир шугамуудын дунд орших хавтгайн хэсэг тэгш өнцөгтийг бүрдүүлнэ.

Тэгш өнцөгтийг түүний оройнуудыг тэмдэглэсэн дөрвөн латин том үсгээр илэрхийлэн бичдэг. Жишээ нь ABCD. Тэгш өнцөгтийн эсрэг орших талууд паралел бөгөөд тэнцүү байдаг.

Дурын геометрийн гүдгэр дүрсний периметр нь түүний бүх талуудын нийлбэртэй тэнцүү байдаг тул тэгш өнцөгт, квадрат, ромб зэрэг дөрвөн өнцөгтийн периметрийг түүний дөрвөн талын нийлбэрээр тодорхойлж болно.

Хавтгайн геометрийн дүрсүүдэд талбай гэсэн ойлголт бий. Тэгш өнгцөгт, квадратын талбай гэдэг нь тухайн дүрс эзэлж буй хавтгайн хэсэг юм. ABCD, A₁B₁C₁D₁ хоёр тэгш өнцөгтийг аваад үзье.

Параллелограм бол эсрэг талууд нь паралел дөрвөн өнцөгт. Параллелограмын бүх өнцгүүд тэгш байвал түүнийг тэгш өнцөгт харин тэгш өнцөгтийн бүх талууд тэнцүү бол квадрат гэдэг.

Бүх параллелограмууд дараах шинжүүдтэй.

Трапец бол эсрэг орших хоёр тал нь паралел нөгөө хоёр тал нь паралел биш гүдгэр дөрвөн өнцөгт юм. Паралел талуудыг трапецийн сууриуд харин нөгөө хоёр талыг хажуу талууд буюу хажуу гэдэг.