Энэ нийтлэлээр бодит шалгалт дээр ирж байсан тригнометрийн хоёр бодлогын бодолтыг дэлгэрэнгүйгээр тайлбарлах болно. Эдгээр бодлогын бодолтыг сайн судлаад ойлговол тригнометрийн бодлогыг ойлгоход сайн суурь болж чадна. Бодлогын шийдүүдээс өгөгдсөн завсар дахь утгуудыг сонгох нэмэлт нөхцөл оруулсан нь сурагчдаас тригнометрийн илүү нарийн ойлголтыг шаардах юм. Сурагчид бодлогыг хураангуйлан энгийн хэлбэрт оруулж чаддаг ч шийдийг гаргах тэр тусмаа өгөгдсөн завсарт харьяалагдах шийдийг сонгохдоо үндсэн хүндрэлтэй тулдаг. Иймд бодолтуудыг анхааралтай судлаад ойлгон авахыг хичээгээрэй. Олон бодлого бодохдоо биш аргачлалыг ойлгох нь чухал.

Тригнометрийн функцуудийн чанарыг сайн мэдэж байх нь бодлого бодоход ихээхэн тустай. Чанарыг сайн ойлгоогүйгээс бодлогын шийдийг тодорхойлох, илэрхийлэл хувиргах, томьёонуудыг хэрэглэхдээ алдаа гаргах өндөр магадлалтай. Сайтад тавигдсан тригнометр сэдвийн бүх хичээлүүдийг сайтар үзэн холбогдох бодлогуудын бодолтыг ойлгосон байхад танд энэ сэдвээс айх зүйл байхгүй. Ингээд хичээлээ функцийн тэгш, сондгой чанарын тухай тодорхойлолтоос эхлэе.

Тригнометрийн илэрхийллийг хялбарчлах аргууд, тэдгээрт ашиглах томьёонуудын талаарх хичээлээ үргэлжлүүлье. Тригнометрийн илэрхийллийг хялбарчлах арга техникийг сураагүй бол тригнометрийн тэгшитгэл, тэнцэтгэл бишийг бодох тухай яриад ч хэрэггүй. Тригнометр сэдэв нилээд олон тооны их төстэй хэлбэрийн томьёонуудтай байдаг нь тэдгээрийг цээжлэх, ашиглахад хүндрэлтэй байдал үүсгэх талтай.

Хувьсагч тригнометрийн функцэд агуулагдаж буй илэрхийллийг тригнометрийн илэрхийлэл гэдэг. Ийм төрлийн илэрхийллийг хувирган эмхэтгэл хийхэд тригнометрийн функцуудын чанар, тригнометрийн томьёонуудыг ашиглана. Тригнометрийн тэгшитгэл, тэнцэтгэл бишүүдийг бодохдоо эхлээд илэрхийлэлд хувиргалт хийн тэдгээрийг энгийн хэлбэрт шилжүүлэн боддог тул тригнометрийн илэрхийллийг хялбарчлах аргыг сайн эзэмшсэн байхад энэ сэдвийн бодлогуудыг онцын хүндрэлгүй шийднэ. Энэ хичээлээр тригнометрийн илэрхийллийг хувиргахад ашигладаг үндсэн томьёонуудыг хэрхэн хэрэглэхийг сурах болно.

Олон төрлийн бодлого, хувиргалт хийхэд тригнометрийн өнцөг хаана аль үед байрлаж байгаагаас хамааран тэдгээрийн тэмдгийг тооцох хэрэгтэй болдог. Иймээс тригнометрийн функцуудын тэмдгийг мэддэг байх нь туйлын чухал. Гэхдээ эдгээрийг цээжилнэ гэвэл хүнд бөгөөд алдаа гаргах өндөр магадлалтай тул тэмдгийн учрыг ойлгох хэрэгтэй. Энэ нь илүү амар болоод найдвартайн дээр тригнометрийг ойлгох үндсэн нөхцлүүдийн нэг мөн.

Язгуур доор үл мэдэгдэгчийг агуулсан тэгшитгэлийг иррационал тэгшитгэл гэдэг. Ийм төрлийн тэгшитгэлийг бодохдоо тэгшитгэлд байгаа язгуурууд арифметикийн байх ёстой гэсэн нөхцлийг тооцон үл мэдэгдэгчийн утгын мужийг заавал тооцох хэрэгтэй. Үүнийг тооцоогүйгээс ихэнх алдаанууд гардаг. Хичээлээр иррационал тэгшитгэлийг бодох аргуудын талаар авч үзэх болно.

Энэ хичээлээр шүргэгч тэгшитгэлийг олох бодлогуудын талаар авч үзэцгээе. Ямар нэгэн функцийн график татсан шүргэгч шулууны тэгшитгэлийг олох, шүргэлтийн цэгийг олох гэх мэтээр шүргэгч шулуунтай холбоотой бодлогууд ЭЕШ -нд ирдэг. Шүргэгч шулууны тэгшитгэлийг гаргахын тулд уламжлалын геометр утгыг санацгаая. Хэрвээ y=f(x) функцийн графикийн x₀ цэгт шүргэгч татвал түүний налуун коэффициент нь шүргэгч болон OX тэнхлэгийн эерэг чиглэл хоёрын хоорондох өнцгийн тангенстай тэнцүү байдаг.

Вектор ба түүний үйлдлүүдийн талаар энэ хичээлээр авч үзье. Вектортой холбоотой бодлогууд дээр сурагчид будлих, алдаа гаргах нь элбэг байдаг. Ойлголт энгийн мэт боловч векторуудын нийлбэр, ялгавар, үржвэр зэргийг зөв ойлгохгүйгээр бодлого бодоход хүндрэл үүснэ. ЕБС-д энэ сэдвийн хичээлийг их өнгөцхөн үздэгээс сурагчид дутуу ойлгон улмаар бодлогод дээр дүрмүүдийг хэрэглэхдээ их сул байдаг. Иймээс вектор түүнтэй хийгдэх үйлдлүүдийг нэг мөр цэгцлэн тэдгээрийг бодлого бодоход ашиглаж сурахад хичээл зориулагдсан. Эхлээд ерөнхий ойлголтуудын талаар.

Модултай тэгшитгэл, тэнцэтгэл биш, илэрхийллүүдээс сурагчид их айдаг. Модул тийм ч аймшигтай зүйл биш зүгээр л сургуульд түүнийг сайн тайлбарлан ойлголт өгдөггүйтэй холбоотой. Үүнээс үүдэн нэмэлт давтлага л авахгүй бол модул агуулсан бодлогыг сурагчдын ихэнх нь бодож чадахгүйд хүрдэг. Энэ юу гэсэн үг бэ гэвэл ЭЕШ-д модул ороод ирвэл та гарцаагүй оноо алдах эсхүл таахаас өөр замгүй болно. Иймээс энэ хичээлээр модулийн талаарх дутуу ойлголтыг дүүргэх гээд үзье. Айдсаа хойш тавь. Асуудал таны бодож байгаа шиг хүнд зүйл биш гэдгийг хичээлийн төгсгөлд ойлгох болно.

Математикийн бодлого бодох яагаад хүнд байдаг вэ? гэвэл энд бүх зүйлийг ямар нэгэн алдаа гаргахгүй хийх хэрэгтэй болдог. Алдаа гаргавал тэр дороо алдаа гэж мэдэгдэхгүй та зүгээр л өөр бодлого бодох ажиллагаанд шилжээд явдаг. Тэгвэл бодлого биш жишээ нь гадаад хэл, уран зохиол, нийгмийн чиглэлийн асуудлыг буруу зөрүү явсан байсан ч зөв замдаа шууд ороод шийдэх боломжтой. Харин бодлого бодоход ийм зүйл байхгүй. Алдаа л хийсэн бол буруу зам руу орно. Үүнийгээ мэдэхгүй бол алдаа болно мэдвэл бараг эхнээс нь шалгах хэрэгтэй болно.