Хагас хаалттай гараанууд
Хичээлийг үзэх

Гараа сайн бол бариа сайн гэдэг үг шатарт хожил авах үндсэн аргачлал. Гараануудыг мэдснээр өрсөлдөгчийн эсрэг тоглох тактик, стратегийг зөв сонгоход нэн чухал. Орчин цагт гарааны онолын хөгжлөөр шатрын гараануудыг үндсэнд нь 5 бүлэгт хуваасан байдгийн нэг бол хагас хаалттай гарааны бүлэг юм.  

Цагаан эхний нүүдлээр бэрсний хүүгээ хоёр түлхэхэд хар 1... d5 симметр хариултаас өөр нүүдлээр хариулах гараануудыг хагас хаалттай гараануудын бүлэгт оруулдаг. Хуучин энэтхэг хамгаалалт, Нимцовичийн хамгаалалт, Грюнфельдийн хамгаалалт гэх ихэнх гараанууд нэг хэсэгтээ цагааны төгс гараанд тооцогдож байсан бэрсний гамбитаас зайлсхийх санаанаас үүдэн гарч ирсэн. Хагас хаалттай гараануудад төвийн хүүний уян бүтэц түүнд харын зүгээс хүүний болоод бодны үйлчлэл явдаг ерөнхий шинжтэй.

Зарим хичээлүүд төлбөртэй тул та хичээлүүдийг бүгдийг үзэхийн тулд Тусгай эрхтэй хэрэглэгч байх ёстойг анхаарна уу.

Танд амжилт хүсье.

Мэдээлэл таалагдсан бол найзуудтайгаа хуваалцаарай.

Хичээлүүд
Хуучин энэтхэг хамгаалалт

Хуучин энэтхэг хамгаалалтад хар цагааны хүүний төвд бод хүүний дарамтыг зохион байгуулах зорилгоор тэдэнд төвийг тавин өгдөг. Хар тоглолтыг тэнцвэржүүлэхийн төлөө бус харин сөрөг тоглолтын эрэлд зорьдогоороо бусад олон гараануудаас ялгаатай. Чигорин хуучин энэтхэг хамгаалалтын дайралтын баялаг боломжуудыг амжилттай хэрэглэж байсан ч 1930 -аад он хүртэл гарааг хард хүндрэлтэй бүр бүрэн зөв гараа биш ч гэж үздэг байсан. Бронштейн, Болеславский, Геллер зэрэг их мастеруудын шинэлэг дүн шинжилгээ, бүтээлч тоглолтын ачаар хуучин энэтхэг хамгаалалтын стратегийн болоод тактикийн давууг жинхэнэ утгаар нь нээсэн. Өнгөрсөн зууны 50-60 онуудад эхний нүүдэлд бэрсний хүүний түлхэлтийн эсрэг хамгийн өргөн дэлгэрсэн хариулт болсон. Дараа нь цагаан төвийг авснаар удаан хугацаанд санаачлагыг авдаг гэсэн утгаар энэхүү гарааны тархалт нилээд буурсан. Гэхдээ сүүлийн жилүүдэд хуучин энэтхэг хамгаалалт хурц тэмцэлд дурлагчдын анхаарлыг дахин татах болсон.

Хичээлээр хуучин энэтхэг хамгаалалтын сонгодог болон дөрвөн хүүний хувилбарыг авч үзнэ.

  Нээгдсэн тоо: 1105 Төлбөртэй

Земишийн систем

Хуучин энэтхэг гарааны энэ хувилбарт цагаан болгоомжлолтойгоор төвийг хүүнүүдээр эзэлдэг. Иймэрхүү байгуулалтад онцгой ач холбогдолтой e4 нүдийг цагаан сайтар бэхжүүлнэ. Цагааны төлөвлөгөөнд холдоо сэлгээд өрсөлдөгчийн ноёнд хүүний шуурган дайралт хийх орно. Хар e5, c5 эсхүл жигүүрийн b5 сөрөг цохилтын тусламжаар цагааны төвийг дайрахаар тоглолтоо зохион байгуулдаг. Тоглолт маш нарийн тэмцэлтэйгээр явагддаг энэхүү хувилбарыг судлан суралцахыг зөвлөе.

  Нээгдсэн тоо: 1285 Нийтийн

Фианкетто систем

Шатар энгийн дүрэмтэй, цөөн нүүдлүүдтэй сурахад амархан тоглоом. Иймээс ихэнх хүмүүс ямар нэгэн хичээл, дамжаа гэлгүй шатрын нүүдлийг суран өөрийн хэмжээндээ нүүдэг болдог ч ихэнхдээ эхний 10 нүүдэлд өргийн хувь заяа шийдэгдэх нь элбэг байдаг. Өөрөөсөө илүү, зэрэг, дэвтэй хүмүүстэй тоглоход алдаа гаргахгүй байгаа хэдий ч байрлал улам муудсаар бас л арваад нүүдлийн дараа бүр нүүх нүүдэлгүй болоод ирдэг зовлонг шатар сонирхогчид бүгд мэдэх байх. Энэ нь сонирхогчдын гарааны талаарх мэдлэг дутуутай холбоотой болов уу гэж үзэн сайтад гарааны хичээлүүд багцлан нийтэлж үзэхийг санал болгоё. Энэ удаад цагаан эхний нүүдлээр бэрсний хүүгээ хоёр түлхэхэд хар 1... d5 симметр хариултаас өөр нүүдлээр хариулах хагас хаалттай гараанууд гэж нэрлэгддэг гараануудын нэг болох Хуучин энэтхэг хамгаалалтын Фианкетто системийг танилцуулъя.

Санамж: Хичээлийн материалыг сайн ойлгохын тулд хувилбаруудын салаануудыг өөр програм эсхүл хөлөг дээр өрөн өөрийн хувилбарыг зэрэгцүүлэн бодон судалбал илүү тогтоон ашиглаж сурахад дөхөмтэйг сануулъя.

  Нээгдсэн тоо: 1147 Төлбөртэй

Хуучин энэтхэг хамгаалалт. Сонгодог систем

Хуучин энэтхэг хамгаалалтад хар цагааны хүүний төвд бод хүүний дарамтыг зохион байгуулах зорилгоор тэдэнд төвийг тавин өгдөг. Хар тоглолтыг тэнцвэржүүлэхийн төлөө бус харин сөрөг тоглолтын эрэлд зорьдогоороо бусад олон гараануудаас ялгаатай. Чигорин хуучин энэтхэг хамгаалалтын дайралтын баялаг боломжуудыг амжилттай хэрэглэж байсан ч 1930 -аад он хүртэл гарааг хард хүндрэлтэй бүр бүрэн зөв гараа биш ч гэж үздэг байсан. Бронштейн, Болеславский, Геллер зэрэг их мастеруудын шинэлэг дүн шинжилгээ, бүтээлч тоглолтын ачаар хуучин энэтхэг хамгаалалтын стратегийн болоод тактикийн давууг жинхэнэ утгаар нь нээсэн. Өнгөрсөн зууны 50-60 онуудад эхний нүүдэлд бэрсний хүүний түлхэлтийн эсрэг хамгийн өргөн дэлгэрсэн хариулт болсон. Дараа нь цагаан төвийг авснаар удаан хугацаанд санаачлагыг авдаг гэсэн утгаар энэхүү гарааны тархалт нилээд буурсан. Гэхдээ сүүлийн жилүүдэд хуучин энэтхэг хамгаалалт хурц тэмцэлд дурлагчдын анхаарлыг дахин татах болсон.

Хичээлээр хуучин энэтхэг хамгаалалтын сонгодог системийн хувилбарыг авч үзнэ.

  Нээгдсэн тоо: 1120 Нийтийн

Хуучин энэтхэг хамгаалалт. Сонгодог систем. Хувилбар А

Хичээлээр хуучин энэтхэг хамгаалалтын сонгодог системийг үргэлжлүүлэн судлая. Өмнөх хуучин энэтхэг хамгаалалт хичээлд бид гарааны эхний 7 нүүдлийн талаар авч үзсэн. 7 дахь нүүдэлд хард хариултын хоёр хувилбар байдагийн нэг нь 7. ... Мbd7 юм. Энэ тохиолдолд өрөг хэрхэн өрнөхийг авч үзье.

Сайтын шатрын хичээлүүдийг судалснаар таны тоглолтын ур чадвар эрс нэмэгдэнэ гэдэгт итгээрэй. Үүнийг би өөрийн туршлагаар батлан хэлнэ. Сайтад шатрын хичээлүүдийг бэлтгэж эхлэж байхад онлайн шатрын сайтад миний рейтинг 1600 хавьд л байсан бол одоо 1800 давсаны дээр тоглолтын тогтсон арга барилтай болон элдэв бүдүүлэг алдаа гаргах нь бага болсоор байгаа.

  Нээгдсэн тоо: 557 Нийтийн

Хуучин энэтхэг хамгаалалт. Сонгодог систем. Хувилбар Б

Хуучин энэтхэг хамгаалалтад хар цагааны хүүний төвд бод хүүний дарамтыг зохион байгуулах зорилгоор тэдэнд төвийг тавин өгдөг. Хар тоглолтыг тэнцвэржүүлэхийн төлөө бус харин сөрөг тоглолтын эрэлд зорьдогоороо бусад олон гараануудаас ялгаатай. Гарааны олон хувилбаруудын нэг болох цагааны 7. O-O нүүдлийн хариуд хар 7... Мc6 хариулж болох сонгодог системийн Б хувилбарын талаар авч үзье. Хар 7. O-O ны хариуд 7... Мbd7 гэж хариулахыг Сонгодог системийн А хувилбар хичээлээс үзээрэй.

  Нээгдсэн тоо: 672 Төлбөртэй

Хуучин энэтхэг хамгаалалт. Авербахийн систем.

1. d4 Мf6 2. c4 g6 3. Мc3 Тg7 нүүдлийн дараа хөлөгт хагас хаалттай гараанд ордог "Хуучин энэтхэг хамгаалалт"- ын байрлал үүсдэг. Гарааны олон хувилбарын нэг бол 4. e4 d6 -гийн дараа Авербахийн дэвшүүлсэн 5. Тe2 системийг хичээлээр авч үзнэ. 

Шатарт олон тооны гараанууд байдаг ч суурьтай судлан, ерөнхий зарчмыг ойлговол үндсэндээ цөөн тооны суурь гараанууд байдаг. Шатарчид болон шатар сонирхогчид өөрийн сайн судалсан цөөн гараануудаар голдуу тоглодог. Тэгвэл гараануудыг бүгдийг судлах ямар хэрэгтэй гэж бодож байж магадгүй. Таны өрсөлдөгч өрөгт ямарч гарааг хэрэглэж болох учраас та гарааг судлан гаргаж болох алдаа, зангуудыг мэдэж байхгүй бол түүнд заавал ордог учраас гараануудыг судлахыг зөвлөөд байгаа юм.

  Нээгдсэн тоо: 627 Бүртгүүлэх

Петросяний систем

Гарааны онолыг сайн судалбал таны тоглолтод мэдэгдхүйц дэвшил гарах болно. 1. d4 гэж бэрсний хүүгээ түлхэн эхлүүлсэн гараанд хуучин энэтхэг хамгаалалтыг ихээр хэрэглэдэг. Гараа Земишийн систем, фианкетто, сонгодог систем гээд олон хувилбартай бөгөөд энэ удаад гарааны Петросяний системийг авч үзье.

  Нээгдсэн тоо: 637 Төлбөртэй

Хаалттай болон орчин цагийн систем

Хагас хаалттай гарааны төрөлд ордог хуучин энэтхэг хамгаалалтын систем олон тооны хувилбаруудтай бөгөөд энэ удаад хаалттай болон орчин цагийн системийг танилцуулъя. Цагаан хуучин энэтхэг хамгаалалтын эсрэг гарааны давууг авахыг эрмэлзэлгүй бодны хөлөлгөөг тайванаар хийх хаалттай системийг авч үзье.

[Event "Хуучин энэтхэг хамгаалалт. Хаалттай систем."] 1. d4 Nf6 2. Nf3 g6 3. Bg5 ({Алехин} 3. Bf4 {нүүдлийг илүүд үзсэн. Гэхдээ энд} Bg7 4. e3 d6 (4... Nh5 {гэвэл} 5. Be5! f6 6. Bg3) 5. h3 O-O 6. Nbd2 c5! 7. c3 b6 {гээд хар тэнцүүхэн байрлалыг авна.}) 3... Bg7 (3... Ne4 4. Bh4 c5 5. Nbd2 {дараагаар цагааны байрлал эвтэйхэн.}) 4. Nbd2 O-O 5. c3 ({Алехиний зөвөлсөн} 5. e3 {нүүдэл ирээдүй муутай. Жишээ нь} d6 6. Bc4 c6 7. c3 Nbd7 8. O-O Qc7 9. a4 e5 10. dxe5 dxe5 11. e4 h6 12. Bh4 Nb6 13. Bb3 Re8 {гээд хар хүндрэлгүй. (Ууси - Копылов, 1966)}) 5... d6 ({цагааны дараагийн нүүдэлд саад хийн} 5... d5 {гэж тоглох нь найдвартай.}) 6. e4 Nbd7 7. Be2 h6 8. Bh4 e5 9. dxe5 dxe5 10. O-O {хараас тэнцвэрийг барихын тулд оновчтой тоглолтыг шаардана. Балашов - Сакс (1979) нарын өрөг} Qe7 11. Re1 Rd8 12. Qc2 b6 13. Bf1 Bb7 14. Nc4 Qe6 15. Nfd2 Qg4 16. Bxf6 Bxf6 17. Ne3 Qe6 18. Bc4 {гэж үргэлжлэн цагаан илүү боломжийг авсан.}

  Нээгдсэн тоо: 556 Нийтийн

Хуучин энэтхэг хамгаалалт. Жишээ өргүүд - I

Шатар тоглож сурахад гарааг мэдэхээс гадна хэрэглэж сурах чухал үүрэгтэй. Энэ удаад хуучин энэтхэг хамгаалалтаар их мастерууд хэрхэн тоглосон өргүүдийг орууллаа. Мастерууд гарааг хэрхэн ашигласан жишээ өргүүдийг сайн судлан ойлгоод өөрийн тоглолтодоо хэрэглэж сурахыг зөвлөе.

[Event "Лос-Анжелес, 1963."] [White "Олафсон"] [Black "Решевский"] 1. c4 Nf6 2. d4 g6 3. g3 Bg7 4. Bg2 O-O 5. Nf3 d6 6. O-O Nbd7 7. Qc2 {d4 хүүний солилцоо хийгдэхэд цагаан d шугамыг тэргээр эзлэхээр зэхсэн.} (7. Nc3 {ч нилээд өргөн тархсан үргэлжлэл.}) 7... e5 {сонгодог хариулт.} ({Рашковскийн олсон} 7... c5!? {нүүдэл анхаарал татахаар. Лернер - Рашковский (1979) нарын өрөгт} 8. Nc3 a6 9. Rd1 ({харин} 9. h3 Rb8! (9... cxd4 {сул} 10. Nxd4 Qc7 11. Be3 e5? 12. Nb3 Qxc4 13. Qd2 Nc5 14. Na5! {гээд цагаан давуу. (Романишин - Григорян, 1980)}) 10. Rd1?! (10. Be3 {арай илүү ч энд} b5 11. cxb5 axb5 12. dxc5 Nxc5 13. Nd4 b4! {гээд хард бүх зүйл хэвийн. (Слуцкий - Григорян, 1983)}) 10... Qc7 11. Be3 b5 12. cxb5 axb5 13. Rac1 b4 14. Na4 c4! {дараагаар хар санаачлагыг авсан. (Слуцкий - Каспаров, 1981)}) 9... cxd4 10. Nxd4 Qc7 11. b3 Rb8 12. Ba3 Ne5 13. Qd2 Bd7 {гэж харилцан боломжуудтайгаар үргэлжилсэн.}) 8. Rd1 Re8 (8... Qe7! {хариулт боломжтой. Жишээ нь} 9. Nc3 ({цагаан 9 эсхүл 10 дахь нүүдэлдээ} 9. dxe5 {гэж тоглох нь дээр байсан.}) 9... c6 ({Романишин - Акопян, 1989 нарын өрөг} 9... Re8 10. Bg5?! c6 11. Ne4 exd4 12. Nxd4 h6! 13. Nxf6+ Nxf6 14. Bf4 Ng4 15. h3 Nxf2! 16. Kxf2 g5 {сонирхолтой үргэлжлэн бас л хар давуутай болсон.}) 10. e4 a5! 11. b3 h5! 12. Ba3! exd4! 13. Nxd4 Nc5 14. Re1 Re8 15. Rad1 h4 {хар давуутай. (Макнэб - Кочиев, 1982)}) 9. e4 ({Романишин энэ байрлалд} 9. dxe5 {нүүдлээр эхлэх харахад даруухан ч аюултай төлөвлөгөөг амжилттай хэрэглэж байсан. Жишээ нь} dxe5 10. e4 c6 11. h3 Qc7 12. Be3 b6 13. Nc3 Bf8 14. a3 Ba6 15. Bf1 Rad8 16. b4! Bg7 17. Rac1 Bb7 18. Qa4 {гээд цагаан бат давуутай болно. (Романишин - Балашов, 1977)}) 9... c6 10. Nc3 exd4?! {эхний алдаа.} ({Болевславскийн} 10... Qe7! {хамаагүй хүчтэй. Энд} 11. h3? {гэх нь сайнгүй.} (11. b3 {гэвэл} exd4 12. Nxd4 Nc5 13. f3 a5 14. Bb2 Qc7! {гээд цааш Бc7-b6 -гийн дараа сайн байрлалтай.}) 11... exd4! 12. Nxd4 Nc5 {цагаан} 13. f3 {гэж хариулахаас аргагүй. (Кан - Болеславский, 1952)}) 11. Nxd4 a5 {одоо харын байрлал хурдан муудан тэд сөрөг тоглолтгүй болно.} (11... Qe7 {илүү ч} 12. Bf4! {гээд цагааны боломж илүү.}) 12. h3 Qe7 13. Bf4! {ийм байрлалын ердийн аргачлал.} Rd8 ({харын} 13... Nc5 {эрчимтэй нүүдэл} 14. Nxc6! bxc6 15. Bxd6 {-гаас үүдэн боломжгүй учраас идэвхигүй хамгаалалтаар хязгаарлагдахаас аргагүй.}) 14. Rd2 Nc5 15. Rad1 Ne8 16. Be3 Bd7 17. Re2 Nc7 18. f4! {e4 хүүг сулруулах нь нөлөө байгатай. Цагаан илүү их орон зайг эзэлсэн.} Rac8 19. Bf2 Be8 20. Kh2 Qf8 21. Qd2 N7a6 22. Nf3 f5?! {хар тэсвэр алдсан. Тоглолт цагаанд илт ашигтайгаар задарсан.} ({Авербахийн зааснаар} 22... f6 {гэж битүү хамгаалалтад шилжих нь илүү байсан.}) 23. Bd4! fxe4 24. Bxg7 Qxg7 25. Nxe4 Nxe4 26. Rxe4 d5 27. Rd4 Nb4 28. Ng5! {хүчтэй цохилт. Хар материалын алдагдлаас зайлахгүй.} Bf7 29. Nxf7 Qxf7 30. a3 c5 31. Rxd5 Nxd5 32. Bxd5 Rxd5 33. cxd5 Re8 34. d6 Qd7 35. g4 b6 36. Qd5+ Kg7 37. Rd2 Re6? 38. Qxe6! {гээд хар буусан.}

  Нээгдсэн тоо: 511 Төлбөртэй

Хуучин энэтхэг хамгаалалт. Жишээ өргүүд - II

Бэрсний гамбитийн эсрэг хуучин энэтхэг хамгаалалтыг ихээр хэрэглэдэг. Хуучин энэтхэг хамгаалалтад хар цагааны хүүний төвд бод хүүний дарамтыг зохион байгуулахын зорилгоор тэдэнд төвийг тавин өгдөг. Хар тоглолтыг тэнцвэржүүлэхийн төлөө бус харин сөрөг тоглолтын эрэлд зорьдогоороо бусад олон гараануудаас ялгаатай. Мастеруудын өргүүдийг сайтар судлах нь гарааны онолын мэдлэгээ практикт хэрэглэх суурь болдог учраас өргүүдийн нүүдэл, хувилбар бүрийг анхааралтай судлахыг зөвлөе.

[Event "Медиаш, 2011."] [White "Иванчук"] [Black "Раджабов"] 1. d4 Nf6 2. c4 g6 3. Nc3 Bg7 4. e4 d6 5. Be2 O-O 6. Bg5 {цагаанд хөлөлгөөний төрөл бүрийн схемд шилжих боломжийг олгосон Авербахийн системийн шинжийг агуулсан уян нүүдэл.} Na6 ({удаан хугацааны туршид} 6... c5 {-ыг үндсэн хариулт гэж үзэж байсан. Жишээ нь} 7. dxc5 Qa5 8. Bd2 Qxc5 9. Nf3 Bg4 10. O-O Bxf3 11. Bxf3 Nc6 12. b3 Nd4 13. Be3 Nxf3+ 14. Qxf3 Qa5 15. Rac1 a6 16. Rc2 b5 17. Nd5 Nxd5 18. cxd5 Rfc8 19. Qe2 Rxc2 20. Qxc2 {гээд цагааны багахан давуутай. (Иванчук -Акопян, Багио, 1987)}) (6... h6 {тохиолдолд} 7. Be3 e5 8. d5 Nbd7 9. Qd2 Kh7 10. f3 {гэж Земишийн хувилбарт шилжинэ.} Nh5 11. Nh3 Nc5 12. Nf2 a5 13. g3 b6 14. O-O-O a4 15. Rde1 a3 16. b3 Bd7 17. Rhf1 Qe7 18. Bd1 Nf6 19. Bc2 Rfe8 20. Kb1 c6 21. dxc6 Bxc6 22. Rd1 Red8 23. Nd3 {Иванчук - Мегаранто, Кальвиа, 2004}) 7. f4 {хамгийн түрэмгий үргэлжлэл.} ({өргөн дэлгэрсэн} 7. Qd2 e5 8. d5 c6 9. f3 cxd5 10. cxd5 Bd7 11. Bd1! Qb6 12. a3 (12. Nge2 {муу} Nc5 13. Be3 Qxb2!) 12... Nh5 13. Nge2 f5 14. Be3 {-гаас гадна доорх үргэлжлэлүүд байж болно.}) (7. Nf3 h6 8. Bf4 (8. Bh4 {муугүй.}) 8... e5 9. dxe5 Nh5 10. Be3 dxe5 11. Qc1 Kh7 12. O-O c6 13. c5! Qe7 14. Nd2 Nf4 15. Bxa6 bxa6 16. Nc4 Qe6 17. Bxf4 exf4 18. Nd6 {Ульман - Нанн, Дортмунд, 1991. Энд} f3!? {хард сөрөх боломжийг өгнө.}) (7. h4 h6 8. Be3 e5 9. d5 Nc5 10. Qc2 a5 11. h5 g5 12. f3 Bd7 13. g4 c6 14. Nh3 cxd5 15. cxd5 Qb8 16. a4 Rc8 17. Nf2 Nxa4! 18. Rxa4 b5 19. Ra1 b4 20. O-O Ne8?! ({оновчтой нь} 20... bxc3 21. bxc3 Qc7) 21. Rfc1 Bf6 22. Qd2 bxc3 23. bxc3 Qc7 24. c4 {(Иванчук - Хецк, Франкфурт, 2000)}) 7... c6 {хар d5 нүдийг хяналтандаа авснаар морио e7 -д шилжүүлэхээр бэлтгэсэн.} 8. Qd2 {энэ байрлалд ингэж тоглох нь ховор.} ({ихэнхдээ} 8. Nf3 {гээд цааш} Nc7 9. Bh4 b5 10. e5 Ng4!? 11. Qc1 (11. Qd2 dxe5 12. Nxe5 Nxe5 13. dxe5 Qxd2+ 14. Kxd2 {сул. (Багиров - Хисматуллин, Москва, 2008)} b4) 11... bxc4 12. h3 Nh6 13. Bxc4 Be6 14. Bxe6 Nxe6 15. O-O Nf5 16. Bf2 h5 {гээд харилцан боломжуудтай нарийн тэмцэлтэй.}) 8... Nc7 9. Bf3!? {цагаан ноёнгийн морийг e2 хөллөх санаагаар тэмээгээ их диагоналд шилжүүлсэн.} (9. Nf3 {-д} b5!? 10. e5 b4 11. exf6 bxc3 12. bxc3 exf6 13. Bh4 Bf5 ({эсхүл} 13... d5 14. O-O Bf5 15. Ne5 Re8 16. Ng4 Bxg4 17. Bxg4 Nb5 18. Bf3 Rc8 19. Rfc1 Qa5 {(Майнц - Глек, Дрезден, 2004)}) 14. O-O Qd7 15. h3 Rfe8 16. Rfe1 Be4 17. Nh2 f5 18. Nf1 Rab8 19. Ng3 d5 20. c5 Ne6 21. Nxe4 dxe4 {гээд хар санаачлагатай. (Максименко - Касымжанов, 2004)}) (9. e5 Ng4 10. h3 Nh6 11. g4 f6 12. exf6 exf6 13. Bh4 Nf7 14. O-O-O d5 15. Nf3 Nd6 {-гийн дараагаар байрлал тодорхойгүй.}) (9. Bh4 d5 10. e5 Ne4! 11. Nxe4 dxe4 12. O-O-O f6 13. Qe3 Bh6! {тохиолдолд хар идэвхитэй сөрөг тоглолттой. (Босбоом - Райндерман, Роттердам, 2000)}) 9... Ne6 10. Bh4 c5! 11. dxc5 (11. d5 Nd4 {хувилбар сайнгүй.}) ({эсхүл} 11. Nge2 Nxd4 12. Nxd4 cxd4 13. Qxd4 Be6 {гээд хар эвтэйхэн тоглолттой.}) 11... Nxc5 12. Rd1 Be6 13. b3 a5 14. Nge2 Qc7?! {нүүдэл цагаанд хөлөлгөөг саадгүйгээр дуусгах боломжийг өгнө.} ({шууд} 14... a4!? {нь} 15. b4 {-ийг хийлгэн хүчтэй нарийн байдлыг үүсгэнэ. Жишээ нь} Ncd7 (15... Na6?! {муу.} 16. a3! Bxc4 17. e5) 16. c5!? dxc5 17. e5 cxb4 18. Nb5 b3! 19. Nbd4 Bd5 20. exf6 Nxf6 21. axb3 Bxf3 22. Nxf3 a3 {гээд хар бодны нөхөөст хангалттай нөхвөртэй.}) 15. O-O a4 {одоо цагааны бүх хүчнүүд цохилтод болоод сөрөг дайралтыг хариулахад бэлэн} 16. f5! gxf5 (16... Bc8? {муу.} 17. Bxf6 exf6 ({эсхүл} 17... Bxf6 18. Nd5 Qd8 19. Nxf6+ exf6 20. b4 Nd7 21. Qxd6) 18. b4 Nd7 19. Nb5 Qb6+ 20. Kh1 {цагааны илт давуутай.}) 17. exf5 Bxf5 18. Bxf6! {өрсөлдөгчийн хүүний бүтцийг эвдэнэ.} exf6 (18... Bxf6?! {сул.} 19. Nd5 Qc8 20. Nxf6+ exf6 21. b4 Ne4 22. Qd4 Qe8 23. Nf4 Qe5 24. Nd5! Kh8 25. Qxe5 dxe5 26. Ne7 Nc3 27. Nxf5 Nxd1 28. Rxd1 {гээд найдваргүй төгсгөлтэй.}) 19. b4 Ne6 20. Nb5 Qb6+ 21. Kh1 Ng5? ({хамгаалах илүү боломжийг} 21... d5!? 22. Bxd5 Bg4 23. Bf3 Bxf3 24. Rxf3 Ng5 25. Rf4 f5! 26. Nec3 (26. Rxf5?! Rad8 27. Ned4 Ne6 {тийм ч сайнгүй.}) 26... Rad8 27. Nd5 Ne4 {хувилбар өгөх ч энд хамгаалалтыг барих нь амаргүй.}) 22. Bxb7! {цагаан байрлалын давуугаа хадгалан хүү авсан.} Qxb7 23. Rxf5 (23. Nxd6!? Ne4 24. Nxb7 Nxd2 25. Rxd2 {илүү хүүтэйгээр төгсгөлд шилжин тоглож болно. Гэхдээ хар өрсөлдөгчийн морьдын эсрэг хоёр тэмээтэй үлдэнэ.}) 23... Ne4 24. Qd3 Rfe8! {d6 хүүг дам хамгаална.} 25. Ned4 (25. Nxd6? {гэвэл} Nxd6 26. Qxd6 Rxe2) 25... Rac8 26. Rf4 Bf8 (26... d5 {-д} 27. c5! {хүчтэй.} Qb8 28. Rdf1 Bh6 29. Rf5 Qb7 30. a3 {гээд давуутай.}) 27. Rdf1 Re5 28. a3 Kh8 29. Nf5 Rd8 30. Nc3! {хар хөлийн хүчтэй тэмээг солилцсоноор цагаан ноёнгийн жигүүрт өөртөө замаа цэвэрлэсэн.} Nxc3 31. Qxc3 Ree8? {одоо цагаан дайралтыг няцаахгүй.} ({хэдийгээр үр дүнд нөлөөгүй ч} 31... Qd7 32. Qg3 d5 33. Rg4 Bd6 34. Nh6 Rg5 35. Qf2 Rxg4 36. Nxg4 Qe6 37. Nxf6 Be5 38. Nxd5 Rc8 {-ын дараагаар бариад байж болохоор.}) 32. Rg4! Qc8 33. Qg3! h5 (33... Be7 34. Nh6 f5 {шалгах}) 34. Rg8+ Kh7 35. Rxf8! {гээд хар буусан.}

  Нээгдсэн тоо: 645 Төлбөртэй

Бенкогийн хамгаалалт /Сонгодог систем/

1922 онд Рубинштейн ― Шпильман нарын өрөгт анх хэрэглэсэн энэхүү гамбитид 1950 -иад онд Оросын мастерууд d5 -д түлхсэн цагаан хүүг ...e7-e6 нүүдлээр довтлох хувилбарыг судлан Волгийн гамбит хэмээн нэрлэсэн. Сүүлд хар бэрсний жигүүрт тэмцэл өрнүүлэх …g7-g6 хувилбар өргөн тархсан бөгөөд энэхүү хувилбарыг их мастер П.Бенкогийн нэрээр нэрлэсэн байдаг.

Шатар тоглож сурахад гарааны онол маш чухал. Иймд сайтад нийтлэгдсэн гарааны хичээлүүдийг үзэхийг зөвлөе. Гараа мэдэхгүйгээс алдаа хийн ихэнх өрөг эхний 10 -аад нүүдэлд шийдэгдэх тохиолдол их байдаг. Ялангуяа эхлэн суралцагчид, шатар тоглох чадвараа дээшлүүлэхийг хүссэн хүмүүс сайтын Багц хичээлүүд хэсгийн шатрын гараануудын хичээлүүдийг үзээрэй.

  Нээгдсэн тоо: 541 Нийтийн

Модерн-Бенони

Хагас хаалттай гараанд багтах Беноний хамгаалалтын тухай авч үзье. Гарааны хоёр хувилбар байдаг бөгөөд хар e хүүгээ цагааны c хүүгээр солилцвол тоглолтыг голдуу бэрсний жигүүрт зохион байгуулдаг орчин үеийн систем нь илүү хурц бөгөөд өргөн дэлгэрсэн. Харин хар төвийг e5-d6-с5 хүүнүүдээр хаавал гарааны хаалттай систем үүсдэг. Энд цагааны сэлгээний байрлалаас хамааран хар тоглолтыг f5 -аар ноёнгийн жигүүрт эсхүл бэрсний жигүүрт задлах боломжийг хайдаг.

  Нээгдсэн тоо: 537 Нийтийн

Бенкогийн гамбит

1940 -өөд онд Куйбышевийн /одоогийн Самара/ шатарчин Аргунов практикт оруулан ирсэн гарааны нүүдлүүдийн энэхүү дараалалд П.Романовский Волгийн гамбит нэрийг санал болгосон байдаг. Барууны хэвлэлүүдэд гамбитийг Америкийн их мастар Пала Бенкогийн нэрээр нэрлэдэг.
Гарааны үндсэн санаа нь хар хүүний хаяагаар цагааны бэрсний жигүүрт хагас нээлттэй шугам болон g7 -гийн тэмээгээр a1-h8 диагоналаар бодны дарамтыг үүсгэх юм.

Шатарын нүүдлүүдийг тогтоох амархан хэдий ч сайн тоглож сурахад гарааны онол маш чухал гэдгийг удаа дараа сануулсаар ирсэн. Гарааны онолын мэдлэг дутуу байдгаас ихэнх хүмүүс ялангуяа эхлэн суралцагсад өргийн эхний нүүдлүүдэд алдаа хийн улмаар өргийн хувь заяаг шийдэх нь олонтоо тохиолддог. Шатар их тогловол сайжирдаг гэдэг ч онолын мэдлэгийг эзэмшвэл илүү хурдан, үр дүнтэй, сайн тоглох чадвартай болно гэдэгт итгээрэй.

  Нээгдсэн тоо: 370 Төлбөртэй

Грюнфельдийн хамгаалалт

Хамгаалалтын энэхүү системийг Австрийн их мастер Грюнфельд олон улсын практикт оруулсан. Гарааны хөгжилд Ботвинник, Смыслов, Эйве, Алехин, Фишер, Каспаров нарын дэлхийн аваргууд Флор, Болеславский зэрэг их мастерууд их хувь нэмрийг оруулсан. Орчин цагт энэ гараа онцгой өргөн дэлгэрсэн. Грюнфельдийн хамгаалалтын орчин цагийн шинж төрх түүний маш гүнзгий, олон талын үндсэн байрлалуудын боловсруулалтаар тодорхойлогддог тул судлахад хүнд гараануудад ордог.

[Event "Грюнфельдийн хамгаалалт. 1-р хэсэг"] 1. d4 Nf6 2. c4 g6 3. Nc3 (3. Nf3 d5 ({хар d7-d5 нүүдлийг Мb1-c3 гэж тоглох хүртэл хойшлуулан} 3... Bg7 {гэж хариулаад дараа нь O-O гэх боломжтой. Зүгээр л хуучин энэтхэг хамгаалалтад шилжсэн ч боломжтой.}) 4. cxd5 Nxd5 5. e4 {тохиолдолд морь темп алдан ухрахаас аргагүй.}) 3... d5 {хар өрсөлдөгчид хүүний хүчтэй төв үүсгэхийг зөвшөөрсөн ч хөлөлгөөгөө хурдан дуусгаад энэхүү төвд хүүний сөрөг дайралтаар дэмжүүлсэн хүчтэй дарамтыг зохион байгуулна.} 4. cxd5 Nxd5 5. e4 Nxc3 6. bxc3 c5 (6... Bg7 {хариулт байх боломжтой. Удаан хугацаанд энэ тохиолдолд} 7. Ba3 {нүүдэл цагаанд давууг өгнө гэж үзэж ирсэн ч Симагин} O-O 8. Bc4 Nd7 9. Ne2 c5 10. O-O Qc7 11. Rc1 Rb8 {дараагаар хар идэвхитэй байрлалтайн дээр тэд юунаас ч болгоомжлох хэрэггүй гэдгийг баталсан. (Никитин - Симагин, Москвагийн аварга, 1951)}) 7. Bc4 (7. Nf3 {үргэлжлэл хүүний хүчтэй төв үүсгэхэд чиглэсэн. Цааш} Bg7 8. Rb1 {тэргээ g7 тэмээний хөлөөс зайлуулан цагаан хүчтэй төвөө хадгалсан.} O-O 9. Be2 cxd4 10. cxd4 Qa5+ 11. Bd2! Qxa2 12. O-O {хүүний оронд цагаан санаачлагатай. (Халифман - Леко, Будапешт, 2000)}) 7... Bg7 8. Ne2 (8. Nf3 {гэвэл} O-O {гээд 9... Тg4 гэж тэмээгээ сайн байрлалд гаргахын дээр d4 нүдний дарамтыг хүчлэнэ.} 9. h3 {-д} Nc6 10. Be3 cxd4 11. cxd4 Qa5+ 12. Bd2 Qa3 {хүчтэй.}) 8... Nc6 9. Be3 O-O 10. O-O cxd4 11. cxd4 Bg4 {цагаан тэмээг хөнгөн шахах энэ нүүдэл хэрэггүй мэт санагдахаар. Гэхдээ хар хэрэгтэй үед b6 -д бэрсээ шалаатай гаргахын тулд f2-f3 түлхэлтийг хийлгэхийг хүсэж байгаа.} (11... Na5 {сул} 12. Bd3 Be6 13. d5! Bxa1 14. Qxa1 f6 15. Bh6 Re8 16. Nf4 Bd7 17. e5 {гээд цагаан аюултай дайралттай. (Сокольский - Толуш, ЗХУ, 1944)}) 12. f3 Na5 {чухал үе. Хар хүү хаясан.} 13. Bd3 ({цагаан энэ бэлгийг авах утгагүй.} 13. Bxf7+ Rxf7 14. fxg4 {-ийн дараагаар хар} Rxf1+ 15. Qxf1 ({илүү нь} 15. Kxf1) 15... Qd7 16.h3 Nc4 {гээд сайн тоглолтыг авна. Харын боднууд маш идэвхитай байрласан байхад цагааны давхарлагдсан илүү хүү үйл явцын хөгжилд сүрхий нөлөө үзүүлэхгүй.}) (13. Rc1 {гэж тоглон цагаан хөлийн тэмээг солилцохыг зөвшөөрч болно. Гэхдээ энэхүү даруухан нүүдлээс илүүг хүлээх хэрэггүй.} Nxc4 14. Rxc4 Bd7 15. Qb3 Qa5 {гээд хард сүрхий хүндрэлийг үүсгэхгүй.}) 13... Be6 {харын төлөвлөгөө тодорхой. Тэд c4 нүдийг эзлэн бэрсний жигүүрийн хүүнүүдийн давшилтаар сөрөг тоглолтын бодит боломжийг олж авахыг хүснэ. Энд цагаан хэрхэн тоглох вэ?} 14. d5 {гэсэн чанарын хаяанд олон тооны судалгаа зорилагдсан байдаг ч өнөөг хүртэл энэ асуудал тодорхойгүй хэвээр байгаа. Хар чанарын хаяаг аван шургуу хамгаалж чадна.} ({Закийн боловсруулсан} 14. Rc1 {нүүдэлд анхаарах хэрэгтэй.} Bxa2 {гэвэл} 15. d5 Bb3 16. Qe1 {гээд аюултай заналтай.}) 14... Bxa1 15. Qxa1 f6 16. Bh6 ({цагаанд} 16. Qe1 {гэсэн дайралтын өөр боломж бий. Энэ хувилбарыг судлах л хэрэгтэй.}) 16... Re8 17. Kh1 ({эсхүл} 17. Nf4 Bd7 18. e5 Rc8 19. Kh1 Nc4 20. e6 Ba4 {Банник - Новотельнов, ЗХУ, 1951}) 17... Rc8 18. Qd4 Bd7 19. Qxa7 Nc4 {гээд хар материалын давуугаа хадгалан аюулаас мултарсан.}

  Нээгдсэн тоо: 388 Төлбөртэй

Грюнфельдийн хамгаалалт. Жишээ өргүүд I

Орчин үед бэрсний гамбитийн эсрэг маш өргөнөөр ашигладаг хамгаалалтын нэг бол Грюнфельдийн хамгаалалт. Иймээс шатар сонирхогчид, эхлэн суралцагчид хамгаалалтын системийн сайтар судлан суралцахыг зөвлөе. Жишээнд мастеруудын төрөл бүрийн шатны тэмцээнд тоглосон өргүүд орсон тул нүүдэл бүрийг сайн судлан ойлгон авахыг оролдоорой.

[Event "Москва, 1981."] [White "Авербах"] [Black "Купрейчик"] 1. d4 Nf6 2. Nf3 g6 3. g3 Bg7 4. Bg2 O-O 5. O-O d5 6. c4 c6 {хатуу үргэлжлэл.} (6... dxc4 {-ийн дараа хурц тэмцэлтэй.}) 7. cxd5 cxd5 8. Ne5! {Энэхүү симметр байрлалд цагааны гол найдлага морио e5 дээр оруулан давууг авахтай холбоотой бөгөөд энэхүү чухал нүүдлийг цаг алдалгүй хийх хэрэгтэй.} (8. Nc3 {тохиолдолд хард} Ne4! {гэсэн адилхан боломж гарч ирнэ.}) 8... Ng4?! ({найдвартай нь} 8... e6 9. Nc3 Nfd7! {энэ байрлалыг Каспаров Карповтой дэлхийн аваргын тэмцээнд хараар тоглохдоо хоёр ч өрөгт хамгаалсан. Цагаан} 10. Nf3 ({эсхүл} 10. f4 Nc6 11. Be3 Nb6 12. Bf2 Bd7 13. e4 Ne7 {ч гээд тодорхой үр дүнд хүрээгүй. (1987)}) 10... Nc6 11. Bf4 (11. Bg5 {гэвэл} Qb6! 12. Na4 Qa6 13. a3 h6! 14. Bf4 g5 15. Be3 b5 {гээд хар бэрсний жигүүрт сайн ирээдүйтэй. (Стуруа - Маланюк, 1981)}) 11... Nf6 12. Ne5 Bd7 {гээд олигтой үр дүнд хүрээгүй. (1986)}) 9. f4! Qb6? {өргийн тайлбарт Авербах "энэхүү идэвхитэй нүүдэл гайхалтай байдлаар цагааныг материалийн давууг хүргэсэн. e5 дээр солилцох шаардлагатай байлаа" гэж бичжээ.} 10. Nc3 Be6 (10... Nxe5 {гэвэл} 11. Nxd5) 11. Nxg4 Bxg4 12. Nxd5 Bxd4+ (12... Qxd4+ 13. Qxd4 Bxd4+ 14. e3 {муу. Хар материалийн том хохирол амсах нь гарцаагүй.}) 13. e3!! {маш гоё. Хар тоглолтыг нарийн болгож амжилгүйгээр багадаа л хүү алдан өрөг цагааны хожилтой төгсгөлд шууд шилжинэ.} Bxd1 14. Nxb6 axb6 15. Rxd1 Bc5 16. Bxb7 Ra7 17. Bf3 {бусад нь энгийн.} Na6 18. a3 Rc8 19. Bd2 Rd7 20. Kf1 Rcd8 21. Ke2 e5 22. fxe5 Nc7 23. Bc6 Rd3 24. b4 Be7 25. Be1 Rb3 26. Rxd8+ Bxd8 27. Ra2 Bg5 28. Bd2 b5 29. Be4 {гээд хар буусан.}

Жич: Өөрийгөө хөгжүүлэхэд багахан хэмжээний төлбөр төлөхөөс татгалзах хэрэггүй.

  Нээгдсэн тоо: 322 Төлбөртэй

Грюнфельдийн хамгаалалт. Жишээ өргүүд II

Орчин үед бэрсний гамбитийн эсрэг маш өргөнөөр ашигладаг хамгаалалтын нэг бол Грюнфельдийн хамгаалалт. Иймээс шатар сонирхогчид, эхлэн суралцагчид хамгаалалтын системийн сайтар судлан суралцахыг зөвлөе. Жишээнд мастеруудын төрөл бүрийн шатны тэмцээнд тоглосон өргүүд орсон тул нүүдэл бүрийг сайн судлан ойлгон авахыг оролдоорой. Энэ удаад Грюнфельдийн хамгаалалтын жишээ өргүүдээс үргэлжлүүлэн танилцуулъя.

[Event "Минск, 1987."] [White "Юсупов"] [Black "Цешковский"] 1. d4 Nf6 2. c4 g6 3. Nc3 d5 4. cxd5 Nxd5 5. e4 Nxc3 6. bxc3 Bg7 7. Bc4 O-O 8. Ne2 c5 9. O-O Nc6 10. Be3 Na5 11. Bd3 b6 12. Rc1 ({хүүний хаяаг авах нь цагаанд ашиггүй.} 12. dxc5? bxc5 13. Bxc5 Qc7 14. Bd4 e5 15. Be3 Nc4 {-ийн дараагаар Роха - Керес (1964/65) нарын өрөгт хар сайн нөхөөсийг авсан.}) (12. f4?! cxd4 13. cxd4 f5! {хувилбарт харын сонгосон нүүдлийн дарааллын оновчтой нь илэрнэ. Цагаан} 14. exf5 ({харин} 14. Qe1 e6 15. Rd1 Bb7 {??? дараачаар хар сайн тоглолттой. (Хольм - Пршибыл, 1974)}) 14... Bxf5 15. Bxf5 gxf5 16. Ng3 {гэж үргэлжлүүлж чадахгүй. d4 хүү сул.}) ({өрөгт хийгдсэн нүүдлээс гадна} 12. Qd2 {гэж бас тоглодог.}) 12... Qc7 ({хувилбарын санаанд илүү тохирох нь} 12... Bb7 {гээд цааш} 13. d5 c4! 14. Bc2 e6 {дараагаар нарийн тоглолттой.}) 13. Qd2 ({энд} 13. f4 {гэж тоглож болно.} f5 {-д} 14. exf5 Bxf5 15. Bxf5 gxf5 16. dxc5! Rad8 17. cxb6 axb6 18. Bd4 {гээд цагаан давуутай. (Спасский - Шмидт, 1968)}) 13... Bb7 14. Bh6 Rad8 15. h4! Qd6?! {сайнгүй хариулт.} ({хүчтэй нь} 15... Nc6 {гээд} 16. d5 Ne5 {-ын дараа Юсуповийн бодлоор цагаан нилээд илүү байна. Гэхдээ удаан тоглолт бий.}) 16. d5 c4 (16... e6 {гэвэл} 17. c4!) 17. Bc2 e6?! {тоглолтыг задлах нь цагаанд ашигтай.} ({Юсупов} 17... e5 {гэж хориглон тоглохыг зөвөлсөн.}) 18. Bxg7 Kxg7 19. f4! f5 (19... exd5 {гэвэл цагаан} 20. e5! Qe7 21. h5 {гээд хүчтэй дайралттай.}) 20. Nd4! fxe4 21. dxe6 Nc6 {оройтсон.} 22. f5! {цагааны дайралтыг зогсоохгүй.} Nxd4 23. cxd4 Qe7 (23... Qxd4+ {гэвэл} 24.Qxd4+ Rxd4 25. e7 Re8 26. Ba4 {гээд шууд хожигдоно.}) 24. Ba4! {шийдвэрлэх нүүдэл.} Rxf5 (24... gxf5 {гэвэл} 25. Qg5+) ({эсхүл} 24... Rd5 25. fxg6 hxg6 26. Rxf8 Qxf8 27. Rf1 Rf5 28. Rxf5 {гээд дуусна.}) 25. Rxf5 gxf5 26. Qf4! Bd5 27. Qe5+ Kg6 ({эсхүл} 27... Qf6 28. e7!) (27... Kg8 {гэвэл өрөгт хийгдсэн} 28. Rc3 {шийднэ.}) 28. Rc3 f4 29. h5+! {гээд хар буусан.}

  Нээгдсэн тоо: 321 Төлбөртэй

Шинэ энэтхэг хамгаалалт

Шатарт суралцахад гарааны онолын мэдлэг маш чухал. Гарааг сайн хийхгүй бол өрөгт амжилт олно гэдэг тун хүнд. Ихэнх шатар сонирхогчид гарааны онолд бага ач холбогдол өгдөгөөс болоод эхний 10 нүүдэлд өргийн хувь заяаг шийдвэрлэх алдаа хийн хүнд байдалд орох гээд байдаг. Иймээс шатарыг боломжийн тоглож суръя гэвэл гараануудыг сайн судлахыг зөвлөе. Сайтад шатрын гараануудын хичээлүүдийг багцлан оруулж байгаатай танилцаарай. Энэ удаад Шинэ энэтхэг хамгаалалт нэртэй хагас хаалттай гарааны талаар үзье.

[Event "Шинэ энэтхэг хамгаалалт. 1-р хэсэг."] 1. d4 Nf6 2. c4 e6 3. Nc3 (3. Nf3 {нүүдлийн дараа л c8 тэмээг жигүүрт хөллөх нь зүйтэй.}) 3... b6 {нүүдлийн ийм дараалалд цагаан хүүний тогтвортой төвийг авснаар санаачлагыг удаанаар эзэмшдэг гэдгийг практикаар нотолсон.} 4. e4 Bb7 5. Qc2 Bb4 ({эсхүл} 5... d5 6. cxd5 exd5 7. e5 Ne4 8. Bb5+ c6 9. Bd3 {гээд цагаан сайхан тоглолттой.}) 6. Bd3 c5 (6... Bxc3+ {гэвэл} 7. bxc3 d6 8. f4 e5 9. Nf3 Nbd7 10. fxe5 dxe5 11. Bg5 {-ын дараагаар цагаан хүчтэй заналтай.}) 7. d5 {b7 тэмээний байрлалыг сайжруулах хэрэгтэй.} exd5 8. exd5 {цааш Мge2, O-O хэрэгтэй бол Мg3, Мf5 гэж тоглон цагаан аюултай тоглолтыг авна. Хар бодит сөрөг боломжийг үүсгэхэд хүнд. Муу байрлалтай b4 тэмээг нэг бол солилцон цагаанд хоёр тэмээний давууг өгөх эсхүл үнэт цагаа алдан буцаан татахад хүрнэ.}

  Нээгдсэн тоо: 399 Төлбөртэй

Шинэ энэтхэг хамгаалалт. Жишээ өргүүд

Шинэ энэтхэг хамгаалалтаар мастерууд гэлтгүй сонирхогчид их тоглодог. Ер нь бэрсний гамбитийн эсрэг хамгийн өргөн хэрэглэдэг гараануудын нэгд зүй ёсоор ордог. Иймээс гарааны хичээлийг үзээд жишээ өргүүдэд мастерууд хэрхэн тоглож буйг онолын хичээлтэй хослуулан судлаарай.

[Event "Валлетта, 1980."] [White "Каспаров"] [Black "Марьянович"] 1. d4 Nf6 2. c4 e6 3. Nf3 b6 4. g3 Bb7 5. Bg2 Be7 6. O-O O-O 7. d5 {Полугаевский 1980 онд Корчнойг хожсон гоё хожлын дараагаар энэхүү хүүний хаяа онцгой дэлгэрсэн.} exd5 8. Nh4 ({урьд нь} 8. Nd4 {гэж тоглодог байсан бөгөөд хар} Bc6! {гээд амжилттай хамгаалдаг.}) 8... c6 9. cxd5 Nxd5 10. Nf5 Nc7! {оновчтой хариу.} ({Полугаевский - Корчной нарын өрөг} 10... Bc5 11. e4 Ne7 12. Nxg7! Kxg7 13. b4! Bxb4 14. Qd4+ {гэж үргэлжлэн цагаан хүчтэй дайралттай болсон.}) 11. Nc3 d5 12. e4 Bf6 13. exd5 ({1984/85 онуудын дэлхийн аваргын тэмцээнд Каспаров Карповийн эсрэг тоглохдоо} 13. Bf4 {нүүдлийг хийсэн.} Bc8 14. g4! Nba6 15. Rc1 {-ийн дараагаар цагаан санаачлагыг авсан. Энд} Bxf5 (15... Bd7 {Карпов илүүд үзсэн.}) 16. gxf5 Bg5! {гээд хар муугүй байрлалтай. (Сосонко - Тукманов, 1984)}) (13. Re1 Bc8 14. Qf3 Be6 15. g4 Nd7 16. Qg3 dxe4 17. Bxe4 Nd5 18. g5 {тохиолдолд маш нарийн тэмцэлтэй. Цагаан хангалттай нөхвөртэй. (Романишин - Епишин, 1988)}) 13... cxd5 14. Bf4 Nba6 15. Re1 Qd7 (15... Nc5! {-ыг Каспаров илүү гэсэн.}) 16. Bh3! Kh8 {шийдвэрлэх алдаа.} ({ Болдог бол буцаад} 16... Qd8 {гэх хэрэгтэй байлаа. Одоо цагаан бүхий л хүчээ өрсөлдөгчийн ноёнд хаяна.}) 17. Ne4! Bxb2 18. Ng5! Qc6 19. Ne7 Qf6 20. Nxh7! {хар ноёны байрлал сүйрсэн.} Qd4 21. Qh5 g6 22. Qh4 Bxa1 23. Nf6+ {хоёр нүүгээд мад болох тул хар буусан.} Kg7 24. Qh6+ Kxf6 25. Bg5#

  Нээгдсэн тоо: 238 Төлбөртэй

Нимцовичийн хамгаалалт 1-р хэсэг

Хичээлээр 1. d4 Мf6 2. c4 e6 3. Мc3 Тb4 нүүдлүүдийн дараагаар үүсэх шатрын суут онолч Арон Нимцовичийн (1886—1935) нэрээр нэрлэгдсэн хагас хаалттай гарааг авч үзье. Барууны сурах бичгүүдэд гарааг Нимцо-энэтхэгийн хамгаалалт (Nimzo-Indian Defence) гэж нэрлэсэн байдаг. Нимцовичийн шатрын онолоор хар c3 дээр тэмээгээ мориор солилцсоны дараагаар цагаанд сул (давхар хүү) байдлыг үүсгэсний үр дүнд давууг авна гэж үздэг.
Гарааны үндсэн санаа нь с7-с5 болон е6-е5 хүүний давшилтаар төвд бодны дарамтыг үзүүлэхэд оршино. Гарааны бас нэгэн санаа нь e4 нүдэнд хяналт тогтоох. Заримдаа хар бэрсний гамбитийн санааг хэрэглэн d7-d5 -аар хамгаалтыг зохион байгуулдаг.

  Нээгдсэн тоо: 275 Төлбөртэй

Нимцовичийн хамгаалалт 2-р хэсэг

Хичээлээр 1. d4 Мf6 2. c4 e6 3. Мc3 Тb4 нүүдлүүдийн дараагаар үүсэх шатрын суут онолч Арон Нимцовичийн (1886—1935) нэрээр нэрлэгдсэн хагас хаалттай гарааг авч үзье. Барууны сурах бичгүүдэд гарааг Нимцо-энэтхэгийн хамгаалалт (Nimzo-Indian Defence) гэж нэрлэсэн байдаг. Нимцовичийн шатрын онолоор хар c3 дээр тэмээгээ мориор солилцсоны дараагаар цагаанд сул (давхар хүү) байдлыг үүсгэсний үр дүнд давууг авна гэж үздэг.
Гарааны үндсэн санаа нь с7-с5 болон е6-е5 хүүний давшилтаар төвд бодны дарамтыг үзүүлэхэд оршино. Гарааны бас нэгэн санаа нь e4 нүдэнд хяналт тогтоох. Заримдаа хар бэрсний гамбитийн санааг хэрэглэн d7-d5 -аар хамгаалтыг зохион байгуулдаг. Хичээлд гарааны 2, 3, 4 -р хувилбаруудыг авч үзнэ. 1-р хувилбарыг Нимцовичийн хамгаалалт 1-р хэсэг хичээлээс үзээрэй.

  Нээгдсэн тоо: 359 Бүртгүүлэх

Нимцовичийн хамгаалалт жишээ өргүүд I

Шатар сурах энгийн хэдий ч муугүй тоглож сурахад онолын мэдлэг зайлшгүй хэрэгтэй. Тэр дундаа гарааны онолыг сайтар ойлгож судлан өргийг тодорхой гараагаар эхлүүлэхгүй бол эхний хэдхэн нүүдэлд алдаа гарган өргийн хувь заяаг шийдэх нь бишгүй тохиолддог. Та сайтад нийтлэгдсэн шатрын гараануудыг судлан өөрийн тоглолтод хэрэглэвэл тоглолтын ур чадвар эрс нэмэгдэнэ гэдэгт итгэлтэй байж болно. 

[Event "Скопле, 1972."] [White "Доннер"] [Black "Портиш"] 1. d4 Nf6 2. c4 e6 3. Nc3 Bb4 4. e3 c5 5. Bd3 Nc6 6. Nf3 Bxc3+ 7. bxc3 d6 8. e4 (8. O-O e5 9. Nd2! {уян үргэлжлэл. Одоо хамгийн оновчтой хариулт} O-O! {юм. Балашов - Ваганян (1989) нарын өрөг}10. d5 Ne7 11. e4 h6! 12. Re1 Nh7 13. Nf1 f5! {гэж үргэлжлэн хар сайн тоглолтыг авсан.}) 8... e5 9. d5 Ne7 10. Nh4 h6 11. f3? {Уйтгартай нүүдэл.} ({цагаан} 11. f4! O-O {-ийн дараагаар үүсэх хурцатгалыг сонирхохгүй бол тэдэнд морио g2 -оор дамжуулан e3 -д шилжүүлэх} (11... exf4 {муу.} 12. Bxf4 g5 13. e5! {гээд цагаан хүчтэй дайралттай.})) (11. g3 {гоё үргэлжлэл байсан. Жишээ нь} g5 12. Ng2 Bh3 13. Ne3 Qd7 14. f3 O-O-O 15. Rb1 Kb8 {харилцан боломжуудтай нарийн тоглолттой. (Хюбнер - Тимман, 1981)}) 11... Qa5! 12. Qc2 g5 13. Nf5 Nxf5! (13... Bxf5 {-аас хамаагүй хүчтэй. e7 -гийн морь ирээдүй муутай.}) 14. exf5 Bd7 {хэрэг гарвал тэмээ "францын" a4 нүдийг авах боломжтой.} 15. h4 ({цагаан} 15. g4 {гэж тоглож амжихгүй.} Ba4! 16. Qd2 O-O-O 17. h4 e4! {гээд төвд үлдсэн ноён дайралтад өртөнө.}) 15... g4 16. fxg4? {цагаан хэдэн сайнгүй нүүдэл хийснээр маш хурдан ялагдсан.} ({Портишийн зөвлөмжөөр} 16. h5 {гэж тоглох хэрэгтэй байсан.}) 16... Nxg4 17. Be2 Rg8 18. Bxg4? Rxg4 19. Bxh6 Bxf5! {үхлийн цохилт.} 20. Qxf5? ({цагаан шууд хожигдохгүйн тулд} 20. Qd2 {гэж тоглох ёстой ч} Be4! {-ийн дараа тэдний байрлал аймшигтай. Тэмээний хаяаг авсны дараагаар мад болно.}) 20... Qxc3+ 21. Kf2 Qb2+ 22. Ke3 Rxg2 {олон тооны мадны заналаас хамгаалалт байхгүй тул цагаан буусан.}

  Нээгдсэн тоо: 282 Нийтийн

Нимцовичийн хамгаалалт жишээ өргүүд II

Аливаа зүйлийг сурахад таниас нилээдгүй тэсвэр тэвчээр, хичээл зүтгэл, сахилга батыг шаардана. Хүмүүс мөнгө төлчихвөл сурчихдаг гэж бодоод байдаг бололтой. Мөнгө төлөөд хоол унд, хувцас хунар, эд хөрөнгийг шууд авч болохоос мэдлэг, боловсрол, ур чадварыг авахгүй. Үүнийг сайтар эрэгцүүлэн бодоорой. Үүнээс гадна ямарч зүйлийг сурах суурь бол сэтгэн бодох, дүн шинжилгээ хийх, тасралтгүй суралцах юм. Сайтад тавигдаж буй материалууд танд энэхүү суурийг олон авахад л туслах зорилготой. Сурах суурийг тавихад математик, шатар маш том үүрэгтэй гэдгийг хүн төрөлхтөний түүх баталсан зүйл тул бүх хүмүүс бүр багаасаа үүнд суралцах хэрэгтэй гэж бодогдоно.

Энэ удаад шатрын онолчдын дунд томоохон байр суурьтай А. Нимцович боловсруулан, хөгжүүлсэн хамгаалалтын системийн жишээ өргүүдээс үргэлжлүүлэн танилцуулъя. Хамгаалалт бэрсний гамбитийн эсрэг маш сайн үр дүнтэй байгуулалтыг үүсгэдэг гэдэг нь өргүүдээс харагдана.

  Нээгдсэн тоо: 292 Төлбөртэй

Голланд хамгаалалт

Хичээлээр хагас хаалттай төрөлд ордог Голланд хамгаалалтын талаар авч үзье. Гараа г Голландийн шатарч Элиаса Стейн (Elias Stein) 1789 онд нийтэд танилцуулсан. Хамгаалалтын Стаунтоний гамбит, Ильин-Женевскийн систем, "Чулуун хана" хувилбарууд хамгийн ихээр тархсан. Сүүлийн жилүүдэд голланд хамгаалалт болон хуучин энэтхэг хамгаалалтын санаанд суурилсан Ленинградийн системийг өргөнөөр хэрэглэх болсон.
Орчин үеийн тэмуээнүүдэд гарааг төдийлөн хэрэглээд байдаггүй.

Жич: Ямарваа зүйлийг сурая гэвэл эхлээд онолын суурь мэдлэгтэй болохгүй бол та нэг сайн үр дүнд хүрэхгүй. Иймээс шатрын гарааны хичээлүүдийг сайтар судлахыг зөвлөе.

  Нээгдсэн тоо: 258 Төлбөртэй

Голланд хамгаалалт жишээ өрөг

Голландийн шатарч Элиаса Стейн (Elias Stein) 1789 онд нийтэд танилцуулсан. Хамгаалалтын Стаунтоний гамбит, Ильин-Женевскийн систем, "Чулуун хана" хувилбарууд хамгийн ихээр тархсан. Сүүлийн жилүүдэд голланд хамгаалалт болон хуучин энэтхэг хамгаалалтын санаанд суурилсан Ленинградийн системийг өргөнөөр хэрэглэх болсон. Хичээлээр гарааг хэрэглэсэн жишээ өргийг авч үзье. Өргийн өрнөлийг ойлгохын тулд гарааны онолын хичээлийг үзэхийг зөвлөе.

  Нээгдсэн тоо: 231 Нийтийн

Будапештийн гамбит

Энэхүү гамбит 1896 онд Будапештэд М.Адлер - Г.Мароци нарын өрөгт анх тоглогдсон. Цааш Унгарын И.Абоньи, Ж.Барас, Д.Брейер зэрэг мастерууд дэлгэрэнгүй судалгааг хийснээр нилээд практик амжилтанд хүрсэн ч 1925 онд А.Алехиний хоёр хожлын дараагаар гарааны нэр хүнд унасан байдаг. Өнөө цагт Будапештийн гамбитийг харын тоглолтод ямар нэгэн түвшинд хангалттай зөв арга гэж үздэг ч нилээд эрсдэлтэй. Их мастеруудийн өрөгт гараа ховор тохиолддог.

[Event "Будапештийн гамбит"] 1. d4 Nf6 2. c4 e5 {Унгарын мастерууд боловсруулсан төвийн тэмцлийн ямар нэгэн бэлтгэлгүйгээр хийгдсэн энэ гамбитийн нүүдлийн дүнд хар хэдэн чухал темп алдсанаар тэдэнд сайнгүй нь батлагдсан.} 3. dxe5 Ng4 ({хааяа} 3... Ne4 {гэж тоглодог. Цагаанд} 4. Nd2 {сайн. Жишээ нь} (4. Qc2 {-ын дараа ч цагаан давууг авна. Жишээ нь} d5 5. exd6 Bf5 6. Nc3 Nxd6 (6... Ng3 {муу} 7. Qa4+ Bd7 8. Nb5!) 7. e4 Nxe4 8. Bd3 (8. Nxe4 {гэвэл} Bb4+) 8... Nxf2 9. Bxf5 Nxh1 10. Nf3 Bc5 11. Ne4 {гээд хар хамгаалахад хүнд.}) 4... Nc5 5. Ngf3 Nc6 6. g3 Qe7 7. Bg2 {одоо} Nxe5 {гэвэл} 8. Nxe5 Qxe5 9. O-O {гээд цагаан хөлөлгөөнд давуутайн дээр төвийн нүднүүдэд хүчтэй дарамттай.}) 4. Nf3 (4. f4 {аюултай.} Bc5 5. Nh3 d6 6. exd6 O-O 7. dxc7 Qxc7 8. Nc3 Bb4 {гээд хар хүчтэй дайралттай.}) ({хурц тоглолтод} 4. e4 {хүргэнэ.} Nxe5 5. f4 Nec6 (5... Ng6 {боломжтой.}) 6. Be3 Na6 7. Nc3 Bc5 {цагаан өөрийн давууг батлахад хүндхэн.}) 4... Nc6 (4... Bc5 {хувилбарт цагаан давуугаа хадгална. Жишээ нь} 5. e3 Nc6 6. Be2 Ngxe5 7. Nc3 d6 8. O-O O-O 9. b3 Bf5 10. Bb2 Re8 11. Na4 Bb6 12. Nxb6 axb6 13. Nd4 Bd7 {гээд хар амаргүй хамгаалалтад шилжинэ.}) 5. Bf4 Bb4+ (5... f6 6. exf6 Qxf6 7. Qd2 Bb4 8. Nc3 Bxc3 9. bxc3 d6 10. e3 {-ын дараагаар хар хүүний хангалттай нөхөөсгүй.}) 6. Nbd2 {Рубинштейний санал болгосон нүүдэл. Ийм үргэлжлэлд цагаан удаан хугацааны дарамтыг авдагийг практикаар нотлогдсон.} Qe7 7. a3 Ngxe5 8. Nxe5 (8. axb4?? {гэвэл} Nd3#) 8... Nxe5 9. e3 Bxd2+ 10. Qxd2 d6 11. Be2 {цагаан хоёр тэмээтэй ба төвд идэвхитэй байрлалтай.}

Гамбитийн жишээ өрөгийг харцгаая

  Нээгдсэн тоо: 282 Төлбөртэй

Бэрсний хүүний гараа

Хагас хаалттай гараа багц хичээлийн сүүлийн гараа болох Бэрсний хүүний гарааг танилцуулая. Шатарыг гайгуй суръя гэвэл гарааны онолыг нилээд суурьтай судлах хэрэгтэй. Иймд сайтын Багц хичээлүүд хэсгээс шатрын гарааны хичээлүүдийг сонирхохыг зөвлөе. Гарааны онолын мэдлэг муугаас үүдэн эхний нүүдлүүдэд алдаа хийн хожигдох явдал шатар сонирхогчдын дунд маш түгээмэл байдаг. 

[Event "Бэрсний хүүний гараа. 1-р хэсэг"] 1. d4 {энэ гараа цагаан өргийг 1. d2-d4 нүүдлээр эхлүүлээд c2-c4 түлхэлтэд яардаггүй хэдэн системийг нэгтэгдэг.} Nf6 2. Bg5 {харилцан боломжуудтай хурц тоглолтод хүргэдэг Тромповскийн дайралт гэж нэрлэдэг бага судлагдсан үргэлжлэл.} Ne4 ({цагаан бат бэх хүүний төв үүсгэх} 2... e6 {боломжтой ч хард хоёр тэмээний давууг өгдөг.} 3. e4 h6 4. Bxf6 Qxf6 5. Nc3 d6 (5... Bb4!?) 6. Qd2 g5 7. Bc4 Nc6 8. Nge2 Bg7 9. Rd1 Bd7 10. O-O O-O-O 11. Nb5 {тоглолтын санаачлага цагаанд. (Ананд - Карпов, 1998)}) (2... c5 3. Bxf6 gxf6 4. d5 Qb6 {үргэлжлэл нарийн тоглолтод хүргэнэ.}) 3. Bh4 (3. Bf4 c5 4. d5 Qb6 5. Bc1 e6 6. f3 Qa5+!? 7. c3 Nf6 8. e4 d6 {нарийн тоглолттой үргэлжлэл тохиолдож байсан. (Ван дер Виль - Каспаров, 1982)}) (3. h4!? {нүүдэл сонирхолтой. (Миладинович - Сулскис, 1994)}) 3... d5 (3... c5 {хариулт боломжтой. Жишээ нь} 4. f3 g5! 5. fxe4 gxh4 6. e3 Bh6 7. Kf2! (7. Qd3 Nc6 8. Nd2 cxd4 9. exd4 Qb6 10. Nb3 a5 11. a4 d5! {муу. Хар давуутай. (Бондаревский - Болеславский, 1945)}) 7... e6 8. Nd2 {цагааны байрлал илүү аятайхан.}) 4. f3 Nd6 5. Nc3 c5! 6. dxc5 Nf5 7. Bf2 d4 {хүүний нөхөөст хар хүчтэй санаачлагатай. (Шерешевский - Тукмаков, 1981)}

  Нээгдсэн тоо: 229 Нийтийн

Статик гишүүд…

Класс ба структурт ердийн талбар, арга, шинжүүдээс гадна статик талбар, арга, шинжүүд байж болдог. Статик талбар, арга, шинжүүд…

Нээгдсэн тоо : 150

 
useRef

Хичээлээр useState -тэй тун төстэй useRef хукийн талаар авч үзье. useRef хукийн онцлог ашиглалтыг компонент хэдэн удаа дахин…

Нээгдсэн тоо : 123

 
Тоог ихэсгэх

Хүүхдүүд тооны хичээлийг анхнаасаа зөв ойлгон сураагүйгээс анги ахих тусмаа математикийн хичээлийнн хоцрогдолоос болоод дургүй болох тал байдаг.…

Нээгдсэн тоо : 312

 
Графикийн паттерн.…

Нийтлэлээр графикийн хэвүүдийн /GUI pattern/ түүхийг авч үзье. Боловсруулалтын графикийн хэвүүдийг 30 гаруй жилийн туршид боловсруулж байгаа бөгөөд…

Нээгдсэн тоо : 167

 
Аргын хэт…

Хааяа өөр өөр параметрүүдийн багцтай нэг аргыг үүсгэх шаардлага гардаг. Ирсэн параметрүүдээс хамааран аргын тодорхой хэрэгжүүлэлтийг хэрэглэнэ. Ийм…

Нээгдсэн тоо : 196

 
Vuex -ийг…

Ямарч програмын ажиллагааны чухал хэсэг бол төрөл бүрийн мэдээллийн боловсруулалт, тэдгээртэй ажиллахтай холбоотой байдаг. Иймээс энэ хичээлээс vuejs…

Нээгдсэн тоо : 139

 
useEffect

Хичээлээр react -ийн хукуудаас их өргөн ашиглагддаг useEffect -ийн талаар авч үзье. useEffect -ийн ажиллагааг судлах хуудасны кодийг

…

Нээгдсэн тоо : 138

 
Тоон болон…

Илэрхийлэл бол математикийн хэлний үндэс болсон суурь ойлголтуудын нэг. Математикийн илэрхийллийг тооцооны алгоритм, аксиом, теорем, бодлогын нөхцлүүд гээд…

Нээгдсэн тоо : 264

 
Програмчлалын хэвүүд…

Програм зохиох бол нарийн төвөгтэй ажил. Ямар ч програмын хувьд өөрийн хийх ажлаа гүйцэтгэхийн чацуу цаашдаа хөгжих, ажлын…

Нээгдсэн тоо : 189

 
Энэ долоо хоногт
Бодлого 7.065

тэгшитгэлийг бод.

Нээгдсэн тоо : 1140

 
Бодлого 14.036

хязгаарыг бодоорой.

Нээгдсэн тоо : 720

 
Бодлого 8.073

Ангийн нийт сурагчдын 60% нь эмэгтэй сурагчид байдаг. Ангиас санамсаргүйгээр нэг сурагч сонгоход эрэгтэй сурагч байх магадлалыг ол.

Нээгдсэн тоо : 1124

 
© 2014 Зохиогчийн эрхээр хамгаалагдсан. Холбогдох