Орой бүрд нь ижил тоотой талууд нийлдэг, бүх тал нь хоорондоо тэнцүү зөв олон өнцөгтөөс бүрдсэн олон талтыг зөв олон талт гэнэ.
Зөвхөн таван гүдгэр, дөрвөн гүдгэр биш зөв олон талт мэдэгдэж байгаа. Гүдгэр зөв олон талтууд:

• тетраэдер / 4 талт  Зур. 99/
• куб буюу гексаэдер / 6 талт Зур. 100/
• октаэдер / 8 талт  Зур. 101/
• додекаэдер / 12 талт  Зур. 102/
• икосаэдер / 20 талт  Зур. 103/

Битүүрсэн чиглүүлэгчтэй шовгор гадаргуун зурвасаар хязгаарлагдсан огторгуйн хэсгийг биетийн өнцөг гэнэ. Биетийн өнцөг нь бөөрөнхий гадаргуун (ABCDEF) /Зур. 98/ хэсгээр хэмжигдэнэ.

Биетийн өнцгийг (ABCDEF) талбай, шаарын радиусын квадратын харьцаагаар хэмжинэ.

Ямар нэгэн муруй хавтгай дээр /Зур. 94/ A, B, C гэсэн гурван цэг байна гэж үзээд эдгээр цэгүүдийг дайруулан P огтлогч хавтгайг татъя. B, C цэгүүдийг A цэг рүү хоёр өөр чиглэлээр хөдөлгөе. Тэгвэл P хавтгай нь B, C цэгийг хаана авсан, A цэг рүү явж байгаа замаас хамаарахгүйгээр ямар нэгэн Q хязгаарын байрлал руу тэмүүлэх болно. Q хавтгайг A цэг дэх шүргэгч хавтгай гэнэ.
Гадаргуун зарим цэгүүд шүргэгч хавтгайгүй байж болно. Жишээ нь: Конусын оройд шүргэгч хавтгай байхгүй.

Бөөрөнхий гадаргуун шүргэгч P хавтгай нь /Зур. 95/ шүргэлтийн цэг A -д татсан OA радиустай перпендикуляр байна. Бөөрөнхий гадаргуу ба шүргэгч хавтгай нь шүргэлтийн цэг гэсэн ганцхан ерөнхий цэгтэй байдаг.

Бөөрөнхий гадаргуу гэдэг нь огторгуйд байрлах O гэсэн нэг цэгээс ижил зайд орших цэгүүдийн олонлог / цэгийн геометр байрлал / юм. O цэгийг бөөрөнхий гадаргуун төв гэнэ. /Зур. 90/ AO радиус, AB диаметрийг тойрог дээрхтэй адилаар тодорхойлно.
Бөөрөнхий гадаргуугаар хязгаарлагдсан биетийг шаар /бөмбөлөг/ гэнэ. Шаарын бүх хавтгай зүсэлт нь дугуй байна. /Зур. 90/ Хамгийн том дугуй нь шаарын төвийг дайрсан зүсэлтээр үүсэх бөгөөд том дугуй гэж нэрлэнэ. Дурын хоёр том дугуй шаарын диаметрээр огтлолцоно. /Зур. 91/ Шаарын диаметрын төгсгөлд байрлах хоёр цэгийг дайруулан хязгааргүй олон том дугуй татаж болно.

Өгөгдсөн MN шугамын /Зур. 85/ дагуу AB шулуун хөдөлгөөнгүй S цэгийг дайран шилжихэд шовгор гадаргуу үүснэ. MN шугамыг чиглүүлэгч гэнэ. AB шулууны хөдөлгөөний үед үүсэх A’B’, A”B”, … г.м /Зур. 85/ шулуунуудыг шовгор гадаргууг бүрдүүлэгч, S цэгийг орой гэдэг. Шовгар гадаргуу нь SA ба SB цацрагаар хоёр хэсэг үүсдэг. Шовгор гадаргуу гэж ихэнхдээ нэг хэсгийг нь авч үздэг.

Өгөгдсөн MN муруйн /Зур. 82/ дагуу AB шулуун өөрийн чиглэлийг хадгалан шилжихэд цилиндр гадаргуу үүснэ. MN муруйг чиглүүлэгч гэнэ. AB шулууны хөдөлгөөний үед үүсэх A’B’, A”B”, …  г.м  /Зур. 82/ шулуунуудыг цилиндр гадаргууг бүрдүүлэгч гэдэг.

Олон өнцөгт хавтгайн хэсгүүдээс бүрдсэн биетийг олон талт гэнэ. Эдгээр олон өнцөгтийг талууд, тэдгээрийн талуудыг ирмэгүүд, оройнуудыг нь олон талтын оройнууд гэнэ. Хоёр оройг холбосон нэг тал дээр оршдоггүй хэрчмийг олон талтын диагнал гэдэг. Бүх диагнал нь олон талт дотроо байдаг биетийг гүдгэр олон талт гэнэ.

Призм

Призм гэдэг нь /Зур. 79/ хоёр тал  нь ( призмийн суурь) ABCDEF ба abcdef гэсэн паралел ижил олон өнцөгт , бусад талууд нь шулуунуудтай паралел паралелграм хавтгайнуудаас бүрдсэн олон талт юм. паралелграмуудыг хажуу талууд,  шулуунуудыг хажуу ирмэгүүд гэдэг. Нэг сууриас нөгөө суурьт буулгасан дурын перпендикуляр нь призмийн өндөр болно.

Шулуун ба хавтгайн паралел байх шинжүүд

• Хавтгайд үл орших шулуун нь хавтгай дээр байгаа ямар нэгэн шулуунтай паралел байвал энэ шулуун нь хавтгайтай паралел байна.
• Хэрвээ шулуун ба хавтгай нь нэг шулуунтай хоёулаа перпендикуляр байвал тэдгээр нь хоорондоо паралел байна.

Хавтгайнууд паралел байх шинжүүд

• Нэг хавтгай дээрх огтлолцсон хоёр шулуун нь нөгөө хавтгайн огтлолцсон хоёр шулуунтай паралел байвал шулуунуудыг агуулж байгаа хавтгайнууд паралел байна.
• Хэрвээ хоёр хавтгай нь нэг шулуунтай хоёулаа перпендикуляр байвал тэдгээр нь хоорондоо паралел байна.

Өнцөг

Огтлолцсон хоёр шулууны хоорондох өнцгийг хавтгайн геометрийн адилаар хэмжинэ. Учир нь эдгээр шулууныг дайруулан хавтгай татаж болдог. Паралел хоёр шулууны хоорондын өнцөг нь 0 эсвэл . Зөрсөн AB ба CD /Зур. 70/ хоёр шулууны хоорондын өнцгийг дараах байдлаар тодорхойлно.
Дурын O цэгийг дайруулаад OM || AB ба ON || CD байх OM, ON цацрагийг татна. Тэгвэл AB ба CD гийн хоорондох өнцөг нь NOM тэй тэнцүү гэж үзнэ. Өөр хэлбэл AB ба CD шулууныг өөртөө нь паралел байдлаар огтлолцох хүртэл нь шилжүүлнэ гэсэн үг. Тухайлбал O цэгийг AB ба CD шулуунуудын аль нэг дээр авч болно. Энэ тохиолдолд O цэг нь хөдөлгөөнгүй байна.

Стереометр нь огторгуйн дүрс ба биетийн шинж чанаруудыг судалдаг. Хавтгайн геометрт цэг, шулуун гэсэн үндсэн ойлголтууд байдаг шиг огторгуйн геометрийн үндсэн ойлголт нь шулуун ба хавтгай болно.

Огторгуйн геометрийн үндсэн аксиом - Нэг шулуун дээр үл орших огторгуйд байрлах гурван цэгийг дайруулан зөвхөн нэг л хавтгай байгуулж болно.

Нэг шулуун дээр орших гурван цэгийг дайруулан төгсгөлгүй олон / хавтгайн цацраг / хавтгайг байгуулж болно. Цацрагийн бүх хавтгайнууд дайрч өнгөрч байгаа шулууныг хавтгайн тэнхлэг гэдэг. Энэ шулуун ба түүн дээр байрлаагүй дурын цэг буюу шулууныг дайруулан зөвхөн нэг хавтгайг татаж болно. Хоёр шулууныг дайруулан хавтгайг дандаа татаж болдоггүй. Ийм шулуунуудыг зөрсөн шулуун гэнэ. Жишээ нь: Өрөөний нэг хананд татсан босоо шугам ба эсрэг хананд татсан хөндлөн шугамууд нь зөрсөн шугамууд болно.